.·¤ تجمع الحوامل اللي ولادتهم في محرم¤·.

[مامة اولادي]

meska يا رب يعطيك الي تتمنيه انتي وزوجك ويعطيك الحلقه التامه وساعة السلامه قولي امين
حتى انا متحمسه اعرف وعندي احساس بنت وربك كريم كلها ايام ونعرف ان شاء الله

[مامة اولادي]

chems doha حتى انا في البدايه كانو يقولولي بنت بس دحين غيرو رايهم وصارو يقولولي ولد وحيروني معاهم خلاص هانت حبيبتي كلها فتره بسيطه ونعرف ونجي نبشر بعض
واهم شي زي ما قلتي ربنا يقومنا بالسلامه احنا ونونواتنا

[مامة اولادي]

ام ليان دشتي حركة الانبوبه دي كريهه مره اخس شي اذا الواحد قام يطبخ ويلاقي انبوبة الغاز فاضيه وتخيلي لو كنتي في وسط الطبخه وتخلص الانبوبه والله تكرهي عمرك انا عندي انبوبتين يعني المفروض وحده تفضى التانيه تكون مليانه بس زوجي ما في اكسل منه الله يسامحه يستنى اجد ما يفضو الاتنين
وبالنسبه للافرازات انا كمان كدا وبالذات في حملي دا الي قبله ما كنت كدا بس ان شاء الله طبيعي بس للاطمئنان اذا رحتي مراجعه شيكي على الموضوع وان شاء الله ما فينا الا العافيه

[مامة اولادي]

روح الورد الف مبروك دخولك الخامس وعقبال التاسع يا رب
ويالله عقبال ما تروحي زيارتك وتشوفي البيبي حتى انا مره متحمسه من زمان ما شفت البيبي وان شاء الله تعرفي نوعه وانا كمان وكل الي ما عرفوا

[مامة اولادي]

نبعة الحب الف سلامه عليك ما تشوفي وترى كل دوله ولها عيوبها
زعلت على طهو اولادك والله حرام احسن شي طهور الطفل وهو صغير ما يحس وما يتعبك طيب ما تقدري تطلعي بلده قريبه منك وتطهري النونو الجديد يعني مثلا انا لما كنت في بريطانيا كانت فرنسا قريبه مننا وفي بريطانيا كانو يسوو طهور ومن بدري ما ادري ليش المانيا كدا
وحبيبتي لا نزعلي شوفي انا وmeska لسه معاك في الرابع واكيد في كمان غيرنا يعني انتي مو لوحدك احنا معاك بس اهم شي ما تسيبينا

[مامة اولادي]

عيش الحياه يا مرحبا فيك
والله وانتي الصادقه البطن اول ما تولدي تكون مرعبه بس بعدين تتحسن وهي اكتر شي يصيؤ فيها تشققات اول بيبي بس بعدين ما يصيؤ فيها شي بس برضو الواحد يدهن ما يضمن

[مامة اولادي]

new mom يا هلا ومراحب فيك نورتي التجمع
وان شاء الله عن قريب تعرفي نوع الجنين ونعليه ان شاء الله كل تاخيره وفيها خيره ويمكن افضل عشان يكون البيبي واضح ومافي مجال للغلط ان شاء الله

[مامة اولادي]

تصدقي reality احنا غلطانين المفروض اول ما نصحى جري على اللاب توب والي يصير يصير هههههههه
بس حكم القوي
عاد ام اسكندر انا اطبخ واشتغل وعيني على الاب توب ودي افتحه وادخل على المنتدى بس ما يمديني ساعتها

[مامة اولادي]

وردة الجوري لا تزعلي حبيبتي بس ما شاء الله التجمع صاير نشيط والدخول كثير والبنات ينرحموا
تصدقوا بنات خايفه على تجمعنا من العين ما شاء الله صاير زحمه اللهم زد وبارك

[مامة اولادي]

هدوء الماضي يا هلا فيك انتي معايا بس انا سابقتك بيومين ان شاء الله نعرف نوع الجنين سوا عاجلا غير اجل