دردشة حوامل مصر - دردشة بنات مصر - تجمع حوامل مصر ‏

[om arwa]

توتة انتى فين انا جييييت اهوووووووه

[أم إياد]

ربنا يخليكي ياسما
تسلمي ع الكلام الجميل
انا محتاجة اوي حد يرفع من معنوياتي
غصب عني والله بس بجد عندي امل كبير ويقين في ربنا
وبأحاول اتغلب على اي افكار وحشة
ربنا يقدرني ويهون ع الجميع

[om arwa]

الحمدلله البرد احسن
ربنا يطمنا عليكوا
ايه ونهاد وشوشو يارب

[om arwa]

عملتى سيرش عن الافادة فيما جاء فى ذكر الولادة بجد ادعية جميلة اوى للتسهيل

[أم إياد]

آه ياسما دورت عليها دلوقتي ونزلتها
بس مش عارفة المفروض كل ده يتقال كل يوم من دلوقتي يعني
ولا مرة واحدة بس؟
ولا لما الولادة تبدا؟
وكمان لازم يتقرأ في مية ويتشرب ولا عادي اقرأهم انا؟

[om arwa]

لا اقارايهم انتى عادى واقرايهم من دلوقتى على اد ماتقدرى كل يوم مرة مثلا لان ساعة الولادة مش هتبقى فايقة بس حسى بمعانيهم اوى وادعىت ربنا من قلبك
وهتلاقيمكى حفظتى منهم حاجة وانتى بتولدى تفتكريها ان شاء الله

[أم إياد]

ان شاء الله ياحبيبتي
ربنا يرزقنا ساعة ولادة سهلة ويهونها من عنده

بأقولك ياسما الله يكرمك
عايزة اسألك على حاجات كده..

ايه رأيك في الحاجات والمشروبات اللي قريت عنها حاجات كتير زي القرفة واليانسون وكف مريم والزعتر كمان التمر او الرطب والاناناس
بنات كتير بيقولو عليها نشربها من التاسع توسع الرحم وتهيأه وتيسر الولادة لما ميعادها ييجي
وفي ناس بتقول نتناول من الحاجات دي قرب مواعيد الولادة
وناس تانية تقول ماناخدش منها الا لما الطلق يبدأ عشان بتحميه

انا بصراحة ماجربتهاش خالص في الحمل اللي فات ولا الولادة
وتعبت مووووووووووت في الولادة
ربنا مايعيدها ولا يكتبها على حد

اييييييييييه رأيك في الكلام؟
والحاجات دي مفيدة فعلا وليها تأثير كويس؟

ثانيا بالنسبة للتمشية في التاسع..
المفروض وقت اد ايه في اليوم؟؟
ولازم المده متواصلة امشيها على بعضها؟؟
اصل انا يادوبك 10 دقايق وباتعب اوي والمغص الكلوي اللي ظاهرلي ده يبدأ يشد عليا ويوجعني حتى لو كنت كويسة قبل المشي يجيلي لما امشي..
ايه رأيك برضه في الموضوع ده؟ ممكن امشي الفترات متقطعة في اليوم؟

[om arwa]

بصى موضع المشروبات دى مش عارفة بيتهيألى على حسب كل طبيعة جسم
يعنى انا مامتى كانت بتقول مجرد ماتشرب القرفة الطلق يحمى اووووووى
القرفة دى اه بتتشرب من ساعة ما يبدأ الطلق
انا بقى فى اروى شربتها وولدت تانى يوم بطلق صناعى مارداش يحمى ولا عملت حاجة

بس انا مؤمنة بالتمر عشان اتذكر فى القران فى سورة مريم وهى بتولد (وهزى اليك بجزع النخل تساق عليكى رطبا) يعنى اكيد مفيد للى بتولد فى ناس بتقول فيه اوكسيتوسين اللى بيساعد على انقبضاتا الحرم وحتى لو مش فيه السكر اللى فيه يقويكى يديكى طاقة فى الدفع و يدى الجنين بردو على ما يتولد فده ابدأى كولية وا ول ما يبدا الطلق كذلك
الاناناس والحاجات دى معرفش بس فيها ايه لو خدتيها مش هتضر
كف مريم بيتشر بمن اول التاسع بس معرفلوش صراحة الله اعلم
بصى فى حاجة بتسرع ان عنق الرحم يفتح يا كسووووووووفى سورى سورى يعنى الجماع
عشان الحيوانات المنوية فيها المادة بتحفذ الطلق وتفتح عنق الرحم وكل الدكاترة بيوصوة بيه فى التاسع
للى هتولد طبيعى
المشى على اد ماتقدرى المفروض ع الاقل ساعة بس ريحى طبعا فى النص وماتجهديش نفسك امشى وريحى وارجعى نامى فاهمة هو انتى مش بتمشى عشان تخسى لا ده عشان بس الراس تضغط على عنق الرحم ويبدأ يفتح

[توتة السيد]

ازيك يااية عاملة ايه

بصي بالنسبة للاعشاب دي تتاخد لما الطلق يبدأ علشان توسع الرحم بس

لكن ماتخديش منها قبل الطلق خالص

والتمشية في التاسع علي حسب مقدرتك بس مايزدش عن نص ساعة

علشان ما تتعبيش

[gogo]

ربنا يكرمك ياأيه ويسهل ولادتك يارب
متقلقيش انتى بس ومتفكريش كتير وسبيها على ربنا