تجمع حبيباتي الكروشات اللي راح يولدون بشعبان

[عشقي الاطفال]

نسمة بحر تبغي دمك يزيد ويوصل ل12 باسبوع واحد

جيبي زبيب يمني الزبيب الاسود تعرفيه ؟؟ واعمليه عصير واعصري معاه برتقال كمان

انا زيك معايا فقر دم اليوم عرفت بس امشي دقيقتين اشوف الدنيا قودامي سودا وتدوور واحس بيغمى عليا اتمسك بزوجي اقولو الحقني

ولما حللت طلع الدم نازل

ومانسى عمتي بالشهر التاسع والدم عندها 7 وكانت طايحة بالزبيب الاسود (الزبيب اليمني ) ب10 ايام رجع دمها طبيعي وباذن الله من بكرا ببدا فيه

ااقلك كيف تعمليه

غسليه مزبوط مرره

ونقعيه بجك الخلاط طبعا بمويا حاره يووم كاامل او 12 اعه 15 ساعه

المهم بعد ماتنقعيه اخلطيه بالخلاط بمويتو اللي نقعتيه فيها

بعد ماتخلطيه حيسير لونو عوودي وفيه زي القطع كتيره

اجلسي الله يعينك وصفيه بصفايه

القطع ارميها

والعصير حطي معاه عصير برتقالتين وخليه بالتلاجة يبرد شويا

واشربي اشربي على قد ماتقدري

طعمو اول مره ماتتقبليه بس بعد كدا عادي زي الكجراتي

مرره يزيد الدم

هوا صح يطفش وشغلانه

بس اللي يبغا الدح مايقول اح

لازم نتعب لعيون اطفالنا يارب فرحنا بشووفتهم

[عشقي الاطفال]

بنااات يلا سار دووري اسئلكم

مررره مرره مااحس بحرركة ايش اسوي

نفسي احس فيها صح الحمدالله تطمنت عليها بالسونار بس الدكاتره يقولولي لازم تحسي بالحركة

وبجد مرره خاايفة طبيعي ولا لا

معقولة بطني ضاقت عليها ؟؟ انا بطني صغيره ماحس اني يومين وادخل التامن ..

كيف الحركة معاكم زيي ولا لا يعني مااحس فيها طبيعي ولا لا

الشهر السادي بطني كانت تنقز نقز دحين ماافي شيء ابدا

[سفن بارد]

هلاوغلا ياعشقي للاطفال

ياحبيبتي لاتخافين والله انا مثلك بالضبط في السادس احس بالحركه واخر السابع ودخلت الثامن مااحس باي حركه بس متستودعته ربي والله انا مثلك بالضبط صرت اهوجس

[اشوشه]

بنات ايش هذا .. احس رجولي ويديني متنفخه شوي احسها بتنفجر لما اجلس لشهادتين في الصلاه .. احد معاه هالحاله ؟؟

وصايره ثقييييله .. واشسمه وزني زاد 11 كيلو .. ؟؟ عادي ولا احاسب شوي بالاكل واخفف ..؟؟ وكمان ابدا امشي من الحين ولا ع التاسع امشي ..؟؟
اول حمل ليه وماني عارفه .. افيدووووني .. لاهنتوا ..
انا بالاسبوع الاول من الثامن

[~* عبق الأنوثة *~]

صبآح الخير كروشآت ..
كيفكم اليوم طيبين ..؟

المشاركة الأصلية كتبت بواسطة اشوشه

بنات ايش هذا .. احس رجولي ويديني متنفخه شوي احسها بتنفجر لما اجلس لشهادتين في الصلاه .. احد معاه هالحاله ؟؟

وصايره ثقييييله .. واشسمه وزني زاد 11 كيلو .. ؟؟ عادي ولا احاسب شوي بالاكل واخفف ..؟؟ وكمان ابدا امشي من الحين ولا ع التاسع امشي ..؟؟
اول حمل ليه وماني عارفه .. افيدووووني .. لاهنتوا ..
انا بالاسبوع الاول من الثامن

التنفخ و الثقل عادي
أنا في حملي الأول انتفخت ايديني و رجولي مثلك
حتى مقاس حذائي زاد من 37الى 40
حتى ماتهنيت في أحذية زواجي اهئ اهئ
و صرت ماأعرف أجلس للتشهد إلا و أنا متربعة
بس لاتكثري ملح لآنه هو اللي يسبب احتباس الماء داخل الجسم
و لاتكثري جلسة على الكراسي
يعني لاتجلسي أكثر من ساعة
كل بين ساعة و ساعة تمشي
و الزيادة في الوزن تختلف من وحدة لوحدة
بس المفروض ماتتعدى 13 كيلو تقريبآ
عشان ماتتعبي بعد الولادة ليرجع وزنك مثل ماهو
أنا جبت العيد في وزني
تقريبآ زدت أكتر من 20 كيلو
و المشي عادي إذا مشيتي من الآن كل يوم نص ساعة أفضل

المشاركة الأصلية كتبت بواسطة عشقي الاطفال

بنااات يلا سار دووري اسئلكم

مررره مرره مااحس بحرركة ايش اسوي

نفسي احس فيها صح الحمدالله تطمنت عليها بالسونار بس الدكاتره يقولولي لازم تحسي بالحركة

وبجد مرره خاايفة طبيعي ولا لا

معقولة بطني ضاقت عليها ؟؟ انا بطني صغيره ماحس اني يومين وادخل التامن ..

كيف الحركة معاكم زيي ولا لا يعني مااحس فيها طبيعي ولا لا

الشهر السادي بطني كانت تنقز نقز دحين ماافي شيء ابدا

لازم تحسي على الاقل 10 حركات باليوم
بس مثل ماقالت سفونة استودعيه ربك يحفظه

المشاركة الأصلية كتبت بواسطة نسمة بحر

كيفكم كروشات ان شاء الله بخير مس يويو ربي معكي وان شاء الله أبيبي ما يكون فيه غير العافيه والله أني ادعيلك الله يفرحك بشوفته
اليوم يكروشات سويت تحليل فقر الدم وطلع النسبه 9ونص كيف اعلي النسبه لأني حبوب الحديد مررررررررررره ثقيل وأكلوا وخايفه ينقوللي دم عند الولادة

عندك الحلبة و الجرجير و السبانخ و الملوخية و الفليفلة و اللحوم الحمراء كثير مفيدة لزيادة الدم

[ام آلچوريے]

سلام فپہ احدددددد

[dndosha]

صباااااااااح الخيييييييييييير

تشكرو والله عالدعاوي الحلوه

ربنا ييسرها ويسهلها عليناااااااااااااا

اول كنت اقول متى اولد دحين اقول ماابغا معا الخوف

هههههههههههههههه

يارب تكون سهله يمكن عشان بكريه ويقولو البكريه تطول وخايفه حتى موضوع الخياطه والحاجات دي بدأت استفسر عنها

لانو ماكنت اعرف اي شي


غير كدا بنااااااااااااات اللي ولدت قبل كدا ابغا اعرف موضوع محرج شويا بالنسبة ليه

ابغا اسألكم من تجربتكم

وقت الولاده الدكتوره تكون مكشفتك مره ولا يحطو شرشف يغطوكي بصراحه الشي دا مره مضايقني الممرضات حيقعدو رايحين

وانا مكشفه حكون .؟

ولا بس الدكتوره اللي تكون واقفه وتشوف وضعك وتغطيكي

طيب وادا احد دخل معاكي سواء زوجك او امك نفس الشي حيشوفوكي فالوضع دا ولا حنكون مغطيين


مره شاغلني الشي دا وكلمت الدكتوره قلتلها لا تكشفيني ضحكت قالتلي حتكوني مغطايا بس مااعرف ماارتحت احس وقت الولاده حيكون شي تاني

من كتر ماسمعت قصص

طمنوني

:)

[na3ooma]

المشاركة الأصلية كتبت بواسطة عشقي الاطفال

بنااات يلا سار دووري اسئلكم

مررره مرره مااحس بحرركة ايش اسوي

نفسي احس فيها صح الحمدالله تطمنت عليها بالسونار بس الدكاتره يقولولي لازم تحسي بالحركة

وبجد مرره خاايفة طبيعي ولا لا

معقولة بطني ضاقت عليها ؟؟ انا بطني صغيره ماحس اني يومين وادخل التامن ..

كيف الحركة معاكم زيي ولا لا يعني مااحس فيها طبيعي ولا لا

الشهر السادي بطني كانت تنقز نقز دحين ماافي شيء ابدا

تعرفي ,, قرأت في كتاب ماذا تتوقعين عندما تكونين حامل عن حركة الاجنة
ومكتوب انها زينا تمام تختلف في طباعها وحركاتها ومزاجها
يعني جنين يكون متعب وحركته كثير , وجنين هادي وينام كثير
ويفترض ان الجنين ابتداء من الشهر السابع ينام ثلاث ارباع وقته !
وحركته قليلة بسبب النوم وبسبب ضيق المكان
انا ما احس بالنونو الا اذا جيت انام لانه يتضايق من حركاتي
لكن طول اليوم ما احس , بعد ماكان مسوي سيرك جوه
اللي احس بيه التحجر والتقلصات الكاذبة مرررره كثرت معايا

امس من كثر التقلصات قلت شكلي حاولد ههههههههههه الله يعين بس

[آوم جومآنا ~]

خخخخخخ انا عندي اومي او زوجي يشوفوني عادي ولا يشوفوني الممرضات هووع

[na3ooma]

المشاركة الأصلية كتبت بواسطة اشوشه

بنات ايش هذا .. احس رجولي ويديني متنفخه شوي احسها بتنفجر لما اجلس لشهادتين في الصلاه .. احد معاه هالحاله ؟؟

وصايره ثقييييله .. واشسمه وزني زاد 11 كيلو .. ؟؟ عادي ولا احاسب شوي بالاكل واخفف ..؟؟ وكمان ابدا امشي من الحين ولا ع التاسع امشي ..؟؟
اول حمل ليه وماني عارفه .. افيدووووني .. لاهنتوا .. Hwaml13
انا بالاسبوع الاول من الثامن

انا بأول حمل مازدت كتير لكن التاني والتالت تخيلي زدت 20 كيلو ! وكنت منفخه بطريقة مو طبيعيه ومقاس دبلتي وخواتمي وحتى الصنادل والشوزات الله يكرمك مافي امل البسهم من السابع
وكله بسبب الاملاح والمخلل اللي تحبس الموية في الجسم
دا الحمل الدكتورة ماشاء الله حريصة وماتحب اللعب والتخبيص ومسكتني مظبووووووووط
وللان مازدت الا 10 كيلو ووزني ثابت بدون مبالغة من السادس الحمدلله ولا اتنفخت ومقاساتي زي ماهي وانا بنص الثامن دحين

يعني ابعدي مررررررررررره عن الملح والمخلل والشطة وانسيهم لغاية وقت الولادة باذن الله.
ولاتسوي دايت زيادتك عادية اذا اكلك طبيعي مو تخبيص اشياء غير مفيدة (( كيكات ومعجنات وشيبسات وبيبسي وحلويات )
والمشي اذا متعودة تمشي امشي واذا مو متعودة اسألي الدكتورة وابدئي بعشرة دقايق في اليوم ولاتزيدي علشان ماتتعبي لحد التاسع وخليها نص ساعه يوميا وكفاية