.·¤ تجمع الحوامل اللي ولادتهم في محرم¤·.

[جالكسيoo]

شعوله ياقلبي خذي راحتك مالنا غير بعض
شوفي انا ببكري كذا كنت احس زي الامساك الله يكرمك وكل شوي رايحه للحمام ومافيه شي وتحممت بموية دافية وشربت قرفة وزاااااد الالم

[Mishael]

من جدك جلكسي ياربي خفت ودي اولد بس عاد خايفه ،، واي والله يعلم فيني ربي مالي غيركم رحت للارقام اللي بجوالي ادور احد اسأله مافيه كلهم ماامون عليهم

[ام سلطان!]

ميشو خذي ساعه وخليها معاااك
وكل ماجاك الم شوفي الساعه ولاجاك مره ثانيه شوفي الساعه
اذا كل نص ساعه او ربع ساعه لممممدة ساعه هذا طلق

ركززي شووي عشان تساعدين نفسك..

[انا المستحيل]

الله يسر لنا يارب

[بنت تبوك]

صباح الخير
مشاعل اللي معك هذا طلق لازم تروحي للطوارئ تشوفي كم فاتح وتسوي تخطيط للطلق .. قبل ماتروحي خوذي دوش دافي ودهني بطنك بزيت وحبة البركه وكلي رطب قبل ماتروحي لاتنسي تطمنيني عنك..

[ام سلطان!]

ميشو سووي الي قلت لك يله تحمسي ماباقي الاكم ساعه ويقوم رجلك ع الاقل ماتروحين المستشفى الا الطلق زاااد

تنقعي بمووويه داااافيه وبعدي رجولك..
بعدها دفي زيت زيتون وحطي عليه حبه سودا ودهني بطنك وظهرك وتدفي
وبعدها امشششششي بشقتك واستغفري
واشربي حليب دافي حليه بعسل ومايمنع تحطين كم عود قرفه واشربيه مع تمرررر
واذا عندك موية زمزم اشربي
وخلي الساعه معك وشوفي الالم كل كمممم

يلااا وادخلي طمنيني*

[ام سلطان!]

اي تذكرت ميشووو لازم تروحين المستشفى
شوفي ام اسكندر ماكانت حاسه بشي بس بالتخطيط معها طلوووق

لوتظطرين تمثلين على زوجك قولي تعبانه مقدر اداوم لازم اروح الطواري
لان هم رجال مايفهمون بهاالامووور

لاتهملين نفسك..بس سوووي الي قلت لك عشان لو طلووق تحمى وماتتعبين

[ام يارا القادمه]

ميشو سوي الي قالت عليه ام سلطان هذا رائي وان شاء الله تكون ولاده وترتاحي ولايهمك احنا خوات بالتجمع نفيد ونستفيد


ان شاء الله تكون ملكتني ملتهيه مع الأولاد



ام سلطان الا بسألك يالبى قليبك بما انك رفيقه مشواري وموعدي صار لنا اسبوع تقريبآ بالتاسع وش الأعراض الي تحسي فيها ولا زيي سكتم بكتم

[بنت تبوك]

مشاعل نسيت اقولك اذا تأكدتي انها ولاده خذي معك علبة رطب حاولي تاكلي منه وانتي بالمستشفى وقت الطلق ترى يفتح الرحم بسرعه عجييييييييبه سبحان الله .. لاتنسي كلامي

[اعز الناس عافوني]

السلام عليكم
صبااح الخير
اخباركم وش مسويين انا من امس جايني اكتئاب موصاحيه بس احد يكلمني ابكي
احس اني مااصلح ام امس الصبح تخيلو قاعده بشرب فاطمه الجلوكوز حق الصفار وهي عطشاانه تبكي وتبكي وبقووهه تلخبطت والرضاعه ماسكرتها زين
وعطيتها اياها شربت شوي وقامت تكح ولارفعت الرضاعه الا ثيابها كلها تغرقتت منهانقهرت من نفسي وقمت ابكي ومنها جاني شعور غريب احس مكتومه واحسها مسكينه طاحت بام مثلي هبله ماتفهم المشكله اني مااعرف اتصرف معها كيلوين بس وارتبك لاجيت اغير لها هالشي يضايقني
ابي شي يخفف حساسيتي وربي انااكتب الحين ودموعي تنزل بدون احس ولو اكمل ببكي اكثر واكثر ><'

اعذوني مقدر اقرأ شي حتى الامس ماقريت الصفحات مامداني بس اكيد بيجي يوم اقراهها كلها *