دردشة بنات العراق, دردشة حوامل العراق , تجمع بنات العراق

**نورا** · 07-08-2012, 10:28 AM

اليوم بنت خالتي العروسه راح تجينه خطار وشهر عسل وراح اسويلهم غده سمج مسكوف وتمن
وهسه اروح واكمل شغلي

فوفو العراقية · 07-08-2012, 11:25 AM

صباح الخيرررر

شلونكم كلكم حبايب قلبي...

فروحة حبي
ان شاء الله تفرحينة بخبر حملج بعد كم يوم
بس اذا شاكة سوي من هسة تحليل عادي يصير اني قبل موعد الدورة ب اسبوع سويت وبين.
والنت ليش متجددوه راح نشتاقلج لان عندج تفاعل نشط ويانة ياقلبي.

عسولة حبي شلونج
وشلون النونو
الله يساعدج
العملية مو سهلة والولادة الطبيعية لو مسويتها جان هسة انتي انشط من هيج
والله الله يعينج يارب ويخليلج البيبي وتشوفي عريس..

نورا
حبي على كيفج ويا روحج
ترى لازم متشتغلين هواي
والله يسهلج يارب وتجيبين وتبشرينة.

اني هم يمكن الايام الجاية يقل تواجدي لان ابن خال زوجي خابرنه من هالسنكي وكال يجي يمنة
ماعرف اشكد راح يضل
بس اكيد شغل بيت وطبخ وحر ههههههههههههه وحايرة بهالحر الحجاب اضل لابسته 24 ساعه كلش ماتحمل صايرة
بس اهلا وسهلا بالضيف
ولو هوة اعزب وزوجي راح يتسلا ويا بس ميخالف هم من اشوف رجلي مرتاح ارتاح اني...
اعذروني لقلة تواجد لو اجة اقرباء زوجي
وهوة اكيد اليوم نعرف لو يجي لو لا
لان على اساس باجر الاثنين يجي.

حبيباتي طمنونة عنكم ولا للانقطاع لازم نتواصل.

White angel · 07-08-2012, 12:20 PM

صبااح الخير
شلونكم حبايبي اخباركم
البارحه جنت ب العرس
ورجعنا متاخرين بليل ف مكدرت افتح لان جنت نعسانه وتعبانه

المغتربه المتفائله · 07-08-2012, 01:59 PM

هلووو حبايب شلونكم
شخباركم
فروحه حبي دزيتلج رساله خاصه راح نشتاقلج حبي حاولي تطمنينه عليج ان شاء الله تبشرينا بحملج يااااااارب
عسوله عيوني شخبارج والنونو الحلو شلونه اي حقج تعبين العمليه مزعجه الله يكون بعونج
فوفو اني اعااااااااااني من الخطار دائما عندي حمايه لو عم زوجي لو خاله واني لازم متقيده بالحجاب واني ما متعوده
والجو على طول حار الله يكون بعونج بس مهما يكون هلا بالخطار
نورا عيوني ديري بالج على نفسج وحاولي لاتعبين ان شاء الله تولدين بالسلامه
زنوبه عيوني شلونج شخبارج ان شاء الله بخير
باقي البنات شلونكم حبايب ان شاء الله بصحه وعافيه دووووووووم ياررب

فوفو العراقية · 07-08-2012, 04:48 PM

هلو حبي المغتربة
الله يكون بعونج
اني ما التقيت بحمويني لحد هسة لان همة بالعراق
واني ما البس منهم حجاب
بس من اقارب زوجي اولاد خاله اوعمة او او او لازم
والحمد لله دا تمطر عدنة هسة ورعيد وبده الجو يبرد وحلو صار
بس للاسف خطارنة اجل جيته لان اجو ضيوف ولما يرحون خطاره يجينه
وعالاغلب هالاسبوع

قبل شوية كلت اشغل نفسي
رحت خيطة جراجف لسرير النونو الزغير وحضرته وضميته
والسرير الجبير اخذله جاهز
مابية حيل اخيط بعد...
فديت قلبه
يوم الجن حبيباتي الي مامجهزات تجهزون وتفرحون يارب.

فوفو العراقية · 07-08-2012, 09:22 PM

انتو وينكم اليوم اشو ولا وحده
تعالن نسولف

أم أيهومي · 07-08-2012, 10:11 PM

هلو فوفو حبي بالعافيه الشرشف مالت البيبي يوم الي اتجهزين العرسه
والله اني دايخه بأيهومي البارحه وكع من الجربايه مالت غرفتي كان نايم عليهة وخليتله مخاد وحاوطته وعابرهة والجربايه عاليه والحمد لله مبيه شي بس اليوم شفت حمار بعينه واشويه فوك جفنه واتخبلت كلش خايفه عليه

فوفو العراقية · 07-08-2012, 10:49 PM

هلو حبي ام ايهومي
ولج شجاج
اكو واحد ينيم طفل على جرباية بهيج عمر
اووووف منج
ديري بالج يمعودة
لو حسيتي انها مو طبيعية عينة ودي للطبيب
ترى خطرة هيج لو حمار نازل بالعين.

حبيبتي طمنيني عنه
والف سلامة عليه
سويلة حرمل باجر المغرب.

فوفو العراقية · 07-08-2012, 11:23 PM

بنات اني من الصبح لهسة مالي خلك
وماي كل شوية ينزل علية خفيف
والم وتقلص خفيف يروح ويجي
محتمل لو زاد الماي والالم نص الليل ممكن اروح للمستشفى
ادعول عفية ان ماجيب هسة
بعد وكت علية وخايفه كلش على الطفل ميعيش بهذي الفترة

لو ماجيت باجر يعني بالمستشفى اروح
ادعولي الله يخليكم.

زهرة البنفسج89 · 07-09-2012, 01:31 AM

هلو بنات شلونكم انشالله بخير
اني اليوم دخلت بشهر الثالث ودكتورتي كاتبتلي مثبت دافستون بس اليوم كالولي انه ميخليني اجيب طبيعي لان يصعد الطفل فوك اريد اعرف هذا الحجي صح لو شنو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM