دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أحلى موني]

ايه في الشهور الاولى والله نفسي اغمض وافتح القى نفسي ولدت خلاص تعبت من الخوف والتوتر والهم والجلسه في البيت مسدحه عشان لااسقط زي المره اللي قبلها

[ثلجه فوشيه]

ههههههههههه موني والله أنا كل يوم على هذا الحال لأن زوجي يسهر برا < مسكينه
ترى أنا اللي اقفل التجمع كل يوم وآخذ المفتاح اصحى ما الاقيه تحت المخده يآخذووه البنات ههههههههههههه واجي الأقي صفحاااااات ياكثرها طبعا هذولا المجتهدات اللي يقومو الصباح بدرري مو زينا هع

[ثلجه فوشيه]

لا بسم الله عليكي الله يحفظك ويحفظ جنينك :)

[نلي خانم]

أحلى موني
أنا بعد ماخلصت شهرين مره خف الأستفراغ يمكن أستمر ثلاث أسابيع وباقي المده غثيان ويروح بس الدكتور نصحني أني كل ساعتين أكل حاجه خفيفه فاكهه أو بسكوت أو كاسه حليب وقالي كثر الجوع هو اللي يسبب الغثيان والترجيع
خلاص هانت يمكن اسبوع وتبدأي تخفي

ثلجه فوشيه
أم أبراهيم كانت تجلس جنب البوابه حقت مبنى ب عند البوابه القديمه والله كانت تميزني من بين البنات وكانوا صاحباتي يسموني الحجه لما اجي خارجه تلاقين كيسين كبيره فشار ومنفوش يقولوا نعرفك في الشارع من أكياسك ههههه والله أيام حلوه حتى لما أشتري تعطيني زياده تعرفني أني أدمان فشار دقه

[أحلى موني]

يبغالي يانلي كل ساعتين اكل شي والله المطبخ مليان بس ما اشتهي شي يالله الله يعيننا ويعدي حملنا على خير

وحتى انا ياثلجه زوجيى سهران برا هااااااااااااارب مني هوا وبنتي جنى
ههههههههههههههههههههههههههههههه
لاني على طول معصبه وبس اخاصم واصيح واضرب مساكين وبالذات بنتي اكلت مني ضرب الله يحميها والله مدري ايش فيا ما احس بنفسي بسبب وبدون سبب اصارخ واسب واعصب وبعدين ابكي ام الحاله دمي مررررررره حااااااار جالسه عالليمون على طول عشان اهدي اعصابي

[ثلجه فوشيه]

حرام موني الا بنوتتك يااااقلبي عليها ماتستاهل صغنونه
حاولي تهدي نفسك وامسكي اعصابك شويا والله حررام انا اقول الصغار ماينضربو بس مدري لما اجيب ايش حيسير الله يستر بس ماما دايما تقولي بكرا نجلس عالحيطه ونسمع الزيطه هههههههههه

[اموورة وكتكوتة]

هههههههههه ثلجة مررررة ضحكتيني بكرة نجلس عالحيطة ونسمع الزيطة

موني حبيبتي بنوتتك صغيرة حرام تضربيها .. ايش ذنبها حاولي تمسكي اعصابك انا ادري انك تتوحمي واكيد بنوتتك غلبتك بس حرام صغيرة

يعني انا رحت انام بس ما جالي نوم من الحرقة اهئ اهئ .. وجالسة اقرا ما شاء الله ما خليتو سيرة الاكل هههههههه ..

ان شاء الله بجرب ورق عنب النابلسي انا احبو حامض مررره يمي يمي والله شهيتوني حرام عليكم ههههههه

[أحلى موني]

هوا حراااام وقلبي يتقطع عليها لمن اشوفها تبكي وبالذات لمن اضربها تجيني وتضمني وتبكي وتلصق فيني تحزني ياقلبي عليها وحتى زوجي والله احزن عليه لمن اصارخ عليه وهوا جالس يطالع فيا مو عارف ايش يقولي او يسوي يسكت مايرد علي الا ابشري معليش حاضر ولاتزعلي طيب

[أحلى موني]

اموره وكتكوته ازمه وتعدي باذن الله وجيبيلي معك ورق عنب بس حبتين اليوم مدري ايش فيني مشتهيه كل اللي بتاكلوه
هههههههههههههههههههههههههههههه

[ثلجه فوشيه]

كتكوته دووم الضحكه يااارب اشبك مانمتي حرقه ايش بسم الله عليكي ؟؟

مووني حزنتيني على بنوتتك وزوجك حسيتك شريره زي حالتي لما اعصب هههههه
بس صح والله اعرف انو مو بيدنا