دردشة حوامل مصر - دردشة بنات مصر - تجمع حوامل مصر ‏

[دودى مجدى]

هههههههههههههههههههههه ايوة كدة فطميها وعرفيها عوايدك من اولها
يا رب يا اختى تطلع هادية عارفة يا نهاد انا جارتى فى مصر جابت بنت صغيرة غلطة كدة وهى ولادها كانو كبار البنت دى اسمها جنى مش قادرة اقولك يا نهاد على ادبها واخلاقها ماشاء الله من ساعة ما اتولدت لحد دلوقتى هى عندها ست سنين بنت مؤدبة ونضيفة وتستاذن قبل ما تاخد حلجة ولا تعيط زى الاطفال ماشاء الله بجد ربنا يخليها لمامتها وكلامها جميل نفسى اوى اجيب بنت زيها

[malak ahmed]

جوزي مسافر اليوناااااااااااااان يختي ( اوروبا ) عقبالي يااااارب

والمزز هناك بقي ايه اشكال والوان وخصوصا في الصيف ههههههههههه بالبكيني بس وحياتك اصلهم يا حيني حرانين

بس جوزي مؤدب وانا اكيد ماليه عينو

[دودى مجدى]

طب مبتروحيش لية معاة يا نهاد ولونك لو روحتى هتتمنى انك ترجعى مصر تانى وتسيبية مش مشكلة زى ما انا نفسى ارجع واسيب محمد مش مشكلة
يانهاد طب لية مفكرتيش تتعلمى الكوريشية وتشتغلى وانتى حامل دة سهل اوى وهتحبية مووووووووووووت

[AyoyA]

انا رجعت تانى انا عارفه انكوا نسيتونى الحبة الصغيرة ده اصل كنت فى wc

[malak ahmed]

مش هينفع اروح معاه يا دينا لان شغلو بيكون بليل وهيخاف عليا يسيبني لوحدي في الشقه لانها مهما كانت بردو بلد غريبه وانا هنا بين اهلي والف وميه جنبي

ثانيا انا مش بعرف خاااااااااااااااالص اشتغل كوريشه وماليش صبر اصلا ولا خلق عالحاجات دي

اختي هي اللي كانت بتشتغلو وبنت عمتي استاااااذه فيه .. بتعمل شالات روووووووووووووعه وحاجات للراس وكده

[malak ahmed]

http://forum.hwaml.com/t64180.html

دودو شوفي الموضوع ده فيه واحده هنا اسمها جمانه بتعمل الحاجات دي وبتسوقها هنا في المنتدي وانا شوفت ليها كذا حاجه قبل كده


ومين سمعك يا ايويا انا هموت واروح ال wc بردو بس لما استني شويه بقي عشان اروح علي حاجه تستاهل مش كل شويه كده عالفاضي والمليان

[AyoyA]

اه يا دينا انا كنت بعمله وانا صغيرة وعملت مرة بوك بتاع الفلوس بس نسيت دلوقتى بس لو شفت حد بيعمله هفتكر على طول

[malak ahmed]

http://forum.hwaml.com/t38543.html

وشوفيده بردو يا دينااااا وابقي مري كده علي كل مواضيعها هتعجبك اوى واكيد هتلاقي افكار جديده منها

[دودى مجدى]

بس انا عاوزاكى تعرفى يا نهاد انك قعدتك مع مامتك احسن والله اهو جوزك هتشوفية على النت وتكلمية على التليفون انا كنت بعمل كدة وانا مخطوبة ومحمد كان مسافر انما انا هنا زهقانة موووووووووووووووووووووووووووووووت وكمان اما حملت بقيت اى حد يكلمنى اعيط وعاوزة انزل مصر وخلاص وهنا كمان مفيش حاجة عدلة غير الحرم ولا طبيخ حلو ولا تلاقى خضار طازة واللحمة طعمها يقرف ومبتستويش ولا تعرفى تروحى تعملى حواجبك ولا اى حاجة حاجة تزهق بصراحة يالا ربنا لايعيينى

[malak ahmed]

بنات انا هقوم بقي اريح شويه ضهري وجعني

تصبحو علي خير واشوفكم بكره ان شاءالله بقي