ديوانية البحرين - دردشة حوامل البحرين - البحرينيات

[شمس الصباح]

السلااااااام على اجمل خوات ما حملهم بطن امي وجمعتني بهم هالدنيا

طف طوووووف مشكورة يا عيوني صرتي دليل للبنات ولو علي جان ضيعت الكل فشكرا لكي

احلام ام ام هنووووووي العسل مشكورة على كلامش الحلو وسامحيني خليت عندش ملاك وانتين هبابش على هنووي

روز ام بنين مشكورة على الطبق واولادي وزوجي قضو عليه في نفس الليلة وشكرا لانش ساعتيني مع انش في الآربعين مو زين لج مشكورة

ام خليل استانست وايد ان تعرفت عليش وعلى خلي النشيط صدق على ما قلتين داهشني الله يساعدش

حنووووون شكرا على الحضور واني حجزت علاوي الي بنتي بس خليه يجمع مهر من الحين

حبيبة حسوني يا الناعمة فرحت لما قالو بتجين وسامحيني لان راسي كلش كان مجيم وجيت بضيعكم
حزينة وان شاء الله قريبا تغيرين اسمج الي فروحة يا رب نتلاقي مرة ثانية ما قعدت وياش وايد جيتين على اخر اللحظات

ام السادة اول الحضور سررت جدا بمعرفتش يا الطيبة وسامحيني لان البقلاوة اللي جبتينه ما حطيتها نسيت بعد ما مشيتون ولدي يقول ماما اكو كيس فوق الكرسي الا يطلع كيس حلاوة وتذكرت بعد فوات الأوان وما عطيتش غير استاكنة شاي ونسيت انش مدمنة شاي

طبعا شكري لكم كلكم على حضوركم وعلى الحلو ادري مشترينه تخافون تاكلوني من ايدكم عن لا اعيب بس مو مشكلة .. وروز تسلم ايدش على الحلو

في ذكريااااات وايد في مخي صور لا تمحي من ضمن الصورة لما صفينا اليهال علشان التصوير وألتمتون على اليهال كان شكلكم روعة وكان افضل صورة التقطتها عيني وخزنتها في ذاكرة مخي اسعدت كثيرا بلقائكم وتشرفت بمعرفتكم واتمنى ان ما يكون هذا اخر لقاء ويصير تواصل ما بينا ربي يجمعنا على الخير

اروي يقيني توقعتش اول الحضور ولكن تقدرين تزوريني في اي وقت مو لازم تجمع لان بعد ما تكلمت معاج صار خاطري ان اتعرفش عليش يالله شوفي لج يوم يناسبش وتعالي

فتوووت كان خاطري اشوفش وبخصوص التجمع فكرت اني أاجله ولكن كانت عندي الف فكرة وفكرة قلت لو اجلته هل راح تجين احتمال ما يناسبش الوقت ولا اليوم وفوق هذا لو اجلته ما ادري بالأوضاع ويش يصير واحنا كان خاطرنااااااان من زمان ان نلتقى والسبب الثالث يوم الآحد يناسبني وايد وخصوصا ان بيصيدني شغل واحتاج احد معاي فزوجي يوم السبت في البيت وما راح يقصر معاي بس بعدنا فيها فتوت حياش انتين واروي يقني شوفي متى يناسبش وتعالي ولا تحطين في خاطرش

بااااقي البنات ما زال بيتي مفتوح وقلبي قبل بيتي في اي وقت بغيتون تشوفوني وتتعرفون علي فاني موجودة وقلبي مفتوح للكل ربي يجمعنا دائما على الخير

ما اعرف ويش اكتب اكثر وشكلي هدرت وايد ولكن لدي من الكلام الكثير والكثير وفي النهاية وبالعامية فرحتوني وااااايد واستانست أبكم يا الطيبين وسامحوني على القصور

[شمس الصباح]

نسيت اشخاص من خلف الكواليس ساعدوني ما قدمت لهم الشكر

شكرا قسوم يا نور العين على المساعدة البسيطة ولكن اعلم يا ولدي كان الي مساعدتكم اكبر فائدة

يووسف شمعة شبابي ربي يحفظك شكرا وان شاء الله اليوم اوفي بوعدي

الي قلبي وعشقي وشريك حياتي والي بسمة حياااتي زوجي ابو يوسف الشكر ثم الشكر لك على المساعدة ما قصرت والله اني متفشلة منك ربي يحفظك لي ويخليك

ربي يخليكم ويحفظكم من العين ويحرسكم لي دائما

شكرا لك

[أحلام أم]

مساكم الله بالخير ياوجوه الخير
طفطف
مشكورة حبيبتي على الباقة وصدق لوزين ساكنين في مجمع سكني كلكم جيراني إنجان من بيت وحدة لوحدة خخخخخخخ وقلوبنه ماعرفت تحمل هموم الزمن وتدرون معرفتنه ببعض وتواصلنه وتجمعنه رحمه من رب العالميين لقلوبنه المهمومه خصوصا في ظل هالوقت والضروف فكل وحدة منه بلسم لهم الثانية ربي يخليكم ويخليني ليكم وربي يدووم أواصر المحبة والتواصل ولا نفترق بشر بحق محمد وآله
روز
مشكورة على الإطراء ،ومايحتاج أنعتش يأم بنين دخلتين القلب من طيبش ومحياش وإنظمت بطلتش علينه صورة إلى ألبوم أحبابي لصقت روحها بروحها بجنب باقي الصور مثل مالصقت صور باقي البنات بروحهم
شمس
أفا يأم يوسف لا تعبتيني ولا شي ملاك وردة بيتكم ماتنمل شوفة ضحكتها ربي يدوومها أشوى صورتها تحت هنوووي علشان ولدي يشوفها لين منعتينه عن شوفتها هههههههههههههههههههه
ربي يحفظ لش أبو يوسف ويدووم ظله عليكم طول العمروتثمروون وتعمروون في البيت السعيد ويبعد الحساد عنكم
ويااااارب التجمع الثاني في بيتي بس لاتخجلووني وتجوون ناقصين أمبيكم كاملين والكامل الله ياارب نتلاقى في أحلى الأيام وأسعدها

[شمس الصباح]

يؤؤؤؤ احلام ام تصدقين مع عندي صورة لملاك مع ربعها طرشيهم لي

هذة صورة التجمع واسفة لان الصورة مو واضحة لان ملاك اصرت تشاركني التصوير حتى ارجولي وارجولها طلعت ههههههه











وهذة صورة جزء من الأكل بعد ما شبعنا لاني نسيت اصور من البداية



وهذة باقة من عند حزينة مشكورة على الباقة اكي حطيتها قدامي لاني احب الورد



باااااقي البنات اعطوني ايملاتكم علشان اطرش لكم الصورة وانتون بعد اعطوني صور لاني ما صورت وايد

[تربة القمر]

ماشاءالله مبينة جمعتكم حليوة عليكم بالعافية

[ام احلى قمر]

ماشاءالله عليكم بألف عافية على التجمع وانشاء الله
المرة القادمة اني أول الحضور

[ام احلى قمر]

مأجَوريينَ يآ شعيةَ ..
مُصاب اليومَ توديعَه ..!
رهينَ السجنَ مسمومَ قوموَ لتوديعهَ..!
ونصبو العزاَ في المأتَم ولطَمو الخدَ يا شيعهَ..
ونصيحَ ليكَ بعآليَ الصوتَ يا مسمومَ .تفرجَ عن اليَ بسجونَ..!

[الفتاة الذهبية]

حزينة
هههه تشكين مثلا قلبي يطاوعني اترك خواتي
الي ما جابتهم امي جذي بهاذي السهولة
لا يا حبيبتي انا احبكم واموت فيكم بس انا كنت ابي اجوف ردت
فعل شموسة خلف جبدي

روز
انااا اتغشمر مع شموسة يالغلا
بس ردش عليي جدا قاسي فديتش اني هع

احلام ام
صح لشانج خيتوو حلوو الكلام

شموووسة بعد عمري
انا اتغشمر معاج ياقلبوووو
كنت بس ابي اجوفج شتقولين

مأجورين

[Rose Bh]

عليكم بالف عااافية

انشاءالله الجمعة الياية انضم لكم عااد سووها اذا ولدت << عبارة بتروحون بولادكم خخخخخ

و بالمرة عشان بيبينا يتعرف على اصككاء (اصدقاء) كثيرين :)

[فلونة]

سلام عليكم... شخبارركم؟؟
نعزي صاحب العصر والزمان والامة الاسلامية بإستشهاد الامام موسى الكاظم (ع) ... مأجورين خواتي


احلامي.. ماتقصرين حبيبتي ماميش احد استفقدني في هالجمعة الحلووة الاا ام علي الغالية وان شاء الله التقي فيكم في القريب العاجل ونتعرف عليكم ..


فتوووت.. الحمدلله على السلامة وانطر دشداشة بنيتي :P

طفلووو.. قال بشة قال انا ما بقول ام السنافر علشان اهيأ نفسي المرة الجاية اذا تجمعنا ان شاء الله اقوول ام زينب وماقولها في الويه ام السنافر


شمووسة ،، صار خاطري في العصير مادري الشربت الوردي مع انكم ما ذكروووتووني انا كنت ابي امركم بس مترددة خيرها في غيرها معليه المرة الجاية ان شاء الله تمروني في شقتي المتواضعة عاد تتحملون ثلاثة طابق .. ويعطيش العافية على هالضيافة الي ماحضرناها وخسرنا جوفتكم

حنووون .. من امس ما لها بيااان

بكمل ردي بعدين وردتي تناديني /