ديوانية البحرين - دردشة حوامل البحرين - البحرينيات

[أحلام أم]

سلاااااااااااااااااااام عليكم
طفطووفه
تشرفين حبيبتي بس لا تعبين روحش أخواتي كلهم اليوم بيجحتون ويايي هههههه ،تعالي ناصفي ويازنوب وقعدي قدعي وستانسي ويالأهل نفرح وياش ،صدق تعالي عاد إذا تذكرين وصفي لبيتنه إلش طرشي رساله خاصة برد أوصف لش البيت أو بطرش لش رقمي
بنتي قريب الصبح دقت عليها ريح في رجولها اليمين من تحت ولو تشوفينها واقفه تصيح على حدها والأيادي مرفعه عن لايصبغ الحنه ثيابها أقول ليها بس يبس نزلي إيدش وما أشوفها إلا شادخه بروحها في الأرض هههههههههههه وقمت عطيتها أدول ومرخت رجولها بزيت ولبستها دلاغين وربطها بعد ونامت ههههه وهي رافعه الأيادي فنتق هالبت بس طلع حليو الحنه ،ربي يحفظ زنوب وتحنينها عروس يااارب ،أني بديت أحني في بنتي من عمر( سنه ونص )كنت أسدحها وأخلي مخاد صغار تحت أياديها ورجايلها وهي صابرة تحب الحنه ولا تتحرك لين تنام حبيبتي يجي أبوها يشوفها محنية ونايمه يفرح يقول لا تحركينها
تصدقين للحين مافي كهربه وأخويي راجع من أخر ليل مادري وينه راح ينام بلاوووي

[ميعاد]

سلامي لاهل البحرين الغاليين متباركين بالشهر وينعاد عليكم بالصحة السلامة والله يتمم ليكم حملكم على خير ،متى الناصفة عندكم القرقعان على قولتكم؟

[نبع الكوثر]

الليلة عندنا الناصفة شريت ملابس الى بنات اخو زوجي يتاما وغلفتهم بعطيهم اياهم هدايا عشان يستانسو مساكين ماحد يعطيهم هدايا ولا في من يصرف عليهم

وشريت الى بناتي بعد ثياب باقي حديان الله يكرمكم

واني مافي شيء يناسب الامكانيه محدوده وفرحه الجهال بتفرحني مو لازم جديد

بس مضايقه من شيء شريت الى بنات اخو زوجي الله يرحمه ولا شريت الى الولد ماشفت شيء مناسب اخاف يتحسس
مدري اشتري له لعبه او اخليه اشتري له بدله الناصفه الجايه ويش تنصحوني؟؟؟
والله يبارك الى الجميع ويعوده علينا بالخير ياااااااارب

[أحلام أم]

سلااااااااااااااااااااام عليكم ناصفة حلاوة على النبي صلاوة
البارحه ناصفة فريقنه عجاييييييب إلتموا الأهل في البيت من عصر وقاموا يطبخون البوفية رحم الله والديهم ماقصروا خدموني يااارب أخدمهم بالأفراح وعلقوا الزينه والبالونات لولا وجودهم ماعرفت شلوون أدبر روحي وبعدين بعد الصلاة هربوا كلللللهم راحوا يناصفوون كبار وصغار الأمهات وأولادهم وظلت أمي وأم زوجي يجودون هنوووووي
وأني أغفص مع التوزيع للنسوان واليهال أمي تقول تعالي لولدش موساكت وأني أقول ماقدر دبروا له شي ههههه
وتالي الليل بقيت بروحي زوجي راح الشغل أخر ليل والأهل راحوا بيوتهم وبدت سهرتي مع هنوووووي ربي يعودنه في حال أحسن من هالحال

ميعاد
هلا بأهل القطيف خيو الليلة الناصفه عندنه (القرقعان )بس لأنه المناطق الجديدة يناصفوا قبل بليلة علشان الليلة يناصفوا مع الأهل في المناطق الأصليه ليهم

نبع الكوثر
ربي يجزاش كل خير ،الله يرحم أخو زوجش ويتولى يتاماه برحمته
فرحت بخطوتش في شراء الهدايا لها اليتامى بس كملي معروفش وإشتري لأخوهم ضروري أي شيء لليلة فالأجر مضاعف الليلة وفي هالليلة تتوزع الأرزاق وتكتب الأقدار ربي يفرحهم
ويحفظ لش زوجش وبناتش ويغنيكم من فضلة

بنات لا تنسوني من الدعاء في هالليلة وتدعون لينه بقضاء الديون

[ام حسين الدار]

هلا بريحة هلي والله اخباركم وكل عاو وانتو ابخير وصحه وووووووووووووووحشتوني جيت وجبت نصفتكم من عندي ومن عند حسوني راحت اليوم موعدي والحمدالله كل شي ابخير وصحه دعواتكم الله اكملها معاي وسهل علي وعليكم ياررررب


يارررب ياكريم ينصركم ويشرح صدركم بكل خير
واخلي اطفالكم وتفرحو فيهم امعرسين يارررب
ومااتجي السنه الجايه الاحزينه ام الحسنين اتناصف ابحسن وحسين يارررررب

[Rose Bh]

متباركين بالمولد

وحشتوني كلكم من زمان ما دشيت اجوف سوالفكم .. تحملو بروحكم

[أحلام أم]

هلااااااااااااااااااااااا والله بأم حسين الدار وهلا بريحة أهالينه الطيبين
الله يبارك في حياتش وأخذت ناصفتي من عندش ومن عند حسون الريالات كللللللللللللللهم والفنارة بعد هههههه
باحاول أنزل جزء من توزيعات ناصفة أولادي لأني ماصورتهم كلهم
ربي يقومش بالسلامة وحسون يصيح في حضنش يبى حليبه هههه
سلمي على الأهل وربي يعودنه بحال أحسن من هالحال
روز bh
الله يبارك في حياتش الله يقومش بالسلامة إنتين بعد تحملي بروحش

بنات وينكم مافي إلا أني جني الديوانية يعني يرد ويسولف بروحه بس بعد بهديكم بطاقة وأشوفكم على خير

[حنين للماضي]

السلام عليكم
متباركين بهذه الليلة العظيمة
وعسى الله يفرج عنا ويقضي حوائجنا ويحفظ اولادنا بحق صاحب هذه الليلة

رحت مع علوان بيت ابوي العود وعقب رحنا الماتم
جان زين شريت جيس حق علواني ماشاءالله الماتم وزعوا اشياء وااااجد وشنطته انبطت من كثرمادعست فيها ههههه
اول يوم رحت كان خوش ولد بس عقب صار غفصة وقام يصيح كان في نومة وماكان يقدر ينام من الغفصة والاصوات
بيس المدلله استانسنا مع الاهل والاقارب

طمنوني عنكم شخباركم؟؟؟

بنات واااجد من زمان مابينوا ااف اذكر الاسامي وانسى اسم وعقب يصير زعل
على العمم اتمنى الكل يكون بخير وعافية وصحة

ويلا كل وحدة تعطيني ناصفة علواني
مشكورة ام حسين ماقصرتي الله هداها احلام خذت كل الريالات وحطت لنا بس الكسكبال

[مس توته]

سلام عليكم حبايبي

متباركين بمولد منقذ

[مس توته]

منقذ البشريه صاحب العصر والززماان اللهم عجل له الفرج

ادعوا لي بتسهيل الحمل والولاده بحق صاحب هذه الليله وادعوا لي بتيسيير الامور تراها ضايقه علي :(

وتحياتي وقبلاتي للجميع وللكتاكيت ولاخواتي السعوديات حبيباتي والله الله يحفظكم وذراريكم فردا فردا :)