دردشة بنات فلسطين, دردشة حوامل فلسطين, تجمع بنات فلسطين

[عيـ‘ـون المهـ‘ـا]

مَـ ــسـ ـ ـاء ألخِيـ ـ ـ ـ ـر

:*:*:*:*:*:
|| إإحسـاسـ ||
ما شاء الله هلآ زيـــاد خمس شهور و نص
فأهم شي انك تركزي على السيريال ( مطحون الرز او مطحون القمح)+ الفواكه+الخضار
حتى من طيخ البيت فيكي طعميه (رز+ اي نوع خضار تخلطيه بالمولينكس)
فيكي فترة الصبح تعطيه (العصيده + فواكه )
المساء فيكي كمان تعطيه خضار مسلوقه
كمان بسكوت المخصص للاطفال + حليب سميلاك+ اي نوع فواكه) كتير وجبه مغذيه و مفيده
موز مهروس + شوي افوكادو
القرع العسلي كتير بحبو الاطفال و البطاطا الحلوه

و بنصحـــك تخففي السيريلاك شوي

||دودو ~ لولو الفلسطينيه ||
الحوامل المجاهدات هههههه كيفكـــــم
كيف بيبيهاتكــــم
لولو ان شاء الله بكره تطمني على الاميره الصغيره و تطمنينااا عنك
دودو لا تنسي انك ما بتاخدي فترة نوم كفايه لآلك لهيك ممكن الصبح تحسي بدوخه
و كمان ضلك متابعه السكر و الضغط و الدم حتى لو عملتي فحص دم
لانو كل شهر عن شهر ممكن تفرق نسبة الدم لانو بتزيد احتياج البيبي و ضخ المشيمه الى الرحم و تاكدي انك بتتعشي منيح قبل النوم
و الصبح قبل ما تقومي من السرير فيكي تاخدي توست او موزه او تفاحه
يقلل الدوخه
|| حيفـــــا ~ عسولــــة ||
الله يبــــــــــارك فيكم حبيباتي
ان شاء الله تحملو بتوائم دفعه وحده ههههههههه
و يملو عليكم حياتكم ربي يسعدكم و يقر عيونكم

[لولو الفلسطينية]

جارة يسعد مساكي يا حلوة
ههههه ييلا هانت كلها كم ساعة و بروحلو
بس هو حكالي من المرة الي فاتت على الاغلب بنوتة الله يجيبها بالسلامة

[لولو الفلسطينية]

اهلا عيون المها
نورررتي
ربنا يسعد هالمسا

[عيـ‘ـون المهـ‘ـا]

|| هبَـ هـبه ||
يسعد مساكِ
و يبارك فيكي و يخليلك اسماعيل
ئديه عمره صغيرك

[~{{ DoDo }}~]

يسعد مساكم صبايا

كلكم انشالله تكونوا بخييييير

عيون المها
والله بيجوز دمي نازل هالشهر
لانه اخر مرة حللت كان قبل شهر ونص وكان 12
انشالله خير بتعرفي انا ما بتعشى اغلب الايام
ممكن اكل فواكه ، انشالله ما تتكرر الدوخة والله شكلها من قلة النوم الله يهونها

لولو
بنستناكي بكرا تطمنينا عالامورة
الله يطمنك يااارب حبيبتي

باقي الصبايا ازييييييكم يا حلوين

[جارة القمر]

آآآآآآآآآآه مسكين زيد عمالوووو بيطلع السن التاني ومفتوح محله وكتتتتيرمنكد منوووو ومو عارف ينااااااااام

[عيـ‘ـون المهـ‘ـا]

||~ دودو ~||
اها اهم شـــي انو دمك ما ينزل عن الــــ 12 طول فترة حملك
هلآ ابتداءً من الشهر السادس بدك تزيدي نسبة الحديد في اكلك
لا لازم تتعشي منيح لانو طول فترة الليل ما بتاكلي
و بتخافي شوي ينزل السكر و لهيك ممكن تحسي بدوخه الصبح
بعض الحوامل بئومو بالليل بياخدو سناك خفيف اذا بحسو بدوخه
المهم سلامتك يا قمر و ان شاء الله ما تتكرر الدوخه معاكِ
[:

[Heba T]

جارة ،، والله شايف حالو علينا من كتر ما هو مدلل البيك
الله يعينك على زيد و سنانو بس انا ما بصدق بنشق مكان السن برتاح الولد ع طول ،، انو ليش لسا منكد ، يمكن تعبان محل الوجع ،، اعطيه اكامول ع طول بروق

لولو ،، الله يتمملك ع خير و تيجي هالبنوتة بصحة و عافية

عيون المها ،، هلأ ميلو سنة و ٣ شهور تقريبا

احساس ،، مشالله كبر زياد ، بصراحة انا كنت اعطيه العصيدة وكمان اعملو خبز بمرقة الاكل ، لان ما كان يشبع الولاد حاتهم للاكل بتختلف عن البنات وانا كان ما يسكت غير لما ياكل منيح و كمان كنت احطلو فت مرقة الدجاج و كمان المهلبية كنت كل يوم تقريبا و كمااااااااان اعملو خبزة ابشرلو عليها بندورة و ارشلها زعتر كان كتيييييييير يحبها وكمان خبزة و عليها لبن اخليها تتخمر فيه ** هاي كزا شغلة شوفي شو بعجبو ، وبس اتزكر اشي رح احكيلك ياه

[Heba T]

دودو

انتبهي ع دمك باخر الشهور لان مشكلة لو نزل ، ديري بالك ع اكلك منيح اخر شهور البيبي بزيد وزنو حسب انت شو بتاكلي

[~{{ DoDo }}~]

عيون المها
انا مرات والله بصحى بالليل بشرب حليب مع حرقة المعدة
ومرات لا ، بدي ادير بالي انشالله خير
تسلميلي عالنصايح الحلوة ما يحرمني منك ياااارب

هبة
انشالله الشهر الجاي بدي اطمن على نسبة الدم
الله يهونها يااارب