دردشة حوامل مصر - دردشة بنات مصر - تجمع حوامل مصر ‏

[somia]

نهاد انا هنا

[malak ahmed]

سميه ازيك عامله ايه انتي وعائشه والدكتور قالك ايه علي عائشه والصفرا .. ربنا يشفيها يارب

[somia]

اسكتي يا نهاد ده طلع معمل البرج ده معمل متخلف عقليا وقعلي قلبي والله يا بنتي لغاية الوقتي عيني وارمة من العياط .. الباشا البرج كان عامل النتيجة غلط

[somia]

وايه مش غلطان في درجة ولا درجتين ده غلطان في 16 درجة يعني خلالي بنتي في مرحلة خطرة جدا من المرض ولازملها حجز فوري كمان

[malak ahmed]

طب الحمد لله انها طلعت غلط يا سميه ... متقلقيش وارقيها كل يوم وان شاءالله ربنا هيحفظهالك من كل شر

انتي اخبارك ايه دلوقتي انتي والنونه

[somia]

الحمد لله احسن بس الهانم لسة نايمة حالا ماشاء الله عليها عندها قدرة لا نهائية في العياط

[somia]

عارفة ماشاء الله عليها صاحية من الساعة 5 الفجر وانا همووووووووووووت وانام واتحايل عليها وهيا ولا الهوا

[malak ahmed]

ربنا يهديهالك يارب يا سمسمه .. هما كل العيال كده يابت .. بتتدلع عليكي بقي امال ايه مش انتي امها امال لو متدلعتش عليكي هتتدلع علي مين ؟؟

قوليلي بقت شبه حد ولا لسه مش باين شبه ؟؟

[somia]

بصي يا ستي هيا واخده ايدي .. أصل انا ايدي من النوع اللي العروق بتبقى باينة فيها كده بس ظوافر ايد ابوها وظوافر رجلي ... العنين والشفايف مخلط المناخير شبهي الوداني مسابتهومشي الا اما طرقوا زيي برضه .. بشكي لامي بتقولي انتي كنتي بتعملي كده برضه..ههههههههههههه
الشعر بقى دا اللي انا مرعوبة منه .. دعواتك يطلع زي شعر ابويا ولون شعري ..

[somia]

وطريقة نومها بقى نسخة مني انا وابوها... سبحان الله
بس طبعا باستثناء ان انا وابوها ماشاء الله حطي دماغنا على السرير نسافر اما هيه حطي دماغها على السرير تعيط