تجمع الحوامل اللي ولادتهم في صفر 1434هِ

[ملكتني بهمسك]

المشاركة الأصلية كتبت بواسطة مهرة

كيف حركه البيببي معك

تمام الحمدالله اوقات مع الصوم ما احس فيه لين افطر بعدها يتحرك وماعاد احس فيه الا بعد السحور وكذا يعني

[ملكتني بهمسك]

المشاركة الأصلية كتبت بواسطة maesooo

اهلين بنات كروشات
شخباركم اشوف هذره واجد اليوم .... اهلين بالحوامل الجدد مراحب فيكم
انا مقرره من زمان اذا بجيب ولد يا محمد يا عبدالله على اسم ابوي
والله انا احس الولاده في الحر احسن عشان الخياط بسرعه يطيب
ومن جد احس ودي اغمض وافتح واشوف نفسي والد
الله اجمل شعور
انا احس باقي واجد لانه مابعد يبدا الدوام واحسب اني اني بولد مع نهاية السمستر الاول

بالنسبه للكريم حق التشققات انا استخدمت كريم اسمه افالون
ريحته حلوه استخدمته في حملي الاول والحين بديت استخدمه

ياهلا وغلا بك يا الغاليه -- كلنا بخير انتي اخبارك ؟ ---- مين قال انو الحر تطيب بسرعه انا مجربه الولاده بحر والولاده ببرد وبكذا طفل مو واحد --- يلاه انشاءالله تعدي الايام بسرعه --- كريم افالون لونه برتقالي صح

[اروي يقيني]

ملكتني بهمسك

هلا حبيبتي انا لان ولدت اللعام في الشتا وولدي مات الله يرحمه واختي ولدت بالصيف

انا الخياطة. خلصت الاربعين ولاطاب

بس اختي طابت قبل ماتخلص الاربعين

الله يقومنا بالسلامه


انا تنومت بالمستشفى لان اول شي كان دمي موصل ثمانيه وبعدين وصل ستة وانا بالمستشفى

قالو لي ضروري احد يتبرع لج دم

وقمت اكل كيوي وبرتقال على طول وانا بالمستشفى وأخذ حبوب. مرتين في اليوم
الحديد الاحمر الحبه الكبيره

والحمدلله الله ماخيبني ارتفع دمي لتسعه وقالو لي خلاص ماحتاج دم وانا ماكنت موافقه من البدايه بنقل الدم

الحمدلله على كل حال

اتمنى بعد هالتعب اشوف جنيني بحضني ياررب
يارب عوضني خير


مهرة

الحركة وايد زينه ترفس وبقوووووه هههههه

أميرة الورد

انا بحرينيه مب كويتيه

هههههههً


الا زينب وين ماشوفها

[رتوله]

صباح الورد
كيفكم كروشات

[ملكتني بهمسك]

اروى الله يرحمه ويجعله شفيع لك والله يعوضك ويتمم حملك وتشوفيه بحضنك يارب العالمين -- ممكن سؤال ايش سبب الوفاه انا صديقتي التف الحبل السري على بنتها ربي يعوضها --- حتى انا دمي ناقص بس ما سالتها كم بس باخذ بكلامك وباكل كل يوم كيوي وبرتقال لان راسي مرره سار يوجعني -- انا استخدم حبوب حديد اشتريتها من الصيدليه اسمها فروز

[ملكتني بهمسك]

رتوله صباح الخير

[اروي يقيني]

ملكتني بهمسك

كان السب من الشهر السابع قل ماء الجنين

لما انعدم بالمره على نهاية السابع اثر على نموه ماكتملت الرئه وكان عنده بس كلية وحده ومتكيسه


وقالو لي بيموت في بطنج وبعدين بنولدج قيصري

والحمدلله كمل للتاسع وكانو مستغربين شلون عاش الى التاسع واهما يدورون على نقطة ماي مافي

وبعدين ياني طلق ورحت ولدت طبيعي الحمدلله بس عاش يوم واحد وتوفى


والله يعوضني يارب هالمره خير


اي كلي كيوي وبرتقال وجرجير وايد وايد زين

انا أخذت من المستشفى حبوب حديد حبه حمرا كبيره

بس وايد استفدت منه

[ياهم ربي كبير]

السلام عليكم يا حلووووات
يووووووو انام واصحى ولاقي سوالف وااااااايد ، يا هلا بالربع منورين اللي كانو غايبين والجدد :)
شخباركم يالكروشات ، مثل ماقالت مهرة كل وحدة صارلها كرشة قدامها الحين ولقب كروشة يليق عليها خخخخخخخخ

الا تعالو انتو الخياطة اللي تتكلمون عنها هي خياطة الرحم ولا خياطة تحت ، لاني اشوفكم كلكم تذكرون كلمة خياطة خخخخخخخخ
ولا كلكم جايبين عيالكم بالقيصري ؟ مادري فهموني وماتستغربو على جهلي عادي بكرية

الله يعوضك خير اروي وتشوفي جنينك بيدينك معافى وسليم
وع سالفة نقص الدم انا طول حياتي عندي نقص دم ، بس في الحمل دمي صار زين
لاني اكل بالريق بيضتين مسلوقة وحبة طماطم مقطعه مع عصير برتفال فريش ، صار روتين على طول اكل نفس الوجبة
لين قاست الدكتورة دمي وشافت انه تمام :) جربوها

[ياهم ربي كبير]

صحيح ، بيجيلنا ضيوف بعد شوي ، بنت خالتي وعيالها وأختي وابن بنت خالتي ثانية ، بيتمون معانا اسبوع او لنهاية رمضان
لازم اذلف واساعد الوالدة بترتيب البيت

بدخل ان شاء الله ع المغرب ، او لو خلصت بجي اشيك عليكم :)

[ياهم ربي كبير]

للحين ماجو الضيوف بس هما بالطريق

حبيت اسألكم بنات
عادي لو الجنين كان راسه تحت ورجوله فوق بهالشهر من الحمل ؟!؟!؟!!!

لان في السونار الماضي (قبل اسبوع تقريبا) كان الجنين راسه للتحت ، اسفل الرحم
هل هالشيء عادي ولا مو زين ؟
عندي سونار ثاني باجر عشان السونار الماضي ماقدرت تقيس راسه بسبب وضعه