تجمع حوامل المدينة المنورة

[حبيبة أولادها]

السلام عليكم حبيباتي

كيفكم وكيف الحمل معاكم

احترت وين اكون بتجمع ثلاثه اشهر او هنا

فقلت اكتب حبه هنا حبة هناك :)

اللي بتسأل عن نجوى والله العظيم قدام عيني كنت اراجع عندها ودخلت وحده

وكانت باين من شكلها غلبانه يعني يمكن من قرى المدينه

المهم قالت لها الابرة اللي عطيتيني اياها امس

سببت لي نزيف ورحت للمستوصف قالت خلاص الجنين مافيه نبض !!!!!


تخيلو بكل برود ردت ... طيب انتي دلوئتي عاوزني اعمل ايه

ما تروحي تعملي تنظيف !!!!

ياويلي حسيت قلبي تقطع عليها

وطلعت من عندها ولا عاد رجعت لها


القمر اللي تدور ملابس حمل نعومه .. فيه بالحسن مول محلين مررره روعه

فوق بس ناسيه اسمها

الله يتمم لي ولكم على خير

[بكريه خايفه]

سلاآآآآآآآآآآآآم كروشاااات المدينه الله يسهل عليكم وعلي
بنات انا دخلت الاسبووع الثاااني من التآآآآآسع والدكتوره حددت موعد ولادتي 27 رمضان وانا مااحس بااي اعراض ولاده ولا شيء حتى تقلصااات ماافي شسووووووووي انا طفشت وربي حاااسه اني رااح ادخل العااشر وارووح امشي كل يووم بسااعه والسااعتين وكماان ولا شيء
صح بنآآآآآآآآآت صحيح انو الدكتوره تدخل يدها في الشهر التااسع انا رووحت مووعدين مادخلت يدها خاايفه تدخل يدهاا لا لا مستتتتتتتتتتتحيل والله امووت ؟؟

[آلاء]

يا الله يا بكرية
انا كنت مو خايفة بس انتي هلأ خوفتيني
انا كمان بكرية
بس ان شاء الله المجربين بيساعدوكي

[دف القمر]

سلامووو حبايبي وتسلمووووولي وتسلم عيون الي ساعدتني
انا بجرب العقالي .
اما الي مااجاتها تقلصات الحمل بقولك انا ماجاتني التقلصات الا في يوم الولادة ومااعمرهم كشفولي من تحت الا يوم جاء الالم عشان يشوفو كم سنتي فتح الرحم
اما غيرررو مسسسسسسسسسسسستحيل وجات على الكشف يعني كيف تبغي تولدي مابخوفك هههههههههههههههه .
سلامتكم الله يتمم الحمل لكل حامل ويسهل ولادة كل حامل

[دلع]

فراشة حساسه
راح تتعبي لانو عندنا فـ المدينه مافي محلات للحوامل تشرفك قدام الناس
انا اشتريت ملابسي من محل فـ جده فـ سوق الحجاز ملابسه روعه اذا تعرفي احد فـ جده وصيه يشتريلك ويرسلها لك...

ام الجودي
ليش ماتبغي منال اسمع عنها انها مره شاطره ..

دودي نورتي
حبيبة اولادها نورتي طلي علينا وطلي على التجمع الثاني بس لاتقطعينا

بكرية خايفه
العاده واغلب البكريات ياخذوا اسبوعين من العاشر..انصحك بالجماع يساعد على فتح الرحم لو كم سم بس عشان ماتتعبي من الطلق الصناعي...والفحص النسائي مايخوف انتي بس خذي نفس واسترخي ماراح تولدي بدون فحص ..

الاء
لااحد يخوفك وفري الخوف للطلق والولاده والخياطه...

[ملكة المشاعر]

دلع وحشتيني

فينك من زمان ها ولدي ولالسع

[ملكة المشاعر]

في ملابس حمل عند بنتون نيو لوك ستي ماكس ماماز وباباز في النور

بس انا لمن كنت حامل كنت اخد ملابس عاديه بس اكبر من مقاسي وكانت تطلع روعه بزات البلايز الي تكون انبير تستفيد منها الحامل والي مي حامل

[دلع]

اهلين حبيبتي ملكة المشاعر
والله وحشتك اكبر مشتااااااااقه لك وللبنات اللي اختفوا...
انا دحين فـ الاسبوع الثاني من التاسع وطفشااااااااااانه عالاخر الاسبوع اللي فات طلبت من الدكتوره تعطيني طلق صناعي ابغى ارتاح وقالت لي تعالي بعد اسبوع واذا لقيت الرحم متهيء للولاده اعطيك الطلق..والمفروض اروح اليوم بس زوجي طلع له مشوار ضروري واجلت موعدي لبكرا وان شالله اخبرك ايش يصير معاي..

انتي كيف رمضان معاك ومع البيبي؟؟وهذا اول رمضان يمر عليك مع بيبي صح؟؟

[ملكة المشاعر]

صح اول رمضان ومعايا البيبي يااااااااا دلـــــع

والله مررررررررررررره حـــوسه معــــاهـ بس خـــلى حيـــاتي مررررررهـ حلوهـ

يمكن اتــــأجلة روحـــتك خيره من عند ربنـــا اهم شي انتبهي على نــــفسك

ربنـــا يــــقوك بي الســـلامه انتي وكل حـــاااااااامل يارب ...

[بذخ~]

مرحبا حبايبي ~
ايش عاملين ؟
ملابس الحمل في عند اتش اند إم وفي عند ستي ماكس كمان
وممكن زي ما قالو البنات البلايز الامبير العادية تطلع برضو حلوة ..
انا نفسي بفستان يكون لزوز للعيد بس مني لاقيه اللي في بالي .. /: