دردشة بنات فلسطين, دردشة حوامل فلسطين, تجمع بنات فلسطين

[حلا الماس]

بيبيو تعالي نبرم شوي انا هون وصادة ما في وراي اشي ...

[beboo]

يسعد مساك حلا الماس كيفك وشو اخبارك

وعلى قصة دوا يخفف الوحام مرات اخويا بتاخد حبة للوحام كتير منيحة

وصفتلها اياها الدكتورة بس والله مابعرف شو اسمها

شو طبختي ياعسل اليوم

[حلا الماس]

انا منيحة الحمد لله .. واخباري تمام

زهئانة شوي لانو محشورة ومالي يوميين ما نزلت على حماتي لانو الجو عنا برد ومطر

اليوم عملت صواني بيتزا .. ما طبخت لانو ما كنت فاضية اطبخ اليوم ...

الصبح كان الجو منيح وفي شمس .. وبدي بالغسيل ونشرت حرامات غرفتي

ويا دوب خلصت وبديت اجهز بالبيتزا .. والسما تقول خودي مطر وشتا وطلعت لميت الغسيل والحرامات بسرعة

بس كان في اشي من الغسيل ناشف واشي لساتو منشور على منشر الغسيل خخخخخخخ .. المهم اني غسلتو كلو
وراح من وجهي .. بكرة بيصبح ناشف كلو

هادا الي عملتو اليوم ... وانتي شو عملتي اليوم ؟؟ كيف مضيتي نهارك ؟؟

[حواء مثالية]

والله يا بنات ما نافع معي اشي كتبلي الدكتور دوى على الفاضي

الرمان بساعدني شوي

انا هلا بالتالت فايته بالاسبوع العاشر

[غُمُوض أُنثَى]

دودو وبيبو وحلا الماااس وعسوووولة وحوآآآآء وجااااارة منورييييين

والغآآيبين وينكم ؟!!

جارة .. البتنجان اول شي لما تقطعيه خليه وسط لا رفيع ولا خميل
واقليه نص قلي يعني ما يتحمر ويدووووب
وبتكوني مجهزة اللحمة المفرومة مع الصلصة وبتصيري تحشي كل وحدة وتلفيها وللزينة فيكي تحطي خلة اسنان فوق كل وحدة وتحطي زيتونة مثلآ وبعدين ممكن تزينيها بالمايونيز او الكآتشب .. شكلها تحفة والطعم روعة

اكتر من حد لما اعزمه واكون عاملاها ينبسطو عليها دون عن باقي الاكل ..

والله انا كمان يا بنات رح اجرب مثلثات التوفي ان شاء الله او مثلثات احساس ههههههههه

بس هلا حعمل مبشورة ان شاء الله من زمان ما عملتها ..:)

اتفضلو اتعشو معنا .. زوجي جايب دجاجة مشوية عالفحم وانا عملت جنبها رز مندي وسلطة خضرآء ^^

[حلا الماس]

الله يكون بعونك يا حواء .. حاسة فيكي لانو لساتني بعاني من الوحام ..

بس اهون مع الدوا الي كتبتلي اياه الدكتورة ... ربي يعديلك هالمرحلة على خير

ويتمملنا على خير ونقوم بالسلامة .. يعني انا مش كتير اكتر منك اقل من شهر

[حلا الماس]

غموووض صحتين عالعشا ...

[جارة القمر]

عسولتي::

لازم هلا تنزليلنا حلوووو وانسميه حلا ست اكرام هااا

بيبو:

هلا وغلا بام بيان

[em3omar]

مرحباً صبايا
اشتقتلكم كتيييييير
الي زمان بحاول ادخل ومش عارفة كتير مشغولة ضيوف رايحين جايين غير البنوتة بدها شغل كتير
قرات شوي من تعليقاتكم بس ما قدرت اقرأ كلشي صارلي زمان مش فايتة وانتو ما شالله بتحكو كتير
المهم الله يبارك فيكم جميعا ويسلمكم
والله يخلف عالي نقط والي ما نقط
بلا طولة سيرة مجمعتلكم كومة صور هلأ ببلش انزللكم ياهم

[عيـ‘ـون المهـ‘ـا]

oـسـاكم معطّـر بالورد الجـوريـــ
لكل الموجوديـنــ
:-:-:-:-:
الجو عنا حلو الو كم يوم دافيـ داب التلج كلو
بس يوم الجمعه هيرجع البرد تاني ]:

احساس ~ دودو ~ لولو الفلسطينيه
تسلموليـ حبيباتي الله يخليلكم الاهل و يضلولكم
و يجمعني باهلي قريبـاااا و الله كتير مشتائه الهم
كل يوم تئريباا بحكي معهم و ما بشبع منهم
احساس>
كتير شغلك مرتب و حلو الواحد يدوء شغل ايدو
و طالما اهلك حبو مثلثات التوفي معناتو بتشجعي تعمليها
كمان مره ** ايامك حلى دائما ان شاء الله

دودو>
اميرة الدردشه كيفــــك ؟؟
لسى معاناه مع قلة النوم الله يعينك .. ان شاء الله تسيري تنامي احسن مع الاشهر الجايه ‘‘ شو بدك تسوي ضريبة الامومه غاليه هههههه

لولو>
كيفها البنوته بلشت تعزبك بحركاتها هههه

حيفـــا >
ربي يقر عيونك بالحمل هاد الشهر ان شاء الله
انتظري شوي و الافضل لبعد موعد الدوره ‘‘ و نحنا منتظرين معك و مندعيلك[:

غموض >
حبيبتي نورك و طلتك يا قمــــر
و صحتين على العشا تتهنو ‘‘ فيه العافيه ان شاء الله

حواء >
الله يهون عليك هالفتره و يتمم الك حملك

عسولتنا >
كيفك اليوم كيف عم تقضي وئتك بعد ما تركتي الشغل


كتير في صباياا ما عم منشوفهم
بينك روز -سهى-ام جودي - ميساا - ام عمر القدس -
ام عمر رشا -لولو حماده
ان شاء الله تكونو بخير