أشعار الأمير عبد الرحمن بن مساعد..

سموة الشوق · 12-28-2009, 08:05 AM

دلع فوارس أحلامك مثلي كثيرة لي؟؟؟؟؟

هههههههههههههه
والله لو درى زوجي ليوريني نجوم الليل بالنهار
الله يستر...

قصيدة أمي
اسألو دمي ..
و سعادتي و همّي
اسألو التوفيق ..
و الكدَر و الضيق
اسألو الطيب في صفاتي ..
و الدعاء اللي في صلاتي
و اسألو شهودي ..
الدموع اللي في سجودي
اسألوهم ..
و اسألو دمي ..
عن غلا أمي

سموة الشوق · 12-31-2009, 12:23 PM

تعبت أنزف جراحي حبر و أدور للألم سباب

لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد كذاب

و أحد ما طال تجريحي و أحد عايش لزلاتي

أنا شاعر رغم أنف الحسد والحقد و الأحباب

وانا ياحاسدي المسكين بعيد العيب عن ذاتي

أنا ما زادني شعري ولا زادتني الألقاب

تجي دنياي أو تدبر عزيز فـ كل حالاتي

أنا فرحي لمِن حولي وأيامي فدى الأصحاب

قصيدي بلسم المجروح ونبض الناس أبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب يا وهّاب

وابي أحيا جبيني فوق ما تملكني رغباتي

من الدنيا أنا مابي سوى عفو العلي التواب

ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"

متى كانت سنيني عمر انا عمري في ركعاتي

سموة الشوق · 12-31-2009, 12:25 PM

فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر ٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىَ ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفـّار ورحيم
ابسألك ياصاحبي عني أنا في وقتها
ماني فقير

sah944 · 01-10-2010, 12:08 AM

تسلممي
و الله صاحب السمو الأمير عبد الرحمن بن مساعد
له حس عالي في إختيار الجمل بصراحة أنا أحب قصيدته عن المواطن و الحرامي
و كثير من القصائد الرائعه لسمو الأمير

شكراً لك و تقبلي مرووووري اللطيف

سموة الشوق · 02-28-2010, 09:25 PM

تسلمين غاليتي sah944عالرد اللطيف الرائع بروعتك..

الشوق عطري · 02-28-2010, 10:15 PM

قصيدة أمي
اسألو دمي ..
و سعادتي و همّي
اسألو التوفيق ..
و الكدَر و الضيق
اسألو الطيب في صفاتي ..
و الدعاء اللي في صلاتي
و اسألو شهودي ..
الدموع اللي في سجودي
اسألوهم ..
و اسألو دمي ..
عن غلا أمي

ــــــــــــــــ
هذي دائما ارددها
وخيرتي سجلت صوتي من جوال وحطيتها نعمه الى امي الله يخليها لي