دردشة حوامل مصر - دردشة بنات مصر - تجمع حوامل مصر ‏

[أم إياد]

المشاركة الأصلية كتبت بواسطة كلبوظة

تولدى بالسلامه ان شــاء الله يا ام اياد

يااااااااارب ياحبيبتي ان شاء الله
وانتي اخبارك ايه دلوقتي؟
عدتي التحليل تاني ولا لسه؟؟؟
ربنا يطمن قلبك ويديكي اللي انتي عايزاه

[om arwa]

المشاركة الأصلية كتبت بواسطة أم إياد

ربنا يكرمك ياسما
وماتشوفيس حاجة وحشة في ولادك ابدا
ويتمملك بخير ياحبيبتي
متشكرة اوي
هي الاشاعة اللي اتعرضتي ليها في الشغل ايه بالظبط؟
وماكنتيش واخده بالك من الجهاز ولا كان اجباري تقفي عنده؟؟
ان شاء الله مايبقاش في خطورة ويكون النونو زي الفل

لا مادخلتش عند الجهاز بس ماشية فى منطقة اوض الاشعاع زدى اشعة علاجية مش اشعاع عادى بس ماروحتش عند اجهزة خالص الدكترة قالتلى ان شاء الله ما يكونش فى شر بس المفروض مااقعدش فى مكان الاشعاع على اد مااقدر
فانا كدة روحت مرتين وبس مش هروح تانى هابقى من برة بس خايفة من المرتين دول ربنا يسترررررررررررررررررر

[أم إياد]

المشاركة الأصلية كتبت بواسطة malak ahmed

اخيييييييييييييرا يا بنتي الحمد لله انك شوفتيني خلاص انا ثبت الخط ده بقي

ربنا رحيم والله يا ايه وان شاءالله مش هيورينا الايام دي تاني وهيعوضنا ومش هيزعلنا تاااااني


انا يا حبيبتي الحمد لله بخير وبحاول امشي كل يوم شويه بعد الفطار ييجي نص ساعه كده والمغص ابن التيت اللي كان عندي امبارح بححححححح ومجاش تاني

بس بحس بحاجات غريبه كده ساعات وجع علي ضهري ورجلي الاقيهم بيوجعوني والتقل ده طبعا مستمر

هانت اهي ان شاءالله وربنا يقومنا كلنا بالسلامه يارب

تسلمي ياحبيبتي
يسمع منك ربنا آآآآآمين
ايوه كده كويس اني اتطمنت عليكي
انا كمان بقالي يومين بأتمشى ييجي نص ساعة كده يادوب باتعب ما اقدرش ازود عن كده
الدكتور الفاضل سالته ع التمشية المرة اللي فاتت
قاللي مش لاااااااااازم هما اللي اتمشوا يعني عملوا اييييه؟؟!!
ما ياما ناس اتمشوا كتيييير وفي الآخر ولدوا قيصري

بيستفزني اوي الراجل ده
قلت في بالي طيب والله عشان كلامك ده لهتمشى
ماكل البني آدمين الدكاترة بيوصوا بكده اشمعنا انتا يعني
وهاتمشى ان شاء الله وانتي كمان يانودي
اما شيماء فلاااااااا طبعا لانها هتكون قيصري عشان الحقن
ربنا ييسرلها ويقومنا جميعا بالسلامة

نهاد انتي برضه الدكتور بتاعك ماطلبش منك تحاليل زي الباشا بتاعي؟؟

[أم إياد]

المشاركة الأصلية كتبت بواسطة om arwa

لا مادخلتش عند الجهاز بس ماشية فى منطقة اوض الاشعاع زدى اشعة علاجية مش اشعاع عادى بس ماروحتش عند اجهزة خالص الدكترة قالتلى ان شاء الله ما يكونش فى شر بس المفروض مااقعدش فى مكان الاشعاع على اد مااقدر
فانا كدة روحت مرتين وبس مش هروح تانى هابقى من برة بس خايفة من المرتين دول ربنا يسترررررررررررررررررر

ان شاء الله مايكونش في حاجة وحشة
بس انتي حاولي ماتروحيش ناحية هناك خاااااااالص
نعمل اللي علينا وربنا ان شاء الله يسترها

البرد عامل معاكي ايه دلوقتي؟ خف شوية؟
وأروتة اخبارها ايه؟

[malak ahmed]

سماااااا ازيك يا قمر انا كنت هقولك بس اهي ايه ردت عليكي

الدكتور يا ايه طلب مني بس اعمل نسبه هيموجلوبين وعملتها والحمد لله كانت كويسه وده تاني تحليل ليا من يوم ما حملت واحد كان ف الاول هيموجلوبين بردو وبول وبراز والتاني اهو

[أم إياد]

المشاركة الأصلية كتبت بواسطة gogo

هى رانيا مبتجيش خالص محدش شافها
وميرى اختفت خالص ليه

جوجوووووووو ازيك ياحبيبي وحشتييييييييني
أخبارك ايه؟
ربنا يكرمك يارب ويخلف عليكي بالذرية الصالحة عن قريب
بادعيلك كتير والله ربنا يستجيب في الشهر الفضيل ده

رانيا فعلا يقالها فترة مادخلتش
يارب تكون بخير هي وحمبوزو

اما هدير بقى فبقالها كتيييييييييير مادخلتش
قلقانة عليها والله
يار ب تكون بخير والحمل كويس معاها
ممكن تكون تعبانة شوية ولا حاجة عشان في اوائل الحمل وكده
ربنا يتمملها بخير ويرزق كل واحدة يااااااااارب

[أم إياد]

المشاركة الأصلية كتبت بواسطة malak ahmed

سماااااا ازيك يا قمر انا كنت هقولك بس اهي ايه ردت عليكي

الدكتور يا ايه طلب مني بس اعمل نسبه هيموجلوبين وعملتها والحمد لله كانت كويسه وده تاني تحليل ليا من يوم ما حملت واحد كان ف الاول هيموجلوبين بردو وبول وبراز والتاني اهو

كويس والله
ربنا يطمنك دايما وكل حاجة تبقى تمام داااااايما ان شاء الله

اصل انا الباشا بتاعي مكبر تماما وانا الل عملت قبل كده من نفسي
بس من اكتر من شهرين
هاحاول اعيدهم تاني قريب مع نفسي برضه
بس المشكلة في الصيام الواحد مش قادر يتحرك اصلا

[om arwa]

شكرا يا ايه ع المساعدة

[om arwa]

انا الغثان تاعبنى اووووووووووووووووووى
حاسة انى عايزة ارجع معدتى

[توتة السيد]

العواف يامزز فطرت الحمد لله ومليت الزوقلة تمام

ياحلاوة ياولاد احلي خمسة حاجات في الدنيا تلاتة

الاكل والنوم

ههههههههههههههههههههههههه