ديوانية البحرين - دردشة حوامل البحرين - البحرينيات

[طفلي حياتي]

انتين هنا يالبشه لو رحتين؟؟

[ريتاج2009]

المشاركة الأصلية كتبت بواسطة طفلي حياتي

ريتاج اذا انتين محاوله من قبل لعلاج ومانفعش سوي انابيب ممكن تعطينا قصتش بالتفصيل

مســـــــــــــــــــــــــــــــــــــــــاء الخير
قصتي بالتفصيل الممل مثل ماتفضلتي
أنا متزوجه من 3 سنوات ماحملت فيها أبد بدت معناتي مع المستشفيات بعد سنه من زواجي وكلهم نفس الكلام مافيكم سبب طبي معروف لتأخر الحمل ومن مستشفى لمستشفى وكلهم نفس الكلام بعد سنه ونص سويت تلقيح صناعي عند عياده عندكم بالبحرين ومانجح ومن شهر سويت عملية أطفال أنابيب بمستشفى سعد التخصصي ومانجحت والحمدالله على كل حال قلت أسألكم عن الدكتور أحمد بركات بمستشفى البركه إللي بالعدليه يمكن سامعين شي عنه..
دعواتكم لي بالحمل السليم في القريب العاجل بحق الصلاة على محمد وآل محمد

[ريتاج2009]

المشاركة الأصلية كتبت بواسطة أحلام أم

ريتاج2009
ربي يرزقش الحمل هالشهر ياارب وتفرحين
أني إختي تعالجت عنده أطفال أنابيب ولا نجحت العملية مع إنه مشهور وشاطر بس الحمل ونجاح عملية الأنابيب بإيد الله سبحانه وحدة بيدة الخلق ربي يرزقها ياارب الحمل مع كل محرومة
بس نساء واايد تيسر حملهم من بعد رب العالميين طبعا ، ومن ثم علاج الدكتور سمعت إنه بسافر روحي له وتوكلي على الله وياارب تبشرينه

مشكوره عالدعوه الحلوه ربي يرزقني أنا وأختك جميع بنفس الشهر ياربي ياحبيبي لاتردنا خايبين

[ريتاج2009]

المشاركة الأصلية كتبت بواسطة فلونة

والي تسأل عن دكتور احمد بركات .. بنت خالتي تعالجت عنده سوت اطفال انابيب وماثبت حملها اكثر من اسبوعين ويارب تلطف فيها وتعوضهاا خير وتعطيها الذرية الصالحة وتعطي كل محروووومة يا كريم
ونفس ماقالت احلام هذي ارزاق من رب العالمين واحنا مجرد ناخذ بالاسباب

مشكوره على ردك وربي يعوضها إن شاء الله بتوأم

[أحلام أم]

باقة ورد أهديها وأسميها بإسم كل وحدة فيكم ياأغلى أخوات ماولدتهم أمي وماحملهم إسم أبوي
ّباقة ورد خجلانه ومحمرة خدود ورودها أهديها (لشمس منتدانه الدافية) أم يوسف ياعساها دووم بالأفراح روحها عامرة وياعسى بيتها بيت السعادة ومحوط بزينة هنىء تلالي في قلوب أحبابها وياعساهم دووم محفوظين بإسم الله ومكللين بالصحه والعافية
(فشكرا فشكرا فشكرا ياشمس الصباح شكرا يعجز أن ينطق بالشكر لحسن الضيافة وقبلها حسن المعشر ربي يدووم ألفة قلوبنه ياارب )

ّباقة ورد بعطر بساتين الورد وبخجل قطرات الندى إللي غفت على أوراقها أهديك ياطفلي حياتي يأم زينب ياعساش دووم متهنية البال وبرجعة الأحباب نتلقى البشارة

ّوباقة مثلها لبنت الخال أم خليل الغالية ياعساش دووم ميسرة أمورش والبسمة ماتغادر محياش وياارب ببيت العمر نجيش خطار وأولادش عند طوعش بالإشارة

ّوباقة ورد مثلها مزدانه بعبيرها لروز أم بنين وياعسى ربي يحفظ أحبابش وتظلين شجرة حب تظلل عليهم بأغصانها الوارفه

ّوباقة بعد مثلها تقاطر عطرها أهديها لأم السادة أم سيد مصطفى وياعسى دووم هالضحكة مرسومة على شفافش وطيبة قلبش تلين قلوب حسادش وربي يحفظ زهرتينش بعينه الحارسة

ّ وبعد باقة وينكم ووين ترى زادت أحبابنه أهديها لحنين للماضي أم علي إللي نورت ديرة الحب دير ة هلي الدراز بجيتها وخلت شوارع ديرتي مفروشة برياحين من طيبتها وياعساها دووم هالجية وماننحرم من جيتها وربي يحفظ كل من توده وتنفني حسادها

ّ وباقة ورد إحسب وراي يحساب أهديها لوردة وغصن بان نور بعد ديرتنه حبيبة حسوني أم فاطمة هالوردة إللي جت تحمل وردة على أكتافها عسى ربي يحفظ الحامل والمحمول وماتنقطع جيتها وتظل خيمه تلوذ بها أحبابها

ّترى عندي باقة مثلهم وأحلى أهديها بالعطور معطرة لحزينة أم حسنين ربي يفرح أهلها وكل أحبابها وبخبر عقد الثمر تزغرد وباليباب تعلن هالخبر غصة بحلوق عدوانها

أخجلتوني بطيبة قلوبكم وبأياديكم الدافية وبأرواحكم المتربية على حب النبي وآلة
وياارب دووم نجتمع بأحلى الأيام وتظل أرواحنه ملتمه بمعانيها السامية

حملت باقات ورد في داخل الروح تمنيت أهديها لباقي خواتي الغاليات لاكن أسف رجعت بها وهذي عيوني تناظرها وتتمنى لو سلمتها لأياديهم وطبعت قبلة فرح بجيتهم على خدودهم لاكن أتمنى الأيام دووم تجمعنه ويكتمل عقد الفرح إللي بغيبتهم نقص ماسات ورفض يعقد عقدته
وماساته الناقصة فلونة الطيبة وأم احلى قمر الغالية والفتاة الذهبية الغايبة ربي يردها اليوم وروز سول الهادية ويعذروني باقي الماسات إذا نسيت أحد منهم تراهم في القلب مسكنهم وهم خواتي دووم وربي يجمعنه بخيرة أيامه

[حبيبة حسوني]

مساااااااااء الخير
شموووووووووووس يالقمر مشكووووووووره حبيبتي علعزومه والجمعه الحلوه اتونسا وياااااااكم عدل ^_^ ماشااااااااء الله عليش حبوبه وتدشين القلب
اما باقي البنات لاتعليق ما توقعت اشكالكم جدي ههههههههههه يعني مو انكم مو حليوين بس ماتخيلت شكلكم جدي كل وحده كنت راسمه ليها صوره في بالي وطلعتوووون غيييييييييير فاجأتوني
باقي البنات الي ماجو تمنيناكم ويانه افتقدناكم
ان شالله الجمعه الجايه تكونون ويانه

[حبيبة حسوني]

حبيييييييييييييييبتي احلام ام مشكووووووووووره يالورده على هالكلام الروعه
والله احنا الي تشرفنا بشوفتكم وياحلاااااة القعده وياكم
الله يدووم الفرح علينا يارب ^_^

[طفلي حياتي]

احلالالالالام ام انتين الورده والله
وعسى ياربي ما نفترق بشر ابدا وكلامش بلسم وبسمتش بلسم وطيبة قلبش روح وريحان
حبيبوه ويش قصدش اشكالنا هااااااااا خخخخ
اني بعد قلتها اصلا تخيلتكم كل وحده غيييييييييييييييير كلللللللش انتين مثلا كنت متخيلتنش امتن شوي ومربربه مو متينه وويهش دائري طلعتين غير خخخخ
وحنون بعد توقعتها غير
اما الباقي شايفتنهم
حزينه تخيلتها قصيره ومتينه شويييييييه هيهيهيهيهيهي
داهشتني زينب بالروان سويت ليها حلوه ويى مرقدوش يقولون زين وان شاء الله ينفعها لحد الان ماشفت نتيجه يقولون ينيم اليهال ويخفف الغازات وهي كل شوي مبطله لعيون توني منيمتنها ومقمطتنها لكن لا يابويي الله يستر

[أحلام أم]

حبيبة حسوني
إنتين إللي شكرا لأنش فرحتينه بشوفتش وربي دووم يجمعنه ياارب
أهاااااااا تضحكين علينه وعلى شكل كل وحدة فينه هااااااااا
إعترفي كل وحدة ويش تخيلتينها بسرعه مابنزعل عليش
أني عن نفسي صدق رسمت صورة في خيالي لكل وحدة خاطبتها كلماتي بس الواقع بشوفتكم أحلى من الخيال بوااااايد
لكن إعترفي ماباهدش إعترفي
لو موهنوووي بدأ قرايته إنجان شفتيين ههههههههه
تسلمين أم فطوم تصبحين على أحلى صبااااح

[TOomy]

هلااااااااااااااااااااااااااااااااااااااا