دردشة بنات فلسطين, دردشة حوامل فلسطين, تجمع بنات فلسطين

[لولو الفلسطينية]

صباحكم ورد يا حلوين
كيفكم اليوم ؟؟
حيفا حبيبتي و لا تزعلي ان شاء الله بتكون هاي اخر مرة بتشوفيها و بعدها بتطلعي حامل يا رب يا رب
توكلي على الله و خودي الموضوع ببساطة * بعرف انها صعبة بس صدقيني لما تنسي موضوع الدورة و الحمل و تطنشيها بتحملي على طول بأذن الله و ان شاء الله ربنا برزقك الشهر الجاي بالحمل و بتجيبي احلى توأم بالدنيا يا رب انتي و كل وحدة متمنية الحمل يااااا رب
هههههه اجت عبالي شغلة انا مرة اتأخرت علييه الدورة حوولي 10 ايام و حللت حمل و ما في و برضو عدت التحليل كمان مرة و طبعا ما في حمل و انا الهبلة بحكي لجوزي شكله سن اليأس بلش عندي هههه صار يضحك علييه " سن يأس على 19 سنة " اشي خرافي ههههه
عيون المها الحمد لله انو ادم ما تأثر و ان شاء الله هيك بيطلعو كل اسنانو و ما بتأثر بس بدك تديري بالك اسنانهم اول ما يطلعو بكونو كتير ماضيين و بعضو عضات قوية يعني جيري بالك على ايديكي ههههه
ربنا يخليلك اياه و تشوفيه عريس
انبثاقة بالنسبة للرحم المايل انا حسب علمي ما بأثر على الحمل ***** بالعكس بتعدل لما يصير حمل ان شاء الله * انا هيك بسمع * ***** ربنا يرزقك بالذرية الصالحة انتي و كل يلي بدهم يحملو عاجلا غير اجلا اللهم امين يا رب العالمين
بيبو و مسك ربنا يخليلكم اياهم هالحلوين و ان شاء الله بكبرو و بياكلو و بتشوفوهم احلى عرسان
دودو و حلا و حيفا و مسك يسعد صباحم
كل الصبايا الغاطسين وييينكم و شو عاملين ؟؟
شكلي كتبت مجلد هههه

[~{{ DoDo }}~]

لولو

يسعد صبااااااحك
كيفك اليوم وكيف الامورة ؟
انا عمورتي نشيط اسم الله مبارح بالليل تحرك حركة وجعتني
حتى زوجي شافها وحط ايدو انصدم من الشعور هههههههه
الله لا يحرمه لحدا ياااااااارب

[لولو الفلسطينية]

اهلننننن دودو
انا الحمد لله منيحة و البنوتة بحس بحركتها بس خفيفة و هادية هههه
اسم الله عليهم الله يخليلنا اياهم و يفرحنا بشوفتهم باحسن حال يااااا رب
و موعدي مع الدكتور بعد بكرة و ان شاء الله كلشي بكون تمام التمام
عقبال عند باقي الصبايا
و انتي شو عاملة ؟؟

[~{{ DoDo }}~]

لولو
حبيبتي ربنا يطمنك
متهيالي الزيارة الجاية رح تورجيكي الدكتورة العمود الفقري والكلى والمعدة
ازا وضعية البنوتة بتسمح طبعا انه تشوف ، اسمعي صحيح نصيحة
قبل ما تروحي الموعد اشربي عصير برتقال بارد ههههههه انا شربته وكان مصحصح بالسونار وبيتقلب
وبيخبط بايديه ورجليه ههههههه

[لولو حمادة]

صباح الخير

اشتقت الكم كثير كاتبين كثير نسيت اللي قريتوا
حيفا قريبتي 3 سنوات وهي تتعالج بيحكولها كل شي سليم وجوزها سليم واخر شي كتشفو انو عندها حموضة بعنق الرحم كبيرة بتقتل الحيوانات المنوية وتعالجت الها وهيها حامل بتاسع ويمكن ولدت
وطبق الظهر كثير بيحملو عليه وربنا كريم
عيون المها ان شاء الله تنبسطي بالقدس
مسك انا بديت اطعمي ابني بنص الخامس في مدرسة بتحكي الاكل من الرابع ومدرسة من السادس انا عملت الوسط خير الامور الوسط
حواء شو راح تلبسي بخطوبة سلفك ؟
دودو ولولو وانبثاقة يسعد صباحكم

[~{{ DoDo }}~]

لولو حمادة
اهلا اهلا نورتي
وين هالغيبة اشتقنااااااااااالك
شو عاملة وكيف عيلتك انشالله كلهم تمام

[لولو الفلسطينية]

دودو انا العمود الفقري كل مرة بشوفه هههه في الاول ما كنت افهم من السونار الا العمود الفقري
و ان شاء الله كلشي تمام
لولو اهلين يا حلوة يسعد صباحك
شو اخبارك ؟؟

[لولو الفلسطينية]

اه دودو صحيح مش انا بستخدم كريم زبدة الكاكاو صارلي كم يوم عشان تشققات البطن
ييييييي شكله صار عندي حساسية منه
طلعلي في بطني حبوب حمرة و بتحك و امبارح و اليوم ما استخدمته بدي اشوف شو بصير

[~{{ DoDo }}~]

لولو
انتي عارفة للاسف كل الي بعرفهم وهم حوامل
واستخدمو زبدة الكاكاو تحسسوا منها
مش عارفة شكله للحوامل بيعمل حساسية
استعملي موستيلا ، خلي دكتورك يكتبلك عليه
بيجنن انا بستعمله كتيييييييير مريح وبيمتصه الجسم بسرعة
وهاي اصلا ماركة للاطفال والحوامل مخصوص طبية

[لولو الفلسطينية]

و الله !!!!!
انا اصلا بشرتي حساسة من قبل الحمل و بعد الحمل صارت حساسة اكتر
انا الي جبته من بالمرز و فيو زبدة الكاكاو و زيوت تانية و تقيييل و ما بيمتصه الجلد بسرة يعني بده حوالي يوم كامل و هو موجود و الجلد مش ممتصه
يعني كريم موستيلا ما فيو زبدة الكاكاو ؟؟؟ اذا ما فيو بجربو بلكي بنفع معايه