هرمون البروجسترون

[Silent86]

المشاركة الأصلية كتبت بواسطة عروستة

لا حبيبتي تبويضك نازل انتي معك ضعف مثلي

و هرمون البروجسترون سويته يوم 21 من الدوره و ياخذو القيمه من فوق ال 10 فإذا القيمه فوق 11 و طالع يعني ما شالله ممتاز


و اذا نازل تحت العشره يعني ضعف و تحتاجي كورس منشطات و انا هذا الي قالت لي الدكتوره اني احتاج منشطات لأنه معي ضعف الحمدلله رب العالمين راضيه بالي فيني كله اختبار من ربي الحمدلله و الشكر



اختي انت تحتاجي الي منشطات و بإذن الله اذا حملتي تحتاجي الي مثبتات عادي ماتخافي اهم شي تحطي ببالك هالشي ان شالله امورك تتمام



بس انصحك اختي عشان تنشطي تبويض مع الكلوميد استخدمي عصير الاناناس من ثاني يوم دوره الي يوم التبويض و اكلي اناناس معلب و اتمرخي مرخي تحت سرتك بزيت زيتون مقري عليه


حتا لو انتي تدهني نفسك في البيت و تسوي مساج تحت سرتك و على ارحامك ترتاحي و ينشط الدم جهت المبايض و ان شالله شوي شوي يرتفع تبويضك


و لا تيأسي تراها مشكله بسيطه انا طمنتي الدكتوره انها مشكله بسيطه و بإذن الله تتعالج بس اتكلي ع الله وريحي بالك لا تحاتي


بنسبه لنقطة انه نزلت عليك الدوره بيوم 21 ماعندي علم هل هي تغير قيمة الهرمون ام لا لكن انت قلتي انه معك ضعف و بويضاتك صغار


و الله يرزقك بالحمل السليم ياربي يا كريم دعواتك لي بتحقيق مطلبي

حبيبتي الحين كورس المنشطات راح يطول ؟
قصدك فيهم الكلوميد صح ؟
حاليا انا مسافره مو عند دكتورتي فمتبهذله شوي
يمكن اروح لها 4 او 5 يوم دوره اقدر ابدا فيهم والا انتظر شهر عشان ابدا ؟

انا من حطيت الزيت الزيتون المقري وانا احس حالتي سارت واضحه الدوره ماكملت معي 20 يوم ونزلت
مادري يمكن موسوسه شوي

التمريخ ان شاء الله ع الدوره الجايه لانو ماعرف احد هنا يسوي زين
الله يكتب اللي فيه الخير

الله يرزقك ان شاء الله بلذريه الصالحه ويسر لك امورك ويسعدك دنيا واخره يارب

[عروستة]

حبيبتي مشكوره ع الدعوه ي الغاليه شوفي اختي كل تأخيره فيها خيره اذا الدكتوره قالت لك الكلوميد لازم تاخذيه في ثاني يوم الدوره خوذيه ع كلامها او خامس يوم الدوره خوذيه ع كلامها

بس انا دورتي طولها 28 يوم و قالت لي اخذ الكلوميد ثاني يوم من الدوره كل يوم بنفس الساعه مدة خمس ايام

و قالت لي اسوي متابعة تبويض عشان تشوف كم حجم البويضه و اذا احتاج تفجيريه او ما احتاج طبعا هذه الامور متعبه شوي و مكلفه لكن وش السواة الحمدلله رب العالمين ع كل حال


و طبعا الدكتوره تحدد لك كم تحتاجي حبة كلوميد 50 ملغم او 100 ملغم او 250 ملغم

لكن الاغلبيه تبدي معك بالأقل اذا تبويضك تنشط شوي تزيده الجرعه اما اذا تنشط مظبوط ماتحتاجي


و تقول الدكتوره انه الكلوميد يظبط التبويض بس احتمال الحمل مايلقط ع طول يعني تقول يماما بنات ما يحملوا الا بعد كورس التنشيط و يماما بنات يحملوا من اول جرعه ف انت اتكلي ع الله ربك الي كاتبه بيصير


ان شالله اسمع خبر حملك قريبا و يرزقك بذريع الصالحه و يحقق لي مطلبي

[Silent86]

مشكورا حياتي والله حيل استفدت منك
بس اشوف الدكتورا والله يكتب اللي فيه الخير
الله يجزاك خير ان شاء الله

[بنت العراق الجريح]

والله ماعندي فكره بس حبيت ادعيلك انشاء الله تتحسن حالة تبويضك وتحملين يارب