مشاكلي مع اهل الزوج

[sweet moon]

شي عجيب وزواج اعجب وتفكير زوجك مريب !!

الحل موجود لكن وين التطبيق

انتي لازم تستقرين بالقصيم مو بحائل

كل المتزوجات يسافرون مع مكان عمل ازواجهم ويستقرون هناك بعد

ليش زوجك رافض الاستقرار

الافضل يكون لكم بيت تغدينه وتعشينه وتجلسين معاه

مو بعد وعند اهله وعند اهلي

افتحي معاه الموضوع لكن بطيب قولي اتمنى اقومك انا من النوم

اتمنى ترجع من الدوام اغديك ومن هالكلام والخرابيط

العيشه مع اهل الزوج لاتطاق لاتطاق لاتطاق

والعيشه مع اهلك ايش استفدنا من الزواج !!

اذا مره مانفع ايش رايك تدخلين اهلك بالموضوع ويكون الكلام بين الرجال

لان وضعك ماينسكت عليه لاتعودين زوجك على البعد اكثر من كذا

لا تعودينه انه مازال عزوبي وعايش حياته مع نفسه

اضغطي عليه وكثر الدق يفك اللحام

وانا يااختي مو شايفه مشكلتك بسيطه بالعكس مشكلتك عويصه ويبيلها مجهود منك

واذا على الحريم صدقيني يظل كلام حريم فاضي لاتعرين له اي اهتمام

ماعليك منهم تكلموا ولا ماتكلموا قولي مو من اخلاقي وتربيتي وديانتي الاسلاميه اتكلم من ورا اختي المسلمه واشمت فيها

واحنا مؤمنين ومتبعين الكتاب والسنه وحب لاخيك ماتحب لنفسك

والعلاقه رسميه من بعدها لاتحتكين مع اهل الزوج ما من وراهم الى المصايب ووجع الراس

واتمنى لك التوفيق وبانتظار مستجداتك

لاتسكتين عن حقك بتندمين بعدين جاهدي من الحين حتى لو تهاوشتوا مصيره يرضى لاسكنتوا سوا

[ممنوع شباب]

الله يعطيكم العافيه

سويت هو يقول انها كلها ثلاث ايام بالاسبوع معقوله ماتتحملين الجلسه عند اهلي !!

واهلي مستحيل راح يتدخلون يبوني انا اللي احلها ..

راح احاول معاه ولا مالي الا الصبر لين ربي يكتبلي الولاده واتحجج بالطفل

الله يوفقكم وييسر اموركم كلامكم كثير ريحني

[sweet moon]

هايطي عليه قولي مو قصه اني ماتحمل اهلك

لا ودي استقر معاك لوحدنا

ودي ماتفارقني وهياط من هنا وهناك

وفعلا اذا فشلت جميع المحاولات

لاولدتي ان شاءلله اتحججي بقوه بالطفل

واصلا من دون تحجج هاذا المفروض

والله يسهل امرك

[زاهية]

انت مسكينه وتكسرين الخاطر ومتنازله وبقوه عن ابسط حقوقك الزوجيه

[ممنوع شباب]

المشاركة الأصلية كتبت بواسطة زاهية

انت مسكينه وتكسرين الخاطر ومتنازله وبقوه عن ابسط حقوقك الزوجيه

طيب وش الحل برايك ؟؟

[sweet moon]

الحل

طالبي بحقوقك

ولا تسكتين وتبكين مع نفسك بتدمرين وتدمر نفسيتك ولا بتحصدين شي

[طال@عمري]

الله يعينك ويصبرك بس من البدايه انتي الغلطانه مفروض الكلام اللي قالته سلفتك ما تقولينه لحد


ثاني شي اجلسي عند اهلك اذا راح شغله او قوليله سولي ملحق بحمامه عند اهلك ع الاقل عشان اخذ راحتي وخصوصا ان في بيبي ع الطريق واني ما ارتاح واستحي ومن ها الشغلات واذا عنده اخوان قولي استحي من اخوانك


بنصحك نصيحه الكلام اللي يدور بينك وبين احد لاتوصليه لزوجك لان اذا وصلتيه حتى لو معاك حق بينقلب ضدك

[ممنوع شباب]

امس رجعت افتح الموضوع معاه مره ثانيه وسويت بطريقتكم اني ابي اكون معاه وهو رايح للدوام ومن هالحكي

قالي يابنت الحلال الواحد له ظروف معينه ومالنا الا الصبر لاتنكدين علي وانتي لسه ماجيتي

كلمت اخته ع البي بي قلتلها لارجعت تجين تنامين بشقتي قالت وليه يعني ماتجين انتي وش تغير ولا بتلحقين الربع

الربع قصدها حريم اخوانها الثانيات قلت ناا مقدر درج بيتكم وصعبه قالت عادي ماعندك مشكله تنامين تحت وبعدين اللي يقلل زياراته ويتغير علينا تقل مكانته عندنا

والله بودي اقولها من كثركم عاد بس انه قلت كل واحد وله ظروفه وطنشتها

( طآل عمري )

مو غلطانه لما قلت لاخت زوجي عن الكلام لانه هالبنت كانت مسويه سالفه لحرمة اخوهم الاولى طلعت عليها كلام وورتهم اشياء عنها راسلتهم لها ع الجوال وفضحت البنت هي تبي توطد العلاقه ع حساب الغير قلت انفذ بذيلي قبل لاتتغدا فيني

وهي من النوعيه الا ضربني وبكى .. ولا مو القصد انه اطلع اسرارهم واقول شي بهدف التخريب

اتمنى وضحتلك الصوره

[زاهية]

المشاركة الأصلية كتبت بواسطة ممنوع شباب

امس رجعت افتح الموضوع معاه مره ثانيه وسويت بطريقتكم اني ابي اكون معاه وهو رايح للدوام ومن هالحكي

هذا اول طريقه لحل مشاكلك مع زوجك

قالي يابنت الحلال الواحد له ظروف معينه ومالنا الا الصبر لاتنكدين علي وانتي لسه ماجيتي

ليه الوحده اذا قعدت عند زوجها ,,,,,زوجها يتنكد ؟؟؟؟
يعني ذهابك معه لبيته بالنسبه له نكد
افهمي زوجك مايبيك تسكنين معه ببيته لشئ في نفسه (الموضوع فيه سر )

كلمت اخته ع البي بي قلتلها لارجعت تجين تنامين بشقتي قالت وليه يعني ماتجين انتي وش تغير ولا بتلحقين الربع

وانت ليه تفكيرك ناقص ونظرتك للأمور محدوده
وش تبين بخلق الله
مشكلتك مع زوجك مو مع الحريم



والله بودي اقولها من كثركم عاد بس انه قلت كل واحد وله ظروفه وطنشتها

( طآل عمري )

مو غلطانه لما قلت لاخت زوجي عن الكلام لانه هالبنت كانت مسويه سالفه لحرمة اخوهم الاولى طلعت عليها كلام وورتهم اشياء عنها راسلتهم لها ع الجوال وفضحت البنت هي تبي توطد العلاقه ع حساب الغير قلت انفذ بذيلي قبل لاتتغدا فيني

وهي من النوعيه الا ضربني وبكى .. ولا مو القصد انه اطلع اسرارهم واقول شي بهدف التخريب

اتمنى وضحتلك الصوره

انا اللي وضحت لي الصوره
انت (.لم تفهمي الحياة الزوجيه بعد ولست كفؤا لتكوني مستقله بحياتك مع زوجك )
اعذريني لقساوة الكلام ولكن انت تلفين وتدورين لكلام الحريم وتعتقدين ان مشاكلك منهن
بينما مشكلتك هو عدم ايواء زوجك لك وتخليه عنك لينعم بأحضان أخرى (فلا تنكدي عليه حياته وسعادته كما يقول ) الم اقل لك انك مسكينه ( بمعنى زوجك لايريدك زوجة له ...افهمي )
فأنت مخدره وحياتك قائمه على اوهام واتصالات ومسجات فقط من زوجك

[ممنوع شباب]

زاهيه حسستيني انه زوجي متزوج ثلاث غيري وعايش ومتمتع معاهم

واني انا مغفله ترى مو لهالدرجه .. والزوجه تحس بخيانة زوجها

ع العموم مشكوره ع مرورك ماقصرتي