لكل زوجه هل انتي سعيده ؟؟؟؟!!!

[عفوآ حبيبي]

المشاركة الأصلية كتبت بواسطة هدوء انثى

زوجي متدين ويخاف الله وطيب وحنون وبيننا حب ورومانسيه دائمه..يحب يأخذ رأيي في بعض الامور ومو راعي سهرات ومعظم اوقاته معي
لكن مشكلتنا هو الاختلاف في بعض وجهات النظر والمشكله الاكبر اننا غصب نقنع بعض بوجة نظرنا
لكن..نقفل ع الموضوع بالنهايه لان مانلقى حل هع
ولله الحمد انا سعيده جداااا مع زوجي وهو بعددد من حيث كلامه لي
وربي يخليه لي .
ويسلمووو ع الموضوع

الله يسلمك ويعافيك

الله يديم هالمحبه بينكم ولا تحاتين ترى وجهات النظر احسها لازم تختلف بين اغلب الازواج انا مثلك تماما
لابد من هالاختلاف

الله يخليكم لبعض ويدوم هالسعاده طوووووووول العمر

ومشكوره على مرورك عطر صفحتي

[آحسآس آنثى]

انا مرتاحه مع زوجي واحبه حييييل مع ان لو مكاني وحده غيري يمكن ماتتحمل اسلوبه و عيوبه
ساكت طول الوقت مايجلس معي الا نادر اغلب وقته بغرفته و حشيش و دخان
مو اي لبس يخليني البسه يعني لازم يشوفني قبل ماطلع الدنتيل ممنوع التل ممنوع خاصة في البلايز
زوجات تقريبا مايحب اروح لهاااا
تقفيل جواااله على طول و خاصة عندي
لو يطلب مني شي بسيط وماسويه او اسوي عكس الي قاله يعتبرني الحرمه الي تبي تمشي كلامهااا على الرجال يعني مثلا يقول حممي الاطفال وانا ارفظ يعتبرهااا جريمه
يحب يطلع مع الشباااااب كثير
طبعاااا انا حاولت اني اتجاهل هالعيوب يعني الملابس قلت يغااار علي مع اني احب البليز الدنتيل لاكن عشانه تركتهااا
لاكن مثل طلعاااته مع الشباب هذي الي ماقدرت استحملها ابد
بس صااابره علييييه لانه تحملني بعصبيتي و بتعبي يحاول بكل مايقدر يراضيني
والحمدالله عاااايشه وانا متآكده انه يحبني و يمووووت علي واناااا احبه
طبعاااا مثل مازوجي فيه عيووووب انا كلي عيووووب عصبيه حساسه ماتحمل كلمه منه لو مزح لما اطلب شي اجيبه يعني اجيبه بطيب او بالغصب يعني ماعندي اسلوب حلو عشان اخذ منه مع ان مره جيته بهواش ابي حااااجه و رفظ و بعد فتره جيت و قلت له حبيبي بطلب منك طلب قال آمري قلت ابي شي وربي من يوم طلبته قال ابشري انااا كم ام ....... عندي هي وحده الله يخليهااا لي احرجني
وكل حياه زوجيه لابد تكون فيهااا مشاكل و كل زوج فيه عيوب بس الحرمه الذكيه الي تصبر و تحتوي زوجها وتحاول تغيره بس احنااا للاسف ماعندنااا صبر نبي الشي بيوم وليله
انا زوجي ماكان يحب يروح مطاااعم و كنت اموت بالمطاعم و كنت اقوله ابي وابي لاكن هو رافظ الحين هو يفرح لما اقوله شرايك بمطعم
الاستغفاااار و الصدقه الدعاااء هذي اهم شي عشااان تقدري تغيري زوجك
واتمنى للكل حياه زوجيه سعيييييييييييده

[عفوآ حبيبي]

احساس انثى عين العقل والله

الله يحققلك كل الي تتمنيه مع زوجك ويرضيك عنه وييرضى عنك ويديم المحبه دايم الوم

صدقتي بكلامك احس كل مااقرا رد وحده منكم اعرف قديه الحريم عندنا صبر وتحمل وتضحيه

الله يعطينا على قد نيتنا انشالله ويؤلف قلوبنا مع ازواجنا دائما وابدا

اسعدني مشاركتك لموضوعي ونورتيني يالغلا

[بشرى الحمود]

الاخت عفوا حبيبي ...
بافكر معاك بمشكلتك او حيرتك مع زوجك ...
لما تلبسين وتكشخين ..هو مايعلق صح ..طيب انتي اساليه ادخلي بابتسامه وقولي وش رايك بلبسي وشرايك بزوجتك الحلوة ..وامدحي حالك وامدحي لبسك ..وقولي تحب هالون ولا تحب هالمديل..تحب القصير ولا البناطيل ...يعني حاولي خليه ينطق ويتكلم ..ويبدي رايه وكذا ..حتى لو عطاك اجابه عاديه ..ارجعي اساليه لا تفكينه هههههه
ومثلا الاكل ...قولي يوه الاكله تعبتني شوي بسسس وشرايك مو لذيذه وسوي انك مستمتعه بالاكل وقولي لذيذ صح عجبك الاكل ..اذا ماعجبك خلاص ماعاد اسوي ..ابي اسوي الي يعجبك وتحبه .. تحب البطاطس بالاكل تحب مدري ششنو بالاكل والخ ...
فهمتي علي ...


انا كذا صح توني لي 6 شهور زواج بسس او 7 بس زوجي كان صامت مايسولف ولا شي بس ساكت اول زواجنا وتضايقت مررررة .. لدرجه واحنا بالسياره مانفتح فمنا بكلمه بس ساكتين . اقول ليه ماتسولف معي ليه مدري شنو افتح موضوع افتح سالفه ..وكنت شوي بابكي ..بس حسيت الاسلوب ماينفع لان بيحس شي غصب عنه ..
وصرت زي كذا احاول انطقه اساله .. وتحسن يعني احسن من اول بكثير .. وانا الي اجيب السوالف واقول تخيل صار كذا ومدري ايش ..واقوله ايش رايك معاهم حق ولالا ومدري شنو ....يعني ابيه يتكلم .....بس بالسياره مايسولف هههههه لحد الان بس اطفشه ماحب نسكت كذا اساله وش هالطريق وش هالمحل وش هالشارع الشارع يودي لين وين والخ ...مرات يتجاوب معي ومرات تعليق بسيط بس ماعلي منه ابيه يتعود يسولف معاي يهذري يخربط الخ ...
بس حسيت تحسن صار كل ما نمر مكان هو يقولي هذا الشارع الفلاني هنا في هالحي ساكن صديقي فلان ههههه صار مبمرج تعود اني بسال هههههههههههه ...بس حسيت سويت انجاز هههههه...ومرات نسكت عادي ..يعني بس احس انوه احسن من اوول ايام الزواج ...

[عفوآ حبيبي]

هلا يابشرى ومرحبا

اسعدتينيى بتفكيرك معاي وياقلبي ترى انا من جد بديت اعمل مثلك بس اوقات مايرد وانكسح

مثلا يوم الخميس عملت غدا جونااااان من الطعم والشكل وانتظر ايش بيقول اهم شي جا وهو يناظر التلفزيون وياكل ولا كلمه حتى وانا قمت اقوله والله ماتوقعت بتضبط الطبخه كذا لكن حلوه وهو ساكت وياكل وهو مبسوط انا اعرفه اذا عجبه الشي او لا اهم شي وهو ياكل قام يبي يجيب شي ماي مدري وشو وهو قايم قالي الاكله ذي شيييينه قمت اطالع فيه الا هو ميت من الضحك ويقولي والله امزح ورجع اكل ماشالله لين قال بس
طيب ليه كذا؟؟؟؟. انا احس نفسي استحي اقوله امدحني او امدح اكلي

ومره كمان عملت اكله وعرفت انه حبها وجيت سويتها مره ثانيه قام يقولي الاكله لذيذه والا عشان باللحم صارت لذيذه ؟؟؟؟. قت امدح نفسي اقوله لا بس عملتها بطريقه جديده فصارت لذيذه


واذا على شكلي الحين انا ناويه اصبغ واقص وهو مايحب اغير في شكلي اهم شي اقوله ابغى اصبغ ايش رايك في هاللون اصبغ ذا والا ذا والله بلغصب طالع ويوم قمت الحيت عليه قال مدري
والله اني انكسحت كسحه بغيت ابكي

بس هو مانتبه انه كسحني

وايش اقولك في السياره اوقات يسولف احسن من البيت
البيت يكون لاهي بالنت وتويتر وهيك

بس انا بستمر على اسلوب التنطيق انا اسويه على خفيف بس والله نبهتيني عليه



حابه اضيف نقطه اكتشفت زوجي انه هو عارف اني حلوه وان طبخي يحبه كثيييير ولو اساله بيستغرب ليش انا اشك فهالشي
لان مره قمت امدح طبخ ناس قام يقولي احسن منك مااتوقع وانا انواع التعجب لهادرجه شايف كلي زين
بس هو مومتعود او مايعرف يقول هالكلام وكمان مو حاسس بحاجتي لهالشي ماقد صرحتله بلي في نفسي غير مره سالته قال انا مااعرف اقول هالكلام

وذا الي منكد علي
ياليت في مدارس يعلمون الازواج للكلام الحلو

علعموم تسلمي يابشرى الحمود اسعدني وجودك ومشاركتك

[ام محمد قطر]

مرحبا

أنا الصراحه وحده ما اعرف هل تعتبر حياتي سعيده او لا

أنا زوجي مش رومانسي ابد .. نادر ما اسمع منه كلمه حلوه

اهتمامه كله شغله لا نطلع ولانروح مكان مع بعض الا نادر

يعاملني باحترام وعمره ماقصر معي لكن هالشي مايكفيني

أنا ابي انسان حنون يحس فيني ويشاركني حياتي بكل تفاصيلها

فوق هذا عرفت انه يكلم بنات ويقول مجال شغله يحتم عليه لانه ضابط

وتجيه اتصالات من كل مكان وعلى كلامه انها كلها في مجال العمل وانا الصراحه مش مطمنه

لاني سبق وأعطيته الثقه وماكان قدها فالحين احس الشك بيدمرني مع اني حاولت قد ما اقدر

اني اعطيه الثقه ماقدرت

[عفوآ حبيبي]

هلا يام محمد

اغلب الرجال فيهم هالطبع بس الحل صعب يبغالنا صبر والا مو كل الحلول تنفع مع كل الرجال لان كل زوج له طبع واسباب تخليه يكون غامض مع زوجته او مو حاس باحتياجها له

واذا على سالفة الشك انشالله شكك مو في محله وتكتشفي العكس ولاتوسوسي كثير انشالله مايشوف غيرك ولايحب الا ام محمد
والله يسعدك دنيا واخره

[بشرى الحمود]

هههه ياحياتي والله بسس كويسس بدا يتلحلح ههههههههههه


حلو استمري معاه واعتبريهها نوع من السوالف وبادري بالسوالف ولا تملي ولا تياأيسي ..وان شاءالله مايعدي فتررره من حياتك الا خلاص فك العقده ههههههههههه

والله يوفقنا اجمعين يارب ويسعدنا مع ازواجنا ...

[عفوآ حبيبي]

امين يابشرى واياك ياااااااااااااااااااااااااااااارب

[جميله وشيك]

موضوع راااااااااااااااااائع حبيبتي عفوا حبيبي وانا مع بشري في كلامها وممكن تقولي لزوجك جرب كل يوم تقولي ان شالله كلمه واحده حلوه مش هتفرق كتير معاك بس هتبقي بالنسبه لي كل حاجه وتبدأوا مثلا التنفيذ من اليوم اعمليها كأنها بهزار وان شاء الله يتعود انه يقولك كلام حلو دايما باذن الله

انا الحمد لله حاسه اني سعيده في زواجي الف حمد وشكر ليك يارب زوجي حنون ومحترم جدا وطيب بس عيوبه انه صامت اذا لم اتحدث انا سيظل طول اليوم لا يفتح فمه ومدخن ولا يهتم بالهدايا او المجاملات ومش اجتماعي خالص علي عكسي انا اجتماعيه جدااااااااااااا ولبقه الحمد لله بس واخر حاجه بس مش بعتبرها عيب لانه لا ذنب له فيها هي حاجه من عند ربنا انه لا ينجب بس انا اتأقلمت علي كده والحمد لله احنا بنحب بعض جداااااااااااااااااا ومتفاهمين الحمد لله وكتير بقول يمكن الاطفال كانوا هايبعدونا عن بعض او يسببولنا مشاكل احنا كده مبسوطين الحمد لله

موضوع جميل عفوا حبيبي ربنا يسعدك ويريح بالك يارب