دردشة بنات فلسطين, دردشة حوامل فلسطين, تجمع بنات فلسطين

[غُمُوض أُنثَى]

يسعد مسآكم يا بنات

والله صرت اكسل اكتب هههه

احساس معقول انتي الي عاملة الحلويات هاي طلعتي معدلة هيك واحنا ما عنا علم ^^

عنجد شكلهم بيشهي كتير خصوصا مثلثات التوفي كتير حلو شكلها

بس التانية ما بعرف شو اسمها مبينة دسمة كتير بس يمكن طعمها غير هيك

طيب اعزمينا شي يوم على حلوياتك هههه :))

حيفااا صحة وهنا ع المكرونة لسا مبارح كنت عاملة مكرونة بشاميل بموت في كل انواع المكرونات

واستني شوية بعد موعد الدورة وبعدها اعملي التست وان شاء الله ياااااااااااااارب تكوني حامل

انا حستنى اسبوع واعمل برضو .. هلا لتزكرت انه موعد دورتي بعد كم يوم هههههه ناسياها

مسك حبيبتي سوري اني ما رديت عطول ... ازا عاملة مشاوي بيكون احسن لانه فيكي تبدعي وتتفنني بالسالاد والمقبلات واشكالهم

انا للمقبلات عادة متعودة ع انواع معينة بس بيعنيني الشكل اكتر صراحة

يعني معتمدة لفائف الباذنجان لانه شكلها حلو عالسفرة وسهلة جداااااااا مش محتاجة غلبة
وسلطة الملفوف والجزر بالمايونيز كمان وشكلها حلو
وفيكي تعملي ورق عنب كمية بسيطة لانه كتير لزيز مع المشاوي
والسلطات فيكي تعملي متبل او سلطة تركية او سلطة طحينة كمان لزيزة مع المشاوي

بس ازا رح تجيبي سمك .. مش كل السلطات بتزبط مع السمك
فيكي تعملي شغلات خفيفة مع السمك


عيون المها نورتي حبيبتي

وكل البنات منورين والله حبيباتي

[حواء مثالية]

مساء االخير

شو الاخبار انا كثير تعبانة معدتي بتلعي وكل النهار تعبانة من لوحام

[~{{ DoDo }}~]

غموض
يسعد مساكي

حواء
سلامتك والله يعينك ع اول الحمل
ان شاء الله هالفترة تعدي عليكي ع خير وبعدها ترتاحي

[جارة القمر]

يسعد اوقاتكم.........

غموض::

نورتي ...........
لفائف الباذنجان بتلفيهم بدون شوي ولا قلي وبعدين بتشويهم ولجواهم اللحمه

احساس :
بتنصحيني اعملها و اخودها على بيت اهلي لانه عيد ميلا بابا بس لاني اول مره رح جربها!!ولا اعمل شي بعرفه ؟؟

حواااااااء::

ي ي ي الله يعينك الله يعنيك كم صرتي هلا بالاشهر.....؟ والمشكلة لوحام ما له حل بس في حبوب بتاخديهم الصبح بتخفف
حتى اسمعت عن ابرة بتقلل لوحام اسألي عنها

[عسولة فلسطين]

بييييييييييييييييييييب بيييييييييييييييييييييييييييييب
كييييييييييييييييفكم
نورت يا حيفا والله الصفحة يا حلو
وصحة وهنا ع المعكرونة وزي ما قالوا البنات انتظري شوي وان شاء الله ربنا يكرمنا هالشهر يارب جميعا
باقي الصبايا يسعد مساكم وكل أوقاتكم منورين

[عسولة فلسطين]

والله يا جارة شكلي زيك حأعمل مثلثات التوفي ونسميهم مثلثات احساس ^_^
بدنا نعزم سلفي وخطيبته عنا ع الغدا ايش رأيكم نعمللهم غدا
وشكلي حجرب مثلثات التوفي تحلاية بس يا احساس كيف طعمتها شكلها يمي يمي بيشهي كتير ما شاء الله

[جارة القمر]

هلا بعسولتي::

خلص مثلثات ام الزوز احلى احساس .......احلى مها والله

عسولتي ...اعملي جاج محشي .........ما بعرف هيك خطرلي.........

[عسولة فلسطين]

أوكيز يا جارة والله فكرة زوجي هلأ بسأله قالي كبسة أخوه بيحبها
وبعمل جنبها جاج محشي
وبنعمل مثلثات ام الزوز وبعزمهم مرة تانية وبعمل ليالي هديل العسل
يسعد كل أوقاتك يارب
بدي أقوم ألبس عشان نطلع نبارك لجيرانا ببيتهم الجديد
ألقاكم ان شاء الله بس أرجع بس ما تقطع الكهربا

[beboo]

مسا الخير صبايا

نفر نفر كيفكم وشو اخباركم اشتقت كتير للبرم معكم

مين هون

[حلا الماس]

مسا الخير يا عسولات ...

كيف كان يومكم ..

حيفا : حبيبتي ربي يكرمك وتحملي الشهر هادا يا رب وتجي تبشرينا بس اصبري لموعد الدورة احسن ...

دودو : يا قمر .. ربي يخليكي انا بخير الحمد لله وولادي كتيير مناح .. اها صحيح انا حامل كم يوم وببدأ بالرابع ...

بيبووو : ربي يحميه ويحفظو ما ازكاه .. يا رب تفرحي فيه ...

حواء : كم حامل انتي ؟؟ ربي يعينك على الوحام .. والله انا ماني مصدقة ادخل الرابع بلكي بيخف الوحام شوي .. كلو ولا وجع المعدة
بس والله دكتورتي كتبتلي دوا منيح باخد حبة قبل النوم وما بحس باي شي تاني يوم .. اسمو بيبتيكوم

جارة ** احساس ** غموض ** عسولة ** وباقي الصبايا منورات وربي يسعد مساكم