دردشة بنات العراق, دردشة حوامل العراق , تجمع بنات العراق

[ام نورهانه]

صباااااااااااااااااااااااااااااااح الخير حبااااااايب
لج هلو توته قلب مشتاقتلج ياعوبه

فروحة قلبي ضفتج على الياهو وان شاء الله تشتركون وترجعين ويانه لان انتي من الغوالي ياغاليه وان شاء الله تجين تبشرينه بخير حملج يارب

نجوووووووولتي عابتلج ليش هيج ايهومي الورد واكع فدوة العينه وقلبه لج بهالعمر الطفل كلش يخوف لان يسوي اشياء دائما جديدة وممتوقعة فلازم تاخذين الحيطة والحذر منه وسلامته الف سلامه واذا على الوكعات ادخلي دورة عندي اني نورهان طلعتلي شيب ب......ي ههههههههههههههههه وانتي كمليها لان كانت كلش حركة

فوفو قلب مابيج غير العافية ويارب تخلصين ال9 اشهر وتكومين بالسلامه واذا على المي تره عادي يمكن كتلج اني من دخلت السابع اذب ماي وكلما اروح للدكتورة تكولي عادي وماي الطفل طبيعي حتى سوتلي فحص داخلي كالت الرحم مقفول وبمكانه وماكو اي خوف الحمد لله وان شاء الله انتي ايضا هيج
اني ليهسه مااكدر ابقه بدون الكوتكس او الالويز لان اظل اكتكت وهم طبعا بي حروره شويه بس من رحت للدكتورة كالت عادي هذا زايد مع العلم اني ماعندي زيادة بالمي
والتقلصات هاي اسكتي وخليها بحيث احس راح تجيني الدورة من كثرها واني كتبتلي على حبوب مال تقلصات بس اني مااخذها بصراحه
فأنتي اخذي حبوب التقلصات اذا تحسيها فد مرة زادت عن حدها وان شاء الله تكومين انتي والبيبي بالف سلامة

زهرة البنفسج مبروك دخولج الثالث ومنيلج هالحجي اني ببنتي اخذت الدفاستون من االبداية للشهر السادس وبعدني مدخلت التاسع اخر ايام الي بالثامن وجبتها وهم طبيعي مو عمليه ماكو هيج شي وهسه هذا الحمل هم اخذتها لنهاية الخامس ماله علاقة بالعكس هو الدفستاون مهم جدا للي عدها اجهاض سابق او حملها مهدد لا سامح الله فلا تتهاونين واخذي نصيحة مني ويارب يتمملج حملج على خير وتكومين بالسلامة

[المغتربه المتفائله]

صباح الورررررررررررررررد والعسل
شلونكم شخباركم
ام نورهانه حب شلونج شخبارج بنوتاتج شلونهم

فوفوا لف مبروك تجهيزات النونو الله يجيبه بالسلامه
ان شاء الله تخلصين ل9اشهر بخير وسلامه واذا تكدرين روحي للدكتوره وطنمي ان شاء الله خير

ام ايهومي سلامت ايهمومي ديري بالج عليه الله يحفضه الج ياررب وتشوفي عريس

زهوره البنفسج ما اعتقد الدوفاستون اله علاقه بالولاده اني استخدمته لحد الشهر الثاني واهم شي هسه سلامه الحمل
وتعدين مرحله الخطر الاشهر الاولى ولا تعبين نفسج بأشياء مو بوقته لوقت الولاده الله كريم الله يسهله الج ياررب
وكالتلج ام نورهانه تجربته واسأل مجرب ولاتسأل حكيم ارتاحي ولا تفكرين

باقي البنات شلونكم حبايب ان شاء الله بخيررررر

[فوفو العراقية]

صباح الخير

حبايبي الحمد لله بالليل ضليت احاول حتى اسمع قلب الجنين بالجهاز المنزلي
وبالاول ماكو لا حركة ولا دقات قلب
وبس صوت الحبل السري والدم الجاري بي
وحاولت والحمد لله الطفل تحرك وندار وسمعت القلب
والالم خف عندي بعدما تحرك وعتقد الالم يجي لقلة حركة الطفل وتمركزة بجهة وحده
الله يتمم علية وعلى كل وحده حملها بسلامة يارب.


حبيبتي ام نورهانة قلبي مشكووورة عالدعوة الحلوة
اي قلبي التقلصات اني مانطوني الها علاج
لان الدكتورة وقتها كالت انو العندها سكر حمل تولد اسرع من غيرهة
والحبوب تاثر وتاخر الولادة الي المفروض تتم طبيعية بوقت اكتمال الطفل بحجم مناسب
واني ماراح اخذ اي علاجات ووقتما تمت الولادة ف هذا امر لله.
والمي اي اني احسة عادي لان مو ماي الطفل اني اعرفه
بس الفترة الراحت جنت تقريبا ناشفه بس هالمي كثرته قلقتني
بس مو مي الطفل ابد اعرفه كلش.

المغتربة حبيبتي الله يبارك بيج
عمري مشكووووووووورة هواي على دعوتج الحلوة وربي يتمم عليج ويفرحج يااااااااااارب
الله يتمم علية للتاسع حتى لو يوم واحد بي داخلة
لان اريد اسمع صوت طفلي وتاكد انه بخير وولا يحتاج خدج
الله يوفقكم يارب ومشكورة كلمن دعتلي وربي ينولها مرادها.

[**نورا**]

هلوووووووووووو بنات شلونكم اخباركم بارحه اجوي خطاري ومن فكيت عيني لحد ما خليت راسي عله المخده اني مكاعده شغل شغل وراها شفت الطفل ميتحرك ابد رحت للسونار وللدكتوره وشافت وزنه كيلوين و950 وكالت امورج طبيعيه لتخافين ومن تصير عندج طلوكه يله تجين بعد ههههههههههههه جنها طردتني بس نصحتني اسبح بمي حار يوميه وابو الشباب يكثف جهوده ههههههههههههههههه وهوه اصلا كل اسبوعين يجي اسبوع وهسه صارله خمس ايام جاي ورااح يروح يعني اتصور عله ولادتي يجي واااااااااااااع بس انشالله اجيب طبيعي ادعولي وطبعا عندي احساس راح اكمل الشهر كله فلا راح اسوي خلطات ولا شي ولا بطيخات هههههههههههه المهم وره مرجعت من الدكتوره اخذنه العروسه والعريس وطلعناهم وما رجعنه اله ساعه 11 اجيت ركض غسلت وبدلت وطب ما حسيت اله صار الصبح وعاشو عيشه سعيده هههههههههههه

[قمر بغداد]

هاااااااااااااااااااااي بناااااااااااااااااات شلونكم
اعذروني جنت مااااااااااااااااكو خومااااااااااااا اشتاقيتولي ههههههههههه؟؟؟؟؟؟
تعبانة شوية اكلكم طلع عندي نقص بالسائل مال طفل وعندي فقر دم حااااااااد
كالتلي الدكتورة اشربي سوائل هواية حتة تعوضين النقص وهسة اني تعرفون دخلت بالثامن واحس نفسي كلش ثكيلة ومالي واهس بشي
شخبار كل البنااااااااااات؟؟؟؟؟؟؟

[قمر بغداد]

اكلجن شو شريط الحمل مامتغير شنو بعدني بالسابع ومادري بروحي خخخخخخخخخ

[شمس العراق]

صباح الخير حبايب شلونكم وشخبار الكتاكيت ان شاءالله بخير
اعذروني البارحه ماكدرت ادخل لان تعرفون عطله والرجال جان بالبيت والعصر طلعنا نتمشا ومن رجعت للبيت بنتي الصغيره انكلبت عيونها حمر ومنتفخه وهاي لحد الان تبجي من عيونها ما ادري شصار بيها
المهم حواملنا الله يسهل عليكم الايام الجايه ونفرح بيكم بحق محمد وال محمد اعذروني تري لحد الان ما حافضه الاسماء هههههه
ومبروك جهاز البيبي حبيبتي يارب يوم اللس تشوفي وتدشنيله الجهاز بالسلامه والفرح ياررررب

اتذكر اكو وحده من الاخوات سالت عني
اني ام ملاك وطالعه من العراق من جان عمري ست سنوات وحاليا ساكنه بالدنمارك متزوجه وعندي 3 بنات وحامل بس شكل الحمل مو طبيعي الله اعلم

هاي نبذه مختصره كلششش عن حياتي
واي سوال بالخدمه عيوني

[قمر بغداد]

هلوووووووووووو بنااااااات شو ماكو ولا وحدة

[**نورا**]

هلالالالالالالالالالالالالالالالالالالالالالالالا قموره حبي شلونج عاش من شافج وين مختفيه
وسلامتج حبي شربي سوائل هوايه والله يسهل عليج وتكملين الشهر هذا

وييييييييييي فوفو سمعت مجهزه مبررررررررررررررروك يهريهم بلهنا بس نريد صور
منوررره شموسه حبي الله يتمم عليج حملج

[قمر بغداد]

هلوووووووووووو نورااااااااا حب شلونج شخبارج
اووي هسة انتي بالتاسع اللة يساعدج بديتي بالعد التنازلي خطية ربي يسهل عليج الولادة