دردشة بنات فلسطين, دردشة حوامل فلسطين, تجمع بنات فلسطين

[~{{ DoDo }}~]

امممم عسولة سلامتك من اللعية
كلي اشي مالح

رجلي بيوجعوني :(( وبينمنموني

[عسولة فلسطين]

الله يسلمك يارب
والله أكلت من شوي قسماط مملح
وهيني بشرب مرامية قاعدة الله يرضى عليه زوجي عملي اياها
وغريبة اول مرة ما يحيرني بالأكل طلب مني أعمله قريدس

[لولو الفلسطينية]

ههههه
يسعد مساكم دودو و عسولة
لا انا زوجي لسا ما نام *** قاعد بدرس لأنه بحضر ارسالة الماجستير و كلها شهرين تلاتة و بكمل ان شاء الله
عسولة سلامتك يا قمر و انا هيني قاعدة و برضو بتصفح بالمطبخ الخليلي على الفيس ههههه
و مش جايني نوم كالعادة طبعا هههه

[~{{ DoDo }}~]

الله يخليلك اياه يارب
هم هيك الرجال بتيجي عليهم اوقات هنيين
وما بيغلبوا وبتحسيهم مسالمين
ومرات بيحيروا ههههه الله يخليلنا اياهم نتحملهم ويتحملونا

[عسولة فلسطين]

هههههههههه يا عيني لو انك عندي يا دودو لأمسكك من رجليكي وأضحكك
يللا بيعين الله ربنا يهونها عليكم يارب ويتمم على خير

[~{{ DoDo }}~]

لولو
الله يوفقه زوجك
والله انا زوجي صرله فترة بدو يبلش التاني بالماجستير
بس هون في دبي كتير غالي ، انا بضل اقلله مهل شوي
عشان الواحد ما يزنق حاله ، وهو كمان حرام ما بدو يحمل حاله فوق طاقته
انشالله شي يوم يبلش ويكمل ماجستير

امممممم مش عارفة شو اعمل اكل بكرا

[عسولة فلسطين]

آمين يارب
هو غالبا بس أقوله ايش أطبخلك بيقولي اللي بدك اياه.. اللي نفسك فيه بأنفري وأنا ساعتها بكون قرفانة الاكل ومش جاي عبالي شي... بس منيح انه طلب ^_^ بأقليله بكرة وبأعمله صيادية روبيان لذيذة بتطلع يمي يمي مين بده ^_^

يللا الله يوفقه يا لولو انا زوجي من شوي قعد ع التلفزيون شافني مش منيحة شوي ياويلي قعد جنبي حاسة حالي احسن>>> بتحسن بشوفته
والله هاتي رابط المطبخ الخليلي خليني اتصفحه
أنا مسجلة بالنابلس وبطبخات الشام>>>>>عاد اللي بيسمع بيفزع بيقولك هاي معدلة وأنا كل شي بعمله بضل أسأل امي ههههه

[لولو الفلسطينية]

تسلمي دودو عقبال عندك و عند زوجك ان شاء الله
و الله الاكل شي بخير
انا شكلي بكرة مش رح اعمل شي
ههههه زوجي بضل يحكيلي اكتر سؤالين بكرهم في الدنيا هم : شو البس ؟ و شو اطبخ ؟؟

[~{{ DoDo }}~]

عسوووولة
صحتين انا كتير بحبه الجمبري
بس زوجي ما كتير صحبة معه
بعمله من وقت للتاني زبدية بالفرن هههه شهتيني
الله يخليلك اياه يارب ، دايما لما يكونوا حولينا بنحس حالنا احسن
ضغوط الحياة بتخليكي دايما محتاجة للامان سبحان الله

[~{{ DoDo }}~]

هههههههه
لولو زوجك متل زوجي
بنضل نتخانق على هالسؤال
بالاخر ما بستفيد منه شي وبعمل اللي براسي
هههههه اخر شي كنت اتوقعه انه لما تزوج احتار بالطبخ