تجمع الحوامل اللي موعد ولادتهم بإذن الله شوال 1434هجري

[ام لتين1430]

رونق الله يسهلك حبيبتي وان شاء الله ربي يرزقكي بولادة ميسره ؛؛ واما على الرقص مره مو في بالي ؛؛؛
ام زاز انتي مثلي في الولاده مدري احس اني بولد قبل الله يعين
باقي الكروشات كيفكم وحشتنا اخباركم

[حلاهابحياها]

أهلين كرؤشات أخباركم مره المنتدى صائر بااارد كل ذا كسل من الكرشه حتى مواليد رمضان بداو يخلصون مأشالله وصارو باردين ؤاللي انشغلو مع نونواتهم ؤالله هالأيام الكل يعاني من الاكتئاب أعودبالله حتى ماحسيت بطعم رمضان ومره أصوم ومره إفطر من التعب الله يعيني عالقضااااء والحموضه لاعبه فيني لعب يأرب تهونها أنا لي يوم دخلت التاااسع يأرب أولد مأبي أطووول دعواتكم

[سوسو المزيونه]

هلا بالغاليات
اختي جاية من الشرقيه و انشغلت معها لها شهر و عشر ايام ماشافتني
مرة تقول تغيرتي خخخ

الله يعينا بصراحه مليت و النفسيت زفت ولاعاد اقدر اكل خلاص
الحرقان ذبحني

[غربة أعياد]

صباح الخير


كيفكم جميعا


انا الحمدلله كويسه
بس معي الم بالمثانه من امس يروح ويرجع واليوم استمر معي وزاد عليه الم ببداية الفخذين بس خف شوي
وعلى طول أحس أني ابي الحمام الله يكرمكم ضغط من ورا على فتحة الشرج تكرمون ومن قدام ولما أروح الحمام ما يطلع شيء

سألت البنات بقروب الواتس ونصحوني أروح المستشفى اتطمن بس انا ماودي استعجل فقلت أسألكم يمكن احد مر عليه مثلي



باقي لي 3 أيام تقريبا وادخل التاسع ان شاءالله

[يارا محمد1]

غربه اعياد طبيعي ...في حملي الاول نفس الالم الحين بس كثري شرب ماء وسوائل ..ربي يكرمنا بولاده ميسره .

[حلوه بعينه]

رونق الصبا تسلمين حبيبتي ع هالدعوات
انا مثلك راس البيبي تحت بس نو راضي ينزل الحوض الله يهديه ههههه ع قولت زوجي عنيد مثل امه

ام زاز ياقلبي الله يسمع منك اي والله هانت
انتي بكر ولا هذا الحمل الثاني ؟؟

راما الدلوعه فديتك حبيبتي تسلمين ع الدعوه
الثقل ولا الترفيس وقت التوم طول اليوم هادي لكن اذا قلتي بحط راسي ع المخده اشتغل ترفيس ولعب هههههه


غربة اعياد حبيبتي انا يجيني هالالم بين فتره وفتره بس ا سالت دكتورتي لسه
ان شاء الله اسألها الموعد الي بعد يومين
اتحسين في الم تحت وان ودك تروحي للحمام صح

تصدقون ان التاسع اريح من الثامن بثير خصوصا وقت النوم طبعا لها تعبه بس شهر عن شهر يفرق

[أجمل الكون]

شكلي باولد معاكم الله يستررررررررر

[كشه ناعمه]

مشكورات يا حلوه.. ورونق.. وراما ... تسلمون ياقلبي وراحت لدكتوره وقالت بتكتب لها علاجات
موعدي بكره وان شاءلله اطمن خصوصا ان الطلق من امس جاني مرتين واليوم بعد الله يستر خلاص الظاهر ع قولت امي اسبوع اﻻ الوﻻده وفوق هاذا كله سني مو راحمني ﻻ بنوم وﻻ اكل ياربي تاجرنا
والعيله خلصو وولدو قبلي بقيت انا بنت خالتي وبنت عمتي واختها وعمتي وبنتها ومرت عمي كلهم ولدو ناس امس وناس اول الشهر بقيت بس انا ينتظروني ههههه ماولدتي ماولدتي
الله يسهل لنا يارب
...

[غربة أعياد]

يسعد مساكم


انا رحت المستشفى الصباح بعد ماطلعت مني افرازات وركبوا لي جهاز النبض والطلق
وقالت مافيه طلق وكشفت ع الرحم وقالت مقفل والأعراض طبيعيه لان الرحم يتمدد
رجعت البيت الساعه 8 ونمت الين 6 المغرب ما حسيت بالوقت من التعب هههههه


الله يسهل لنا يارب



كيف باقي الكروشات

[رونق الصبآ]

غربة أعياد ترى مرررة طبيعية هذي الاالام ... اهم شي لا جاتك آلام في ظهرك وتنتقل لبطنك وتحسينها شدييدة مررة ماتخليك تتحركي هذي هي الام الاولادة ..


حلوة بعينه
من جد التااسع يفرررق عن الثامن .. سبحان الله مع انه بالتاسع يكون البيبي اكبر بس تحسي الثقل كله في الثامن
الله يعين ويسهل لنا هالفترة وتعدي على خير


أجمل الكون
الله يعينك وربي يفرج عليك بالسلامة خلال هذي اليومين وترتاحي


كششه ..
شكلك مطووووولة ههههههههههه .. استنيني اولد بعدين انتي اولدي خخخخ
من جد لما يكون فيه احد حامل معك بنفس الفترة الكل يكون مترقب ولادتك ..
الله ييسر لك ولي وللجميع الولادة السهلة الميسرة