دردشة بنات فلسطين, دردشة حوامل فلسطين, تجمع بنات فلسطين

[جارة القمر]

حيفا روحي حللي .............لانه جدار الرحم اذا سميك بيكون مهيء للحمل خلص بجد روحي وان شالله حامل



ام عزمي ..............دير بالك ..........ربي سترك ..........

[بينك روز]

هلا حيفا حبيبتي منوره
حبيبتي بالنسبة لسماكة جدار الرحم بدك تشوفي دكتوره شاطره
بنت عمي كانت هيك وتاخرت عليها الدورة شهرين
يمكن انتي متأخرة عليكي لانه جدار الرحم سميك
بنصحك تفحصي وازا مافي حمل تاخدي دواء مشان ينزل الدورة
مشان ما تفوتي في توهمات

[بينك روز]

هلا ام عزمي منوره حبيبتي
والله بالنسبة لسهى الله يكون بعونها
والله بفكر اروح ازورها بس مشغوله كتير
هيه بتكون زوجة خالي
بعدين يا حلوه ديري بالك على حالك مابدنا يسير معك شي
الله يخليكي هانت قربت ولادتك انتي

[حيفا]

هو الدكتور اعطاني دافستون اخده بعد ما تيجي الدورة ب 15 يوم ، اخده لمده 10 ايام وبعد ما تنزل الدورة اللي بعدها ارجعله
بس اخر دورة كانت بـ 26\ 4
ولهلا ما اجت فانا بستنى فيها لاخد الدوفاستون
وقالي ما بده يعطيني شي ينزل الدورة قال ما بده يلعب بهرموناتي وجسمي

ما بعرف انا حاسه انه في شي متغير علي هالشهر بس مو جابه افحص ويطلع مافي شي !

[بينك روز]

ياروحي روحي اطمني على حالك ما بسير هيك
لازم تفحصي وتشوفي شو الي صار معك
مشان ازا مافي حمل تتعالجي وتشوفي شو المشكله عندك بالزبط
مابنفع هيك

[سما الدنيا]

مساء الخير يا صبايا انشالله اتكونو بالف خير...مشتاقه...
حواء كيفك وكيف بنوتك الحلوة..بالنسبة لموضوعك صار عند الجاره بس ما بتعرف وينا بيجهزو لانو كنتها عوش ولادة وملتهية شوي يتخرج ابنها بس حكت بتشد ايدها اد ما تقدر.....
جارة وغموض وبينك وام عزمي وعسوله هلا بيكم...
حيفا ..ان شاء الله بتكوني حامل انا نفس الشي حكتلي الدكتورة انو بطانة الرحم متغيره هادا بدل مرات عتهيئ الرحم ليكون فيو بيبي وانشالله خير....
..المهم لتعرفو شو صار فيه...
ربناستر والحمد لله.......
مبارح كنت غاسلة اغطية التخت ووبالعادة بشريهم برا عالمنشر ومبارح فوتهم ولبستهم للتخت..وكان الولد نايم اجيت ارضعو حامله بحضني..ريتكم ما اتشوفو هالشوفه (عقربه)اصغيره ماشيه عجبينو شلتها بايدي وصرت اصرخ واعيط خفت انو عاملة شي للولد بس الحمد لله ما شالله عليه ربي يحفظو كنها متعلقه عالشرشف ..الحق بس عجوزي هوه فوتو قبل ما يكتو ...الله يحميهم والله الواحد لازم يدير بالو,..

[بينك روز]

هلا سما حبيبتي
الحمد لله على سلامتك انتي وابنك
بس كيف في عقرب بتفوت على البيت هيك
ليه انتو وين ساكنين
يعني في حواش جنبكم ولا شو

[سما الدنيا]

هلا بينك..
انا ساكنة ببير زيت وبيئه جبليه الا يطلع بهالجو الحشرات وطابق ارضي وقدامها اجنينة والمنشر بحطو بره اكيد طالعه عليه ولا كيف بده اتفوت اصلا انا ما بفتح شبك البيت بالمره حتا الباب ما بفتحو الا لنفوت ونطاع منو دايما مسكره عحالي بس انو ما قاتت الا من هيك شغله اكيد

[بينك روز]

اها
لا والله الف الحمد لله على سلامتك
زكرتيني بطفولتي كنت عايشة بالسعودية وكنا دايما نشوف عقارب
الله يحميكم يارب
ديري بالك على حالكم

[سما الدنيا]

الله يسلمك يا ربي ....الله يحمييهم يا رب