ديوانية البحرين - دردشة حوامل البحرين - البحرينيات

[أحلام أم]

شمس
هلا بيش والله تسلمين خيو ويش نسوي مشغولين بأشغال البيت إللي ماتخلص وزادت مع العطلة
إن شاء الله أكون من الحاضرات إلى بيتكم السعيد والجميل مع هنوووووي ياارب تكون ضروفي في صالحي وألتقي بكم كلكم

باقي البنات وينكم لايكون هاجرتون ماقلتووون لينه نهاجر وياكم هههههههه ماليكم حس كلش
طفطووفة الظاهر مابيدخلون إلا إذا دخلتين علشان تعرفين معزتش يأم زنوب

[فلونة]

مساء الخيرر شخباركم..

صار لي يومين مادشيت بسبت التعب والارهاق شغل البيت مايخلص وو انشغلت ويا وردة حيااتي .. تبيني اقعد وياها على طول او بتذبح روحها من الصياااح شسووي.. اشغالي تتعطل احس روحي بموووت من ازدحام حياتي ومو قادرة انظم وقتي كلش:(


شمووس .. مشكوورة خيتي على الدعووة وان شاء الله تستانسوون في التجمع وانا بجوف ضروووفي ماظنتي اقدر اطلع بس خاطرري اجوفكم واتعرف عليكم :)
ان شاء الله اذا ترتبت اموووري اكون ويااااكم


حنوووون.. الطبخة سندويش سليس ودجاج خلطة الكاري وما نجحت الطبخة
ولازم اول مولود يكون الدلع والحنان الزااايد له بس عاد لا تخربين ولدنااا نبيه يصير رجاااال وقووي قلبش مع ديووو


احلاام ام .. ام زينب لها وحشة بس كل الحاضررين لهم مكانهم وجان زين اقدر ادش كل يوم اسولف وياكم بس الوقت مايساعفنا .. وننطر حلاااوة النجاااح
شخبار ام خليل تدرين عنها؟؟ في بالي من زمان مادش اتمنى تكون بخير و اطمنينا عليهااا


اروي يقيني.. باجر موعدش حق متابعة حمل؟
وردتي باجر تطعيمها مال اربعة شهووور ومن احين احاتيها ان شاء الله ما تصخن يارب و تعدي على خير.. ومادري يطعمونها او لا لانه مريضة الحجية صدرها للحين يخرخر الصوت الي يطلع مو طبيعي .. الخرخرة قوووية من جذي ما تسكت ولا تنااام الفقيررة


ام السادة.. حزينة.. روز ام بنين.. روز ام بشاير .. ام خليل.. ام حسين .. ام حسووون .. فتوووووووت والباقي الي ماذكرتهم لانه الذاكرة راحت عليها اتمنى الجميع بخيررر و ننطر طلتكم علينا

[ام حسين الدار]

ووووووووووووووووووحشتوني
يااغلى من في قلبي
اخباركم
بشروني عنكم يارررب اتكونو ابخير
ابد مااحد اجينا ولااتسيرو علينا
اتمنى الجميع ابخير وصحه
احببببببببببببببببكم

[مس توته]

سلام عليكم


شخباركم جميع ان شاء الله بخيــر..


ضايق صدري ادعوا لي بالفرج القريب

[شمس الصباح]

صبااااااااااح الخير

قلت اسلم عليكم ما دام السهرة مستمرة وبنشاط

فلونة ام نور ان شاء الله ترتبين وقتش ونقدر نشوفش

احلام ام صباح الخير

مس توته ربي يفرج همي وهمش وهم جميع المؤمنين يا رب

اني ملاك بس قاعده تحجج ما ادري ويش فيها صار اليها اكثر من ساعتين نشاط وعصبية يا تلعب يا تصيح حليب او ماء ما تبغي وحفاظة بدلتها وبعدي اكي تتهاويش مع رزنامة الشهر طلعت من غرفة النوم علشان ابوها ينام كلها ساعة او ساعتين ويقعد

يالله لا تنسونا من دعائكم

[أحلام أم]

صباح الخير
ويش أخباركم وأخبار كتاكيتكم
حنون
هلا أم علي سر هنوووي شوي خف اللإنتفاخ فيه وياارب كله يهفت وعلى قولتش جهال ماينقدر عليهم في العفايس
فلونة
هلا أم نور أكيد كل وحدة منكم ليها مكانه وقدر نفتقدها إذا مادخلت تكتب وتطمنه عليها بس طفطوفه على طول متواجده في الديوانية من جدية هي أكثر وحدة نفتقد وجودها وماكتبت إلا علشان أخليها تدخل وربي يرد زوجها بالسلامة أكيد نفسيتها تعبانه ودايخه مع زنوب
أم خليل ماأدري عنها أني بيت أبويي ماأدري عنه من يوم الجمعه ياارب الكل بخير روهذا حالي مثل حالش تعبانه في ترتيب وقتي وخصوصا مع إجازة اليهال إخترب نظامي ربي يهديهم ويحفظهم
أم حسين الدار
هلا وغلا عذرينه لين ماشفتين رد من عندنه أو حتى مرور عليكم وإدعي لينه بالسلامة والفرج
شمس الصباح
هلا أم يوسف ،الله يساعدش ويش إمقعدنها لش حزت الفجر يمكن نومها مخلص ههههه أو يمكن يعورها شي أذونها أو راسها من البروده إنجان زيتين راسها وجبينها ورقبتها أو سويتين مساج سريع يهدأها ويدفيها
مس توته
ربي يزيح عنش وعنه ضيقة الخلق ويعدل الأحوال
باقي الصبايا وينكم أم السادة وحزينه وأم بنين روز ،وروز سول أم بشورة ،طفطوف ،أروي يقيني تعالوا ترى يضيق الخلق لين مانشوفكم

[فلونة]

السلام عليكم.. شخباركم.. الديوانية مهجوورة عسى ماشر يابناات اشصااايررر

انا اليوم وديت شمعة حياتي طعموها وصخنت حدها الابرة وايد ثقيلة.. للحين عافيتها ضوو ماميش الا اعطيها في هالبندول ومعورة قلبي مكان الابرة صاير احمر :(
امي تقول لي حطي لها كمادات بس انا خايفة

شمووووس،، ان شاء الله نلتقي في الافرراااح والله يجعل الايام الجاية احسن :) متى الاطفال يتعدل نومهم في اي عمر؟؟ .. ملاكي تبي تقعدش حق الصلااااة
والله يساعدنا على تربيتهم تربية صالحة و يكبروون هالنتف

احلامي .. انا لازم اتدلع
ابي طفطف اتدش علشان تقولي غيووورة :P .. اي والله صح كلامش كل وحدة لهاا لمستها ونكهتهاا في الديوانية << عصيررر مو ديوانية
والحمدلله لليوم احنا متواصلين وماننسى بعض بس مايندرا طفلوو ماعندها نت او شسالفتها و احين وين قاعدة ماعندي خبر عنهاا المفروض نتطمن عليهااا
وبالنسبة حق الشباب ليش ما تسجلينهم في جمعية اهلية او نادي صيفي احين في برامج وااايد منها ينشغلون و يغيرون جو عن حكرة البيت و العفسة و اغلبهم يحطون مواصلات ياخذونهم من باب البيت يعني لا تحاتين

حنوووون .. البارحة ما دشيتي آخر ليل لوو مشتغلة آخر ليل وياا علاووووووي

والباقي ما بنسأل عنكم تعبنا واحنا نقول طمنونا عليكم بس مامنكم فايدة على هووواكم... حبيبة حسوونها نسأل عنها وما ادش تالي بتقول محد يسأل و بتمد البوز

ام حسيين ..مس توتة .. نظرتي كلها امل الله يتمم لكم على خير و يفرج عنا و عنكم وعن جميع الامة الاسلامية بحق نبي الرحمة محمد و آله الاطهار

[Rose Bh]

هلوووووووو

شخباركم اليوم و شلونكم و شلون عيالكم <<انشاءالله زينين

بس حبيت اسلم عليكم دام اني قاعدة

[الفتاة الذهبية]

شحوالكم شعب خخخ
وحشوني واجد
دشيت اطمن عليكم
طبعا برجع يوم الاحد
واكيد راح اقول لكم تفاصيل الرحله

[ام السادة]

السلااااااااااام شحواااالكم وحشتووووووني واااااااجد

سامحوني ما دخلت هالكم يوم زوجي مسافر وبتي ممريضه حدهااا.

والنفسيه ياااادافع البلى
الله يكون في عونس يأم زنوب اين سافر رجلي كم يوم هذاني منعفسه عفاس الله يصبرش ويرده لش بالسلامه


شخباركم بعد وشخبار أطفالكم والحمل الله يقومكم بالسلامه

بالنسبه للعزيمه بعظي طفطفه خبر إذا بأجي أو لا ان شاء الله تسمح. الضروف ونجي

طمنونا عليكم