تجمع حوامل ليبيا

[ميراس]

يقونة ماتقوليش هكي انا سالت عليك وعلي وليد خوك وارجعي اقري الصفحات السابقة وبعدين طلعت نعرفك ولا لا مش مهم بالعكس يكفي انك ورفلية ياحلوة وانا اكتر من مرة طلبت انك تكلميني وانت ماخاطركش فا انا معاش طلبت منك تفاديا للاحراج باهي يابنت سيدي

[عيون زوجي]

السلام عليكم ورحمة الله
أم روفيده..........كيف حالك انتي ياغاليه وحال حزومي وربي يباركلك فيه وبالصحه اعليه طهارته وسلمك نشاده يا احبيبه
ميمونه.....كيف حالك توا ان شاءالله طهور وانا فعلا درت طاجين اصغير ودرتها زيك بالزبط حليب كورنيش
محمد طهرته في قلب الاحداث يوم 2/6/2011 ايام القصف والرعب الله لا يعيدهاوالحمدلله مع انه كبير وفاخم ماشاءالله اعليه ماتعبنيش بكل الليله الاولى فقط وبعدين عادي
يقين.......كيف حالك وحال فروتي ووين التورته يلي باديريها اليوم وانا ننصحك اتجربي كيك الكراميل ساهل جدا وناعم ويذوب في الفم وعندكم صقع هلبه زينا في مصر ولا لا
أم روفيدة....حاشاك انا صغاري يكحوا لين يرجعوا من هالصقع حاجتي كلها ملبزة وتبي الغسل زوز سجادات وسله الغسيل كل يوم للسقف وربي يعين ويحفظلك انتي وليدك انتم صقعكم اكثر واصعب مننا قداش درجة الحرارة عندكم وصب الثلج ولا مازال
ميراس.......كيف حالك وحال وليداتك وشنو صار في رجلك باهيه توا ولا مازلتي اتكدعي

[عيون زوجي]

انا الليله مشغوله اشوي لان حماتي جابت اليوم الصبح ابنيه عقبال كل وحدة متمنيه يارب وروحت العصر عند حوش امها نمشي ونجي اعليهم انعول اعليها

[عيون زوجي]

حماتي اليوم سمعت من نساوين في الطبي انه منحق كل طفل 100 دينار كل شهر لين يولي عمره 3سنوات من الضمان ويكون مواليده من 2007 واقل صح الخبر ولا اشاعه
انا بنتي وولدي ما خذيتش فيهم حتى 100 الهديه لتوا مش عارفه ان كان التغت ولا لا

[زهرة2000]

السلام عليكم

[أم سعد]

السلام عليكم ورحمة الله وبركاته

:)

[عيون زوجي]

وعليكم السلام وينكم وينكم
زهرة كيف حالك ووين هالغيبه؟
ام سعد كيف حالك وحال سعد وان شاءالله المانع خير؟

[عيون زوجي]

زهــــــــــــــــــــــــــــــــــــــــــــــــ ــــــــره؟
أم سعــــــــــــــــــــــــــــــــــــــــــد؟

[أم سعد]

أهلين عيون

كيف حالك وكيف حال الصغار وبوهم ؟؟؟؟

وألف مبروك على حماتك ... وعقبال عندك في توأم إن شاء الله :)

أنا والله في البداية انقطع النت مني وبعدين لهيت في عرس خوي اللي كان يوم السبت اللي فات الدخول والمحضر يوم الأحد

وتوا اقامة في الحوش ونرتب في أموري الوقت قرب ومازال حوشي ماكمل :(

[عيون زوجي]

الحمدلله اطمنت اتصدقي خفت اتكون صارت حاجه للوالد ربي يحفظه لانك اخر مرة قلتي مسافره مع اماليك والحمدلله انهم في خيررررر
والف مبروك على اوخيك وعقبال سعودي
احنا الحمدلله كفشانين في هالصقع وخلاص
وانتي حوشك لوين وصلتي فيه؟
وامتى موعدك؟
وقالولك بنت صح؟