دردشة بنات فلسطين, دردشة حوامل فلسطين, تجمع بنات فلسطين

beboo · 02-09-2013, 03:39 PM

لولو على مااعتقد انه الحديد والفيتامينات للبيبي هادي وطبيعي دمك يضعف لانه البيبي بيكبر وبيتغذا هلا

وفيك تعملى جلى بالبيت وتاكلي منه لانه فيه حديد وسبانخ كمان كله حديد

جارة القمر · 02-09-2013, 03:44 PM

يسعد هالمسااااا

الساعة 10:30 الصبح حسيت زيود زهئااان البست واخدتو شمت هواااا بالسيارة وبعدهاااا انزلت ومشيت فيه
لانه الجوووو روعه متل الصيف ......حسيته كتيييير انبسط وخدودوووو صارو متل التفاحه احمر من الشمس .....
بعد بساعة روحت على البيت وحطيته بكرسي الاكل وكملت شغل البيت كله وطبخت وهو ساااااااكت وكانه فعلا غير جوووو
وهلا ناااااام .......

مسك::

كم عمر ابنك 5 شهور الافضل تبدأي معاه لتعوديه وبعدين مين قال انه الاكل بينصح البيبي!
! شو بياكول غير الخضار والفواكه بهاد العمر ..
ويادوب بمقدار معلقة كبيرة وتبدأي اتزيديها شوي شوي .....
...متلا التفاح ولنجاص ..
..او كوسا بطاطا وبينفع الحلوه وجزر كلهم مسلوق والسلق ما بينصح
ازا بدك اللي بنصح فهو الحليب بحد زاته

انبثاقة ::

هاد الرد بتوقع لانك بالسعودية وتاركاهم .....يااااااابنت ما تحطي ببالك لانه النفسية الها دور وبتأثر على الانجاب

عيشي حياتك بكم هاليوم اللي ضايلينلك مع اهلك وملحئه على تعليقات بيت حماك الله يصلحهم

احساس ::
هاااااي يا أأمر

حوااااااء where Are you ???!!!

احساس أنثى · 02-09-2013, 03:50 PM

هلا جاره تعجبني سياستك بالحياه وروتينك
والأحلى جوزك شكلو بيعجبو نفس النظام

احنا هان لو عملنا هالنقطه كان هاد دلع انتي وحده فاضيه ههههههههه
مع اني بحب الحياه يلي ماشيه على هلروتين
أهم شي عندها اولادها .. وعايشه متل مابدها

مابحسدك والله ^_^ بس معجبه فيكي زي ماتقولي
ههههههههههه ربي يخليلك اياهم يارب ويطلعو من الصالحين
ويعرفو قيمتك بكره بس يكبرو ^_^

انتي السبت بتأجزي؟؟

يسعد مساكي بيبو ؟؟ كيف بيان الامور؟

beboo · 02-09-2013, 03:57 PM

هلا احساس يسعدلى هالمسا الهى

تمام بيبو بدو ينزل عند تاتا بدي اروح انزله وبعد مايلعبو عليه اطلعه

بس جيت امسي عليكو قبل ماتقطع الكهربا وبس نشغل الماتور لي عودة ان شاء الله

احساس أنثى · 02-09-2013, 04:01 PM

بوسيلي اياه الامور

وبنستناكي بس ترجعي

الظاهر خطكم عكسنا

صبايا زوزو بكح وبعيط منها ومش راضي ياخد بابونج وانا مابدي اعطيه ادوية وكيماويات
شو أعمل معاه؟؟

جارة القمر · 02-09-2013, 04:02 PM

هلاااا احساس::

وكمان هووون عنا الناس بتعلئ بس ازا بدي امشي حسب اللي برضيهم ....رح مووووووت

انا فعلا عطلتي يوم الجمعه والسبت ***...** والله يا احساس ما في اغلى من الابن ...
اهم شي عندي بيتي وولادي ونفسي ....وبعدين الامور التانية ....الحمد لله زوجي ما عمره حكالي ما تروحي وما تطلعي
وما عمري طلعت بدون ازنه ... بالمقارنه معي انا بطلع عقلي اصعب منه و لما بدووو يطلع مع صحابه لازم احكيلووو مش ضروري او ما طول .......هههههههه .......

صحيح شو طبختوووو بناااات ....؟!

انا اعملت اسكندر طبخة تركيه سهلة وزاكيه وسريعه ...عبارة عن فطر ووستيك جاج مفرم متل راس العصفور ...وبيتبهر وبيصير يخني وجنبوووو رز

احساس أنثى · 02-09-2013, 04:34 PM

صحتين جاره أكله غريبه

احنا بقية اكل مبارح ملوووووخيه ... مبارح مش الكل أكل منها مش عجباهم ^_^

ربي يهنيكي دايما يارب ... أنا بتمنى يسيرلي بيت وامشي متل مابدي ياالله ربنا كريم

سحوورة · 02-09-2013, 04:48 PM

مرحبا بنات فلسطيين

انا فلسطينة واعيش بالسعودية الدمام

ياريت اللي عايشة بالدمام تحكيلي لاني متوحشه بالغربة
ودايما زهقاانة

انتظر ردكم

احساس أنثى · 02-09-2013, 05:10 PM

اهلا بيكي سحوره بينا

سحوورة · 02-09-2013, 05:44 PM

اهلا فيكي حبيبتي احساس انثى

انتي من وين ؟؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM