قصة للعبرة ..فتاة خسرت بكارتها بجهلها

[demoshka]

السلام عليكم ورحمة الله وبركاته

اقرأو يابنات هذه القصة للعبرة



اخواتي اعرفكم بنفسي انا مرشده طلابيه في احدى المدارس الحكومية بجده

ساعرض عليكم مشكلة طالبة لدي واتمنى ان تعاونني على مساعدتها

جاءت من المتوسط وترتيبها 2 او 3 على المحافظه

وفي اولى ثانوي ما ظهرت مع الوليات ع الصف

استغربت معلماتها من سقوط مستواها الدراسي وقالولي

طلبتها لمكتبي

كيفك بنتي ايش اخبارك وهيا ترد بكل ادب

ولمن فتحنا سيرة الدراسه ونزول مسواها

قعدت تبكي والله بكاها كان فضيع

حاولت اهديها لين هديت قلت لها قوليلي ايش فيكي

قالت والله اني كنت اتردد كم مره في اليوم اجي اقولك طول ديك السنه

<< تراني طيبه وحبوبه والله مني مجرمه ما اخوف

المهم وماقالت لي السبب

تركتها براحتها وقلت لها بابي وقلبي مفتوح لك اي وقت تعالي

والله كنت ادعيلها من قلبي والله من ادبها احببتها

وبعد 3 ايام جات

وقالتلي عن الهم اللي هيا هاممها

قالت لي انا لمن جاتني الدوره كنت اعرف انها دم ينزل وهذا دم طبيعي

وتجي كل شهر


وجاتني اولى متوسط وكنت انظف المنطقه بطريقة خاطئة جدن بعد كل دوره


كنت اقرف منها كنت ادخل اصبعي اتاكد انه مافي دم


كانت تبكي وهيا تحكيلي
وانا من الفجعة مسكت ع فمي وهيا خافت والله عفويا طلعت معايا

المهم هيا عرفت شي اسمه غشاء بكاره اولى ثانوي من البنات

وقعدت تسال وحده وهيا تقولها كل شي عن ذا الغشاء

والله شلت همها من يومها وربي انو مو غلطها

كانت تجهل ذا الشي

قلت لها وامك ما قالت لك شي لمن بلغتي

قالت لا غير انو دي حتجيكي كل شهر والبسي الكوتيكسا بس

قلتلها ذا غلط امك

قالت ما اقدر اقولها والله امي كبيره وتفكيرها وعقلها كله حق كبار تعصب بسرعه

واذا قلت لها ابوي عندة الضغظ بتقوله واهمهم

انا شلت فكرة اقولهم
واهتميت بيها
حبه حبه ساعدتها نفسيا والحمدلله
السنة الماضة تخرجت من الثانويه
ودخلت الجامعة

وقبل كم يوم دقت تقولي الحقني والله اني اموت في اليوم كم مره

البنت نفسيتها رجعت اخس من اول

تقدم لها اثنين ورفضت

ودحين متقدم لها ولد خالها

وابوها بيزوجها هوا حتى لو ما رضيت بيه

هوا ما يعيبه شي بس بكارتها المشكله سالت دكتوره وقالتلها الاغلب انك فقدتيها

انا دقيت ع شيخ وقال لي يجوزفي ذي الحالة رتق الغشاء والله اني انبسطت لسماع ذلك

ما كنت بقولها من البداية اخاف ربي يعاقبني ع اني اامر بمنكر وهوا الغش والتدليس