.·¤ تجمع الحوامل اللي ولادتهم في محرم¤·.

[ام سلطان!]

ميشووو الله معااااك وطمنينا ان شاالله انها طلووق دام زادت
بس علا ماتروحين استمري بالمشييي ببيتك والتمرررر
وحليب محلا بعسل بس يكون حار واستغفري واقري قران وادعي..

ام يارا هههههههه شفتي اني حركات نوووم العوافي ياب..

اعز هذي اول بيبي لكم شي طبيعي بيحبها ابوها ويخاف عليها ويدللها المفروض تفرحييين بعض الرجال
اذا بنت مايهتم ومو كل شي تقولينه له عشان ماينشب لك دامها بخير خلاص..

[جالكسيoo]

اعز وسعي صدرك زي ماانتي بكيتي لما حسيتي انك ماعرفتي لبنوتتك مع اني متاكدة كل هاذا من حبك لها الله يخليها لك ويحفظها من كل شر ترا هو بعد خايف عليها لاتلومينه ياقلبي
كلكم تمرون بمرحلة جديدة ومتوترين مع الايام كل شي بيستقر اهم شي لاتجلسين لحالك خلي احد يجلس معك ويونسك *

[ام سلطان!]

ياعمررري يابنت تبووك ماتقصررين
جمبي محل يبيع انواااع التمووور بروح له اليوم وبشوف اذا في رطب
عنده وان شاالله القى ياارب..

مشكوووره ياقلبي الله يسهل عليك
ماشاالله كننا خوات <~~خنقتني العبرره
لو عندي خوات ماسوو كذا الله يجمعنا تحت ظله..

[جالكسيoo]

بنت تبوك بشري جت الشغاله ولالا؟!!
احس انها مابعد جت اشوفك مو متحمسه للولادة هههههههه

[جالكسيoo]

امين يارب ياام سلطان فعلا والله احس اني ماقدر اقول اللي خاطري لاحد الا لكم الله يخلينا لبعض

[اعز الناس عافوني]

فديتكم والله ام سلطان نصايححك تجنن ماشاء الله ابي نص معلوماتك ههه

امي تسوي لي وتجيبه وتحطه قدامي وتشيله نفس ماهو
بس ربي يفررجج ويبعد عني هالنفسيهه.


ميشوو اقري الزلزله طول الطريق وجلسه القرفصا تخفف الالم عليك فيها واذا جاك الطلق نامي ع جنبك اليسار يخفف الالمم
ربي يسهل عليككم كلكم ويفرح قلوبكم *

[بنت تبوك]

ام سلطان لا تشكريني وللللو احنا خوات ويعلم الله اني صادقه ومعتبرتكم خواتي لأن ماعندي خوات وعوضني الله فيكم الله يخلينا لبعض..

[بنت تبوك]

بنات ابي استشيركم لقيت شغاله اثيوبيه بالمدينه وسعرها مرررره حلو وعيبها انها جديده وماتعرف عربي وراعيتها ماتبيها تعلمها من جديد تبي وحده متعلمه .. وامس لقيت عند وحده من جماعتي القريبين اثيوبيه بعد وتبي تبيعها ماتبيها وانا كنت اسمعهم مايمدحوها زين ويقولو معاها ريحه تقرف حتى لو تحممت .. ايش رايكم وين اخذ اي وحده طبعا زوجي الكسول حالف مايروح المدينه عشان الشغاله ويقول اذا فيه احد بالمدينه نرسله الاوراق حقتنا والمبلغ وهو يجيبها لنا وانا والله مالقيت احد ثقه ومحتاره وخايفه انها تروح علي.. ابي شوركم ايش تقولون

[ام سلطان!]

اعز ههههه والله هالنصايح تعلمتها من هالمنتدى وبناته
والبحث بالنت وحبيت افيييدك وافيد كل من يقراها وتدعون لي بالولاده السهللله..

جالكسي صاادقه والله امووون عليكم كثييير..

بنت تبوك ياحبي لك حتى انا ماعندي خوات
وياليت تشوغين غير الاثيوبيات احسهم يخوفون
وبالاول والاخير استخييييييري
ودام الي عندكم مامدحوها ماهم بايعينها فيها خير
والي بالمدينه يقدر يرسلها لكم بالباص مثلاً

والله يكتب لك الخييير..

[بنت تبوك]

المشاركة الأصلية كتبت بواسطة اعز الناس عافوني

السلام عليكم
صبااح الخير
اخباركم وش مسويين انا من امس جايني اكتئاب موصاحيه بس احد يكلمني ابكي
احس اني مااصلح ام امس الصبح تخيلو قاعده بشرب فاطمه الجلوكوز حق الصفار وهي عطشاانه تبكي وتبكي وبقووهه تلخبطت والرضاعه ماسكرتها زين
وعطيتها اياها شربت شوي وقامت تكح ولارفعت الرضاعه الا ثيابها كلها تغرقتت منهانقهرت من نفسي وقمت ابكي ومنها جاني شعور غريب احس مكتومه واحسها مسكينه طاحت بام مثلي هبله ماتفهم المشكله اني مااعرف اتصرف معها كيلوين بس وارتبك لاجيت اغير لها هالشي يضايقني
ابي شي يخفف حساسيتي وربي انااكتب الحين ودموعي تنزل بدون احس ولو اكمل ببكي اكثر واكثر ><'

اعذوني مقدر اقرأ شي حتى الامس ماقريت الصفحات مامداني بس اكيد بيجي يوم اقراهها كلها *

اعز حبيبتي اول شي مبروك عليك البنوته والحمد لله على سلامتك
وثانيا ماعليك وانا اختك هذا احساس عادي جداًيصير مع كل وحده بأول مولود والله اني كنت ببنتي ماعرف شي واذا صاحت احاول اسكتها واذا ماعرفت ادق على ابوها واقوله تعال خذ بنتك مابيها انا ماعرف شي ومو كفو اكون ام !! والله اني كنت استحي ارضع عند الناس واذا جا الليل سويت لها رضاعه لأني ماأعرف كيف ارضع من صدري والله ماساعدني غير زوجي كان يشيلها لي ويقولي رضعيها واذا عورتني ابعدها عني واقول خلاص ماأبي وكان يمسك راسها ويحطه على صدري ويقولي معليش حاولي ويحط يده الثانيه على راسي ويقرأ علي وانا ابكي مو عارفه اسوي شي .. واذا بغيت احممها تعالي شوفي وش يصير تطيح مني وتتزحلق واجلس اصيح عليها وياما وياما مواقف بس الحين الجمد لله سرت راعية خبره واذا رحت عند نافس اساعدها بأي شي انتي توكلي على الله وانشاءالله مرحله وتعدي وبتشوفي نفسك بعدين كيف تتغيري تدريجياً..