طلبتكم لاتردوني

[أميرة ببسمتي]

ياليت البقيه يعطوني افكار

[ahlam-f]

لا تشكي لي ابكي لك

الحال من بعضه ولا بعد انا وزوجي عايشين بغربه لا اهلي ولا اهله حنا بمدينه وهم بمدينه بس احاول كلما حسينا بملل بعلاقتنا احاول اجيب موضوع يخلق حوار بيننا ايش ماكان من موضوع احاول اقول تبي نغير الفرش الشهر الجاي ونطلع نفر هالمحلات ويصير نقاش ومضارب هههههه


واستمر كلما طفشت احاول اطلع حاجه نتسلى فيها

[أميرة ببسمتي]

رفع
وين اهل الخبره

[عشقي نايف]

رفع لعيونك

[ام فصوولي]

اختي ليش ماتعالجين عند طب شعبي
اعرف وحده زييك جلست خمس سنوات ماحملت وبعدها عالجت
وماشاء الله جابت طفل الله يخليه لها يارب

اذا تبغين ادلك على احد يعالج قولي لي
اسأل الله ان يرزقنا ويرزقك الذرية الصالحه ياااارب

[شروق الرياض]

انا من رأيي انك تبدلين اثاث البيت دام السفر رافضه
غيري مفرش السرير او غيري مكان السرير

جددي في جلسة المجلس او جلسة الصاله الللي تقعدون فيها دايم
غيري صبغ البيت حطي الوان فرايحيه فواتح وكذا
غيري شكلك قصي اصبغي
روحي انتي وياه عند اهله
دقي ع اخته او مرت اخوه قولي بنسير عليكم وروحوا لهم
اطلعوا سوبر ماركت بشكل مستمر من باب التمشيه
حاولي تعلمينه شي جديد في حياته
مثلا ادخلي انتي وياه المطبخ علميه الطبخ خليه فيه شي جديد بحياته
احجزي في شاليه او استراحه انتي وياه وجيبي مسجل وشغلي وارقصي انتي وياه جميع انواع الرقصات استهبال يعني
اسبحي انتي وياه فالمسبح
تبلي لك دجاج وكباب واخذي لك فحم واشوي فالشاليه
دقي على امه واطلبي منها تجي تنام عندكم يوم من باب تغيير الجو
واذا مره مانفع السفر احجزي الشاليه يومين عادي بايكلف شي كثير
سوي لك ليله فالبيت
كل يوم اطبخي شي سوي حلا كيكات اشكال غريبه
روحي انتي وياه السوق واشتري له ملابس جديده غير عن اللي يلبسها دايم اخذي له شورتات للركبه تشيرتات فلات
روحوا امشوا فالممشى كل يوم خذوا لكم ساعتين قولي ابي اخفف واقوي لياقتي بعد منها رياضه ومنها تغيير جو


واسفه ع الاطاله ياقمر

[شروق الرياض]

حاولين تشغلين نفسك معه وبدونه
لانك ان لصقتي فيه بيمل وان بعدتي عنه بيشوف له شوفه ثانيه ترا الرجال مامنهم امان خليكي وسط
اشغلي نفسك عنه وانتي معه فالبيت بالرسم تعلمي رسم او جيبي لك الصوف وسوي لك صوفيات تعلمي كيف نشز الصوف من النت مره سهل اتذكر كنا ناخذها بحصة الخياطة يوم كنا فالثانوي

او جيبي مجلات وكتب وقصص وروايات وصيري اقري فيها
بس خليك وسط لاتلهين وتنشغلين مره كانه مو موجود ولا تصيرين نشبه فيه بيمل وبيزهق منك

[أميرة ببسمتي]

شروق الرياض ياحبيلك
ماقصرتي افكارك مره حلوه وبسويها باذن الله