هل أنتي ( أم ) .. تفضلي بالدخول،،

[منى المحبين]

انا ولدت قيصري في طفلتي الاولى ولدت الجمعه جابوها لي يوم الاحد

الصراحه ماحسيت باي شي اتجاها بس جابتها الممرضه ولفت وجهها علي احس سبحان الله كانت

بنتي تطالعني حسيت والله برهبه غير طبيعيه وقلبي تحرك من مكانه

بس والله شكلي كان يضحك ماكنت اعرف ارضعها وكانوا اللي معاي في لغرفه يضحكون علي

ههههه
بس وهذا سالفتي
خخخخخخخخخ

[كوثرية]

أنا بطفلي الأول نزل عندي الماي من ليلة الخميس إلى ليلة الجمعة...ليلة الجمعة ولدت

لذلك ولدي طلع من بطني أزررررررق لأنه هو أبيض كثير ونقص عليه الأكسجين بسبب نزول الماي فطلع أزرق أزرق...ومن جهة ثانة طلع بكيسه على وجهه، فأول ما طلعته الدكتورة شفت لونه أزرق ووجهه مخفوس خفس ( بسبب الكيس على وجهه ) خفت منه وفكرته مشوه .

على طول صديت وخفت أني أطالع فيه ولا انتبهت لأحاسيس أمومه ولا أبوة ولا شيء بس حسيت بخوف .
نظفته الدكتورة وجابته لي شفت لونه رد اشوي ووجهه زي القمر فرحت بغيت أنط من السرير وآخذه...بس للأسف أخذوه ما خلوه عندي

طلعوني يوم الجمعة ولا عطوني اياه إلا يوم السبت راح زوجي وأخته جابوه من المستشفى، أول ما مسكته ما استوعبت الموقف...هذا ولدي ؟؟؟ أنا أمه ؟؟؟ما يصير !!!

وظليت فترة ما حسيت بمشاعر الأمومة عدل إلا مع الأيام

بس ولدي الثاني كانت مشاعر الأمومة عندي متحركة على طول حسيت ابها من أول نظرة

[ام سلطـــــــــــــــــان]

السلام عليكم ورحمة الله وبركاته

للاسف حرمت من الحضه الحلوه لان كان عندي اكتئاب النفساء ماحبيت ولدي الا وعمره 4 شهور ادعولي البيبي الثاني مايجي الاكتئاب رغم انه يجنن واحكمو من صورته الي بتوقيع ولادتي احتمال في رمضان


يارب هونها علي

[بنت الريف]

شعووووووور رائع لا يوصف أنك أصبحت أم

[دلعونه]

الله يفرحكم باولادكم 00ويرزقني

[دلع]

هذا اللي يقولون عليه شعور لايوصف

[المهاء]

انالما جبت ولدي الاول ماكنت فاهمه شي ولاحسيت بشي لاني كنت صغيييره عمري 18سنه واذا بكى بكيت معه موعارفه اتصرف وكان الشي غريب علي بس لماجبت ولدي الثاني حسيت باحساس جميييل مع انه عذبني فالولاده بس كنت فرحااااااااااانه فيه ؟؟الله يرزق كل اللي يتمناهم

[هزاااعه]

السلام عليكم
انا شهر 5 بستوي ام ان شاء الله بيكون اول ولاده لي
بس ما اعرف اذا بنت ولا ولد انا اللحين بالشهر السابع
اعتقد ان شعور حلو بس اولد بخبركم ان شاء الله شو
كان شعوري ....^_^

[أم نوارة]

الله يحفظلك إللي ببطنك بنت أو ولد
حتى أنا في شهر 9 بصير أم
أحس مو قادرة أصبر أبي الأيام تروح بسرعة عشان أشلة و أضمة

الله يحفظهم لنا

[أم نوارة]

مرحبا أخواتي أنا أول حملة للي و من جد أبي أشوفة قريب
أحس بشعور غريييييييب
كل ما جاني ألأم أحس بخوف أفقدة
الله يحفظهم كلهم يا رب
تقبلي مروري