دردشة بنات العراق, دردشة حوامل العراق , تجمع بنات العراق

[رويدة_ أم ألق]

نجولة عوافي غسلة أيهومي
والله الفراق صعب
والنوب رصيد خلصت وهو بمكان بعيد عن السوك
مايكَدر يشتري ويدزلي
اتصل بعده يادوب سلم علية وبس كال ها وينها بوستي ....
خلص رصيده
رحت للفيس بوك دزيتله طلبه الشرعي برسالة ههههههههه

[رويدة_ أم ألق]

رحوبة مكانج خالي ترجعين بالسلامة إن شاءالله.

[زينب السعدي]

نجوله شكرا لاهتمامج بموضوعي بس اني المشكلة مو اسقاط عادي لان كان حملي عنقودي جزئي وارتفع الهرمون وقبل اقل الشهر يلا صار صفر وكالو المفروض ميصير حمل لمدة 6 اشهر عالاقل لان اذا صار حمل حيرتفع الهرمون وارتفاعه بهالفتره مو بصالحي
والله ماادري كل واحد يحجي شكل انعل يوم الاطباء شو ايام بيبياتنا لا جانو يرحن اطباء ولاشي و24 ساعه يحبلن ويجيبن ويسقطن وعادي ومشت حياتهم ع فطارتهم وسذاجتهم بس هذا التطور بالعلم مرات يصير نعمة ومرات نقمة

[زينب السعدي]

شو هواي من البنات مختفيات وينهم
داخلين بنات جدد مااعرفهم ياريت لو اتعرف عليهم ام نورهانة وام الق وعذراء يلا كل وحدة تنطيني السي في مالتها

[أم أيهومي]

زيونه حبي الله يساعدج والله خالة زوجي بالسويد هماتين خطيه وتعاني..
حبيبتي مابيج غير العافيه انتي وهلونه ايهومي يدزلهة بوسات حاره من العراق ودافيه علمود تصير زينه وتشفى من مرضهة هههههههههههههه
طمنينه عنج زينه ولتكطعين والله بالنه يمج حبي,,
رويده حبي الله يعافيج ويتمم حملج على خير ويحفظلج صاحب الكلمات الحلوة ابو الق يارب ميفرقكم ابد
والله الفراق صعب بس تدرين يجدد الحب لانه الشوق يجدد الحب ويقتل الروتين..
ولو اني زوجي يطلع للسوك او للحلاق تشتغل المسجات والحبيات هههههههههه

الحمد لله اني اعتبر الحب احلى نعمة من رب العالمين وخصوصا اني اتزوجت عن حب..
رويده الحمد لله انه عنده نت خطيه جان موصلتيله طلبه الدلفري هههههههه

زنوبه حبي والله الي يمشي وره كلام الاطباء يتعب كتلج شوفي الرحم وسوي تحليل هرمون جديد وتوكلي على الله تره 3 اشهر كلش كافيه والله اني صديقاتي طبيبات وافتهم منهم وحده كملت بورد عن تقدم المشيمه بالمرأة الحامل قبل شهر
والله يرزقك ان شاء الله..

[رويدة_ أم ألق]

عزيزتي زينب أهلا وسهلا بيج
هذا السيفي مالتي:
رويدة مواليد 83 خريجة كليوم العلوم
من ديالى وتزوجت بالنجف
صارلي تقريبا 7 أشهر من تزوجت
وحاليا حامل وعلى الأغلب ببنوتة وتتدللين.

[رويدة_ أم ألق]

نجولة هذا من ذوقج
وكلامج صحيح الله يزيد المحبة والوئام بين كل زوجين
بس المشكلة قليل هناك يستخدم النت وميكدر يتراسل براحته
مكان مكشوف وجماعته يمه ... نصبر والله كريم.

[ام نورهانه]

المشاركة الأصلية كتبت بواسطة زينب السعدي

نجوله شكرا لاهتمامج بموضوعي بس اني المشكلة مو اسقاط عادي لان كان حملي عنقودي جزئي وارتفع الهرمون وقبل اقل الشهر يلا صار صفر وكالو المفروض ميصير حمل لمدة 6 اشهر عالاقل لان اذا صار حمل حيرتفع الهرمون وارتفاعه بهالفتره مو بصالحي
والله ماادري كل واحد يحجي شكل انعل يوم الاطباء شو ايام بيبياتنا لا جانو يرحن اطباء ولاشي و24 ساعه يحبلن ويجيبن ويسقطن وعادي ومشت حياتهم ع فطارتهم وسذاجتهم بس هذا التطور بالعلم مرات يصير نعمة ومرات نقمة

هلا بيج حبي زنوبه ذكرتيني بمواجعي اني اول حمل كان توم وهم صار عنقودي وسوتلي كورتاج من الدرجة الاولى لان توم واني دكتورتي راجحة الشمري وهم خلتلي لولب لان صدك ميصير تحبلين اقل من سنه وبعضهم كالولي اله يصفر الهرمون المهم اني 11 شهر وره الاسقاط ياله صفر الهرمون ونزعت اللولب وضليت شهرين وراها نضمت الدورة وهالسوالف وصارت عندي نورهان بس كنت بالحمل كل اسبوعين اروح اجيكلي نموها وتحاليل والحمد لله صارت عندي انوشة فانصحج روحيلها اذا انتي ببغداد لان هي اختصاص بالعنقودي وهالسوالف وهسة هم داراجعها داسوي طفل واعالج لان عندي جرثومه وفايروس وحليب وكلهن نشفتهم وهسة انتظر الدورة انتي صارلج شكد من طرحتي وصدكي غمضي فتحي ولا اديرين بال

[ام نورهانه]

زنوبه اني انفال مواليد 89 عندي نورهانه صارلي اربع سنين متزوجة وطالبة خامس ادبي وساكنة بغداد وادللي بعد شتردين

[ام نورهانه]

حبيبة قلبي ام ايهومي والله لو يمي ادزلج احلى جدر برياني وعادي الطفل كلش يلهي وياخذ وقتنه كله بهالعمر