هنا تجمع الحوامل الي ولادتهم في ذو القعدة 1434

[شهآليل]

بنات فزعتكم تكفون اللي عندها انستقرام تدخل هالحسسساب
@from_london14

وتصوت للصوره رقم 31


ودي مره بحياااتي افووووز

>_<

[عروسة نايس]

مرحبا
كيفكم حبيباتي يسعدني انضم لكم انا ولادتي بأخر ذي القعده
كنت اقول ماراح ادخل حتى اعرف جنس الجنين بس جنيني خجول دايم مقفل رجوله واليوم كان موعدي وبرضه ماعرفت نوعه فقلت بدخل هالتجمع وتخليت عن فكرتي
بقول لكم انا رحت لمستشفى خاص وقالت لي المشيمة نازله ودكتورتي تقول لي اليوم كل شي طبيعي بدية اخاف منها حتى حقت المستشفى الخاص قايله المويه متوسطه ودكتورتي تقول طبيعي وانا بكرية وخايفه مدري مين اصدق
والله بجد تعبانه

[شعولة86]

مساء الخير يااحلى كروشات♥♥
شخباركم وشخبار نونواتكم ؟؟

منور حبيبتي منور فيج يالغﻻ
وربي يهون عليج ويهدي زوجج .. انتي لي شفتيه رايق حاولي تكلمينه بالطيب وتتفاهمون
ونصيحة على طول شغلي سورة البقرة بالبيت تراها تهدي القلب وتريح بإذن الله
وربج كريم حبيبتي والله فوق راح يكون معاج
طمنينا عنج♥♥

عروسة نايس نورتي فديتج وولكم ويانا♥♥ ربي يهون عليج وتقر عينج بشوفه البيبي
وعن الجنس بتعرفين ان شاء الله واذا ودج تجهزين جهزي اشياء بسيطة ومحااايدة
وروحي فديتج دكتورة زينة ويمدحونها غير تأكدي احسن
انا نزفت رحت خاص قالوا لي انفصال بالمشيمة ومشيت على ابر ومثبتات ولما رحت بعد اسبوع موعدي بالحكومي قالت لي عادي وواصلي حياتج طبيعية ومارضت حتى تعطيني اجازة لو ما امي فديتها حنت عليها .. بعدها بيومين الا نزيف اكثر :'( وقف قلبي بنص الليل ورجعت رحت خاص قالوا لي المشيمة نازلة وهالخداي دكتورتي تقول لي واصلي حياتج طبيعية :-o
فنصيحة فديتج تأكدي من اكثر من دكتورة .. وربي يطمنج يالغالية♥♥

[شعولة86]

باقي الكروشات شخبااااركم ؟؟
انبسط واشوف سوالفكم ♥♥

[فوفو89]

مرحبا يا كروشات

عروسة نايس
اهلا وسهلا فيكي بينا
والله يقومك بالسلامة يارب
لا تخافي رح تعرفي جنس الجنين ،، بس انتي لازم تروحي ع دكتورة شاطرة ،، الدكتورة الشاطرة تعرف جنس الجنين من الشهر الرابع
والله يجيب الي فيه خير


شعولة
هلا فيكي منووووووووورة يا عسل
انا الحمدلله بخير وبنتي كمان منيحه قاعدة بترافس ههههه
كيفك وكيف النونو ؟
انتي فيكي ولد ولا بنت ؟

[لوولووه]

اهلين بنوتاااات
شعوله ياناس ع الكلام الحلووو خجلتيني
حرم رامي ايه شفتي كيف الغيره...وكيف جولة شكلك طلعتي بأشياء مفيده
قلبك انا ليش ماتروحين اي مستوصف قريب من سكنك وتتأكدين لاتنتظري موعدك
منوووورور وانتي واحشتنا وقولي لااله الا الله لاتسوون من الشي البسيط شي كبير جنس البيبي مو مهم انه بخير وصحه
ولو ع التعب لاتخافين يمكن جسمك مايتحمل وشي طبيعي بالحمال نصير نشتكي من اي شي الحمدلله انه التحاليل تطلع زينه
ولو ع ذيك الحرمه طنشي وش هي تقرأ الطالع بسم الله علينا لاتوسوسي بنفسك واعي ربك يسهل حملك وولادتك ولاتسمعي لاحد ان الولاده صعبه
كلها تساهيل من رب العالمين بالاخير حنا بأرحامنا اجنه وبنجيبهم للدنيا بغينا ام ابينا فهونيها وانتظري ذيك اللحظه بسعاده وانتي تنسين همها
ام لولوه الحمدلله ع سلامة ولدك
حكاية الحمدلله ان الله طمن اختك

[لوولووه]

عروسه نايس منوره التجمع حياك ربي
عني انا اقولك روحي دكتوره ثالثه عشان تقطعي الشك باليقين وترتاح نفسيتك وتتأكدي من أمر المشيمه
وربي يكتبلك الخير

[شعولة86]

اهلين فوفو ♥
انا تمام ونونوتي تمام
فيني بنت زيك :-):-)
ووﻻدتي بعدك بيومين :-):-)
يﻻ عشان بناتنا يصيرون صديقاااات هههههههههه
الله يثبت حملنا ويقر عينا بشوفتهم يااارب♥♥

لوولووه ♥♥♥♥♥

[فوفو89]

هلا لوولووة
يسعد مساكي
كيفك


شعولة
الله يخليلك اياها يارب .. شو قررتي تسميها ؟
ان شاء الله بصيرو احلى صديقات
انتي من وين ؟

[hayona99]

هلا بالصبايا كيفكم اخباركم طيبين كيف النونوات ان شاء الله تمام


والله كل يوم احس بالكسل ما اقدر اتحرك الله يعينا شكلها من الهرمونات


/// .. تجهيزات الحمل و الولادهـ .. /// - منتديات شبكة الاقلاع ® - /// .. تجهيزات الحمل و الولادهـ .. /// - منتديات شبكة الاقلاع ®