دردشة بنات فلسطين, دردشة حوامل فلسطين, تجمع بنات فلسطين

[~{{ DoDo }}~]

احساس
ولا يهمك
دخلي من هون وطلعي من هون
الحكي بييجي بييجي سواء كان علينا حق او لا
انتي بس طنشي واتفقي مع زوجك انه ما ياخده عندها الصبح وانتي نايمة ومش دارية
عشان ما تفكر انه قصدا بعتيه عندها عشان تكملي نوم ، هو سوء تفاهم مش اكتر
حتى لو اضطر يصحيكي قبل ما يطلع وانتي فهميها بطريقة حلوة انه هو بياخده وانتي مش دارية
عاااادي يا بنتي لا تتدايقي ولا تزعلي حالك بتصير كتير مواقف متل هيك وبتعدي

وان شاء الله بتنبسطي بالدورة وممكن تحطيه يوم عند امك ويوم عند حماتك وهيك بترضي الكل وخلص

[حيفا]

صباح الخير صبايا

الله يسعدكم يارب والله ما حدا مهون علي اللي صاير معي غيركم :)

عيووون ، هيني قبل شوي روحت من عند الدكتور انا وزوجي وقالولي اوقف متابغاتي لحد ما نشوف فحوصات زوجي ، بس رجعو طلبو مني فحوصات جديدة ، هرمونات يعني :)

مسك يا حبيبتي والله اعطيتيني امل كبييييييير ، هي يوم الاحد لازم يعيد الفحص وفي مختبر متخصص وان شاء الله خير

الدكتور فحص زوجي فحص خارجي قلة من الواضح انه مافي دوالي وانه وضعهم العضوي ممتاز ، بس بضل الهرمونات ، وبعدها فحص داخلي يعني جراحي :)

شغله طويلة بس ان شااء الله بنتيجه

الحمد لله




احساااس حبيبتي انتي بتقولي انه حماتك كتيييييير منيحه معك يعني بتهيألي لو تحكي معاها رح تسمع منك ، ما تخلي الموضوع ببالك لحالك ، لانه العتب ع قدر المحبة ، وصدقي هالقصص بتصير بكل بيت بس بتكبر وبتصغر حسب تعاملنا مع الموضوع :)

الله يوفقك يارب :)

[~{{ DoDo }}~]

يسعد صبااااحك حيفا
كيييفك ؟
ةالحمدلله اللي بلشتوا تتابعوا شوي شوي
وان شاء الله يااااارب يكون الوضع بسيط وسهل وتتطمنينا
الله يكتبلكم الي فيه الخير ياااارب وشدوا حيلكم وكلوا اكل صحي وديروا بالكم ع حالكم
ان شاء الله ربنا كريم ورح يفتحها بوجههكم قريبا ياااارب ، ضلك طمنينا :)

[حيفا]

حبيبتي دووودو صباحك خير وفرح ياااارب

هينا بنتوكل على الله وبنعمل اللي علينا ، وان شاء الله خير
انا تفائلت كتير بالدكتور ، مع انه يهودي بس كتييير منيح
واكييييد خطوة بخطوة هتكونوو معاي ، غصب عنكم ههههههههههه :)

حبيباتي :)

[~{{ DoDo }}~]

ما بنكر ابدا انه الدكاترة اليهود كتير شاطرين
عادي الواحد مضطر شو بدنا نعمل

حبيبة قلبي ربنا يكتبلك اللي فيو الخير ؛)

[حيفا]

امين يارب


هلاء السؤال المحير ،، شو طابخه اليوم هههههههه ؟


انا ما بدي اطبخ رايحه عند مامتي ربي يحفظها ويخليلي ياها ، وزوجي عند مامته ههههههههه

[~{{ DoDo }}~]

وانا كمان ما بدي اطبخ
باقي لسا نص طبخة السبانخ تبع مبارح
رح ناكلها ، وخلص

صحتييييين انبسطي عند مامتك ؛)

[حيفا]

صحه وهناااا عالسباااانخ هيك مش مخلصه الطبخه كلها متل ما وصيتك !! هههههههههه

[~{{ DoDo }}~]

هههههههه حرام عليكي ما بحبها وبدك اخلصها
اليوم بتخلص غصب عنها الله يعينني هههههه

[حيفا]

يلا بعيييييينك الله ، مشانك ومشان النونو الله يارب يقر عينك بشوفته سليم معافى ياااااااارب :)