دردشة بنات مصر , دردشة حوامل مصر , تجمع بنات مصر

دودى مجدى · 11-09-2011, 12:53 AM

بصى يا دودو احنا دورنا هنا تبع حملات الحج الداخلية محدش كان رلضى ياخد حماتى وحمايا لانهم زيارة معاهومش تصريح حج كانو عاوزيننا احنا بس عشان معانا اقامات والفرد ب 4000ريال سعودى المهم واحنا بندور فى شركات الحج قابلنا بالصدفة ست نازلة على السلم حماتى بتسالها هو هنا فى شركات حج قالتها دة انا عندى شركة حج يا حاجة روحنا قعدنا نتكلم معاها الست دى عندها شركة حج فى امريكا وفى مصر بتطلع مسلمين امريكا
هكملك المشاركة الجاية

احلى نونو · 11-09-2011, 12:53 AM

هههههه وانا برضه بسد مناخيرى مش بحب ريحتها خالص ومع الحمل بزياده
بس فى الطبيخ وكده بنجيب العاديه لكن دى عشان عاوزها مع الفته

احلى نونو · 11-09-2011, 01:01 AM

انا مستنيه اهو يادودى المشاركه التانيه

دودى مجدى · 11-09-2011, 01:04 AM

المهم يا ستى قعدنا نتكلم معاها واتفقنا بقيقى كدة ومدفعناش فلوس وهى سافرت امريكا جينا بقى يوم 7 ذى الحجة روحنالها الفندق اللى هى منزلة فية الحجاج هنا فى العزيزية وشوفنا الوضع لقيناها حاجة جميلة الصراحة ماشاء الله بصراحة موفرالنا الباسات فى المشاعر المقدسة على طول والاكل فى معادو وبزيادة وطول اليوم متوفر المية الساقعة والشاى والنسكافية حتى لدرجة فى يوم جابتلنا ايس كريم بصراحة الرحلة كانت جميلة جدا بس الحامل مينفعش تحج اصلا انا اتبسطت الحمد لله بس كنت تعبانة اوووووى وعلى طول مرمية على السرير

احلى نونو · 11-09-2011, 01:10 AM

طيب كويس والله حاجه جميله يادودو ده من حظك عشان ربنا يقويكى
طيب هو حماتك وحماكى مده الزياره قد ايه 3 شهور ؟ ولا احتاجتوا تتجدد
وكانت بكام بقى تكلفه الفرد فى الحج وعملت ايه معاهم وهما مش معاهم تصريح الحج

دودى مجدى · 11-09-2011, 01:23 AM

بصى يا ستى الزيارة شهر واحد بس بس محمد جددها لمامتو 4 مرات كل شهر ب100 ريال انما باباة جاى على الحج بس وهيمشى يوم الاتنين وبالنسبة لتكلفة الحج يا ستى 3500 سعودى والست خدتنا معاها فى المشاعر المقدسة بس ومطلبتش ورق ولا حاجة

احلى نونو · 11-09-2011, 01:29 AM

ماشاء الله والله كويس على الخدمات دى و 3500 ريال يبقى حلو اوى
طيب الفلوس دى كانت شامله تصريح الحج ليكى ولمحمد ولا الست طلعتكوا ازاى وبرضه حماكى وحماتك عادى مع ان بيقولوا لازم التصريح ده عشان الحج
وحماتك كانوا بيوافقوا على تجديد الزياره حتى ولو كان موسم الحج داخل او دخل خلاص عادى ولا ليها اوراق وشروط
معلش يابنتى بسالك كتير بس لما بقول لتامر عن الرحله بتاعتك وكده بيسال عشان ولا نعرف حد ولا حاجه عشان ربنا يسهل ونحج السنه اللى جايه

دودى مجدى · 11-09-2011, 01:49 AM

بصى يا دعاء تصريح الحج دة عشان دخول مكة لان على البوابات فى تفتيش رهيب انما احنا اصلا قاعدين وحمايا اما جة خلى ابن اختو يعدية لانو شغال فى جدة ومعاة تصريح دخول مكة وفى ناس بيهربو من الجبل الفرد ب400 ريال وكمان فى منى محدش بيدور على حاجة لانو مواد وزحمة بالهبل
بالنسبة لزيارة حماتى هى حظها جة كدة وكاانو بيرضو يجددولها مع ان سمعنا ان فى ناس دفعوهم 2000ودة حظ بقى
معلش بغيب فى الرد لانى بكلم امى وانا بكلمك

توتة السيد · 11-09-2011, 06:58 AM

http://forums.fatakat.com/thread2031476

موضوع مهم للحوامل

MALAK2010 · 11-09-2011, 07:29 AM

صباح الخير يا بناااااااااااااااات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM