اغلبية النساء الي قابلتهم كذا هل انتي منهم؟؟؟

[انجل]

يعطيك العافيه يالغلا
اهم شي صحته والعافيه والي يجيبه الله حيه الله
وتربيت اعيال هذا الزمن صعبه
والله يقدرنا يارب على حسن تربيتهم يارب

[ندى الياسمين]

هذا كلام الناس المتخلفين والله كانهم بعصر الجاهلية اللي يسود وجهه لما تجيه بنت
يا زينهم البنات
أنا حامل واتمنى اللي ببطني تكون بنت
والولد والبنت كلهم نعمه وألف الحمد لله

[كادى نايف]

والله ياعسل انا مو كثير اشارك بس شدني موضوعك انا عندي بنتين وولد الله يحفضهم البنت عز لامها ولابوها لما يكبروا وحتى وهم صغار زوجي متعلق ببنتي الصغيره بالحيل مع اني ماعندي الا وولد واحد بس ممنفضله علا البنات كلهم نور عيوني وتسلمين علا الطرح

[برّو !]

والله هذي قسسمة الله
بس تفكير الي حولنا بصراحة
اناالحين. حامل ببنت
عمة زوجي عندها 6 بنات وولد
بدااية حملي في مجلس حريم تقعد تلوت لي بوزها وتقول
مافيها الا بنت ...  رغم اني بكرررية
وبرضو زوجة حماي
تقول ان جبتي بنت بتصيرين مختلفه عن بكر عايلة فلان.

شدعوااااااا
وش بجيب انا تراها بنت مو شي عجيب وغريب !!
وانشالله الي جابت بنت الله يرزقها بولد
استغفرالله شي ينرفز والله

وزوجي مايقصرر بعد
كل يوم يقول فلان جاه ولد وفلان جارنا بعد وفلان مدري منو

يعطيك العافيه*

[نسمة حلوة]

السلام عليكم

جزاكم الله خير على الطرح الجميل، البنت والولد كله من الله سبحانه وتعالى، وهو سبحانه حكيم عليم يعطي بحكمة .

المهم هو الصلاح والتربية الحسنة للاثنين ، وترديد الدعاء " ربي اجعلني مقيم الصلاة ومن ذريتي ربنا وتقبل دعاء"

[تائبة لله]

بارك الله فيك اختي على هذا الطرح المميز

واسمحولي اقول انو من الجهل والتخلف ان نتدخل في حكمة ربي ونسخط على ما رزقنا من نعمة الذرية الصالحة

اخواتي العزيزات لماذا حين يتأخر الحمل على احدانا تقول يا رب ارزقني يارب ولا تتكبر المهم تريد طفلا من صلبها كذلك الزوج يقول المهم يارب ارزقني

ولكن حين يرزقهم الله يقولون يارب اتمنى ولد يارب اتمنى بنت

هذه الامور بيد الخالق عز وجل

اسأل الله ان يرزق كل مجروم الخلفة الصالحة

انا مثلا اول ماتزوجت تقول حماتي يارب يرزق ابني ولد يحمل اسمو مثل اخواته مارزقهم

بعدين لما تأخر حملي أشهر اصبحت تقول يارب لا اعتراض على حكمتك يارب ارزق ابني واطعمه الخلفة الصالحة لا يهم بنت ام ولد المفيد ذرية صالحة من صلب ابني يارب

لكن زوجي الله يحفظو ويكملو بعقلو عمرو ماضجر من الانتظار ودائما يقول حتى وان لم يرزقنا الله فلا اعتراض على حكمته

وحين حملت قلت له ما تتمنى بنت ام ولد فقال اتمنى ان تقومي انت بالسلامة وما يعطينا ربي فهو خير

اسأل الله ان يرزق كل محروم ويقر عينه بذرية صالحة

اللهم امين واسفة على الاطالة اخواتي

[اروي يقيني]

يوووه احنا عندنا العكس بعايلتنه اللي تجيب بنيه تصير اهي وبنتها محبوبه

واللي بتجيب ولد مايفيسون الولد واعليه

انا توفى ولدي واللحين انا حامل والحمدلله اللي بيجي من الله حياه الله

واللي يقول جذي هذا مؤ حاس بالنعمه اللي اهو فيها غيره مو محصلين ولاواحد

الحمدلله على كل حال

الله قر عيني وعين زوجي بذرية صالحة يارب

[أم أصيـــل]

يااااجماعة الخير صلوا عالنبي,,
المشكله مو هنا
أنا عن نفسي أحب الأولاد مووووووت مووووت
ومع ذلك ماعندي أي إعتراض على حكم الله سبحانه
والله ربي رزقني ولدي أصولي عسى عيني ماتبكيه
فرحت فرح مو طبيعي
وبعد سنتين جبت بنتي وعمري إللي كسرت ظهري ميار
ربي أخذ أمانتها وماعندي إعتراض اللهم لك الحمد
بس سنه وشهرين وغصة موتها تجيني,,
وصورة السونار حقتها ماتفارق البرواز
أوقات أطالع الصورة وأقول لو الله كتب لها عمر
وش كنت بسوي ؟؟؟؟يمكن أكلها من حبي
وألحين أتمنى أحمل أجيب ولد وكل شي بقدرة الله لإني أحب ولدي
يكون عنده أخ,,,,
وأوقات أقول يارب بنوته لإن البنات نعمه وبصراحه البيت لإللي
مافيه إنثى مافيه حياه......

[ARTS]

سبحان الله لسه في ناس عقليتها كذا.؟

البنت والولد خير اهم شي يكونو بصحه وعافيه ويكونو اولاد صالحين
...
اما ان نفسي بالبنت من اول حمل لي..
البنات زينه وحنيه ويملون عليك البيت وسند امها
والعيال فيهم خير
برضوا الي جبات بنات اكيد نفسها بالولد شي طبيعي وفطره سليمه مافيها شي
الولد سند ابوة واهله
لكن استحي اني جبت بنات وماذكرهم..؟ خير ان شاء الله
,,,

وزمنا الان والله ان الحرمه ارجل عن الف رجال
تتعلم وتتشغل وتصرف على بيتها واهلها وتشيل مسؤليه
افضل من اي رجل
..

اما انا ان شاء الله تعالى ان ربي عطاني الصحه والعافيه ولدت وجبت بنوته

مو حفلع استقبال الا عرس بسوي
...
علما ان سويت حفله لعيالي كبيره
بس ذي بتكون غير شكل
.

[ورد جوري82]

والله كلامش صح ,,,,,الحمدالله الاطفال نعمه لا يعرفها الا الي فاقدهااا