.·¤ تجمع الحوامل اللي ولادتهم في محرم¤·.

[Marawy]

المشاركة الأصلية كتبت بواسطة ملكتني بهمسك

ياقلبي وعمري انتي >> الجديد اني مو قادره اتحمل كلمه مع تعب الحمل ومدارس العيال وكثرت الواجبات والطلبات الي ماتخلص وشغل البيت وغيابه عن البيت بسبب شغله والعيال حالهم زايد من يوم ثقلت مع الحمل ولا يسمعون الكلام لاني ثقيله ما اقدر اركض وراهم ولا اقدر اشتكي لابوهم لانه يروح تعبان مهدود ولا اخرج اغير جو عن البيت عشان تتعدل النفسيه وماخفي كان اعظم

يا قلبي ريحي بالج ولا تضايقين نفسج.. ربي يهدي لج اعيالج ويهدي زوجج. يسخره لج ان شاء الله..
كل ما تضايقي وحسيتي زادت عليج الضغوط استغفري وتذكري ان هذا اختبار من رب العالمين وينتظر منج تحمدينه وتشكرينه..
ربي يفرج همج ياقلبي..

المشاركة الأصلية كتبت بواسطة ملكتني بهمسك

الله يعينك يمكن تنتظرين هذا الالم وبعدها ماتلحقين على المستشفى وتخرج عند باب بيتكم نصيحه لاتسمعين كلام احد المستشفى ضروريه لمن تحسين بالم يكشفون لين يشبعون اهم شي يكونو حولك ويتصرفون على حسب حالتك لاتغامرين وتجلسي انا وانا عندي خبره لحسيت بالم اروح اطمن ولا اخاطر بنفسي وجنيني عشان كشف زي صديقتي ولدت بنتها في الحمام وكل ماقالها زوجها يلاه قالت لا بانتظر لين فجاءه جاتها الولاده >> لاتغامرين نصيحه من خبره

مشكووره ياقلبي.. زوجي من قريت له ردج خاف على طول قال يالله قومي تجهزي ههههههه.. اللي معجزني درب المستشفى بعيد.. فشله لو اروح وارجع مافيني ولاده..
واللي نرفزني ان زوجي بعد ما قال بيوديني يقول لي ما بترتاحين الا لما تروحين المستشفى! كأني من امس احن عليه ياخذني المستشفى! والله قهر من امس انا ساكته..
ولا يقول لي بعد لو وديتج واختفى الألم مثلي انه فيج! عشان ما نتفشل ههههه! يعني بالله هذي حاله!! قلت له ما بروح خلاص.. لو زاد بقولك وقتها ودني واذا ربي كاتب اولد بالبيت خلني اولد بالبيت.. والله شي يقهر.. الله يعين..

المشاركة الأصلية كتبت بواسطة ملكتني بهمسك

والله على راحتك الله يسهلها لك وعني اكيد باشربه عشان اولد وبطني نضيف

خلاص اليوم بروح اشتريه واشربه.. من بعد ما انقهرت على رد زوجي خلاص ابي اولد.. بشربه الليله وان شاء الله ما يجي بكره الا بنتي بحضني.. ربي يسهلها.. بس مافي ضرر لو اشربه وانا باقي لي 12 يوم على موعدي!؟

[Marawy]

عبير..
والله ابغي اروح ومن بعد رد زوجي كنسلت.. لو رحت ومافي شي ادري فيه ما بيسكت وطول الوقت بيقعد يقول اني انا اكبر المواضيع بس ابي اخوفه.. قلت اسكت احسن..
اللي ربي كاتبه بيصير ان شاء الله..



احب دادو..
الف مبرووك دخولج التاسع عقبال الولاده يارب..
انا سويت مثل ملكتني.. كف مريم يوميا وكل كم يوم اشرب قرفه وزنجبيل و عسل..
واتحمى بماي دافي مايل للحراره.. وامشي وقت ما صار عندي وقت..
ربي يسهل عليج وعلينا..


غايتي الجنه..
ماتشوفين شر.. ان شاء الله يكون طلق..
انا اليوم خلاص بتوكل على الله وبشرب الخروع.. وان شاء الله يجيب نتيجه حلوه..


مسك..
هههههههههههههه وشهد شاهد من اهله.. ومو اي شاهد بعد امه بلحمها وشحمها هههههههه..
فديت قلبج هي صج شكلها ناويه تطلع معاه بنفس اليوم..
لا ولدتي بتتحمس..

[Mishael]

احب دادو الله يتمم لك على خير ابدي مشي نص ساعه باليوم إلى ساعه
واغلي لك ملعقة قرفه مع ملعقة زنجبيل مع ملعقه حبه سودا مقدار كاس وحليها بعسل يوميا كاس
وسوي كف مريم للاسف انا مابعد سويته ،،
وتنقعي بمويه دافيه او تروشي بمويه دافيه كل ليله ولا تشربين اشيا بارده او تحطين عود وبخور لانها تسكر الرحم

[Mishael]

مراوي ماابي اخوفك بس كل ماتذكرة القصه اللي نزلتها ملكتني يوم انها اهملت نفسها وكانت تقول اذا حمى الطلق بروح وعلى هالحال لحد ماجها نزيف وراحت قالو تكلست المشيمه عالجنين وسالفه صارت لها وتوفت بنتها عسى ربي يعوضها خير ويرزقها شفاعتها ،، ماافكر اذا جاني وجع اقعد ولا دقيقه حتى لو راح اذا وصلت وراح اذا رحت لهم اهم شي يكشفون علي ،، وتتذكرين ام اسكندر مابين معها الطلق الا بالجهاز

[ام سلطان!]

غايتي ومسوكه وميشو يسلمووو ع الرد حبايبي..

مراااااوي كف مريم شكله الي يجي كنه شجره يابسه
مدوره من فوق<~~الوصف بس هههه؟؟؟؟
اخذها وانقعها بمويه حاره 12ساعه وبعدين اصفيها بعلبه
مثلاً واشربها كل يوم ولا؟؟؟
والطعم كيف؟؟

وانتي تفورين ماي وتحطين عليه زنجبيل وقرفه مع بعض؟؟

معليه حبيبتي كثرت اسئله بس ابي بالتفصييل عشان ماجيب العيد ههههه...

وبالنسبه لزوجك كل الازواج كذا استغفرالله مدري وش يحسووون فيه
وماعليك منه اذا استمر الالم لساعتين قدام منتظم رووووحي وش لافشله ولاشي
متعودين المستشفى وزوجك خليه يهذررر وتفرجي ع الطريق<~انا كذا خخخخخ
ماركز بكلامه لاتخلين نفسك جتني فكره قولي له اخاف على البنت لايصير فيها شي مو على نفسي <~كيدهن عظيم ههههه

انا زوجي من امس كاشت للجمعه قلت له لو جاني طلق وش اسوي بنفسي قال روحي المستشفى مع ابوك واخوانك وكلمينييي ع طووول اجي
تخيلي المسافه بيني وبينه الحين250كلم
وبخوفه قلت لالا ماراح اعلمك عشان ماتجي مسرع راح وخلاني هههههههههه

عاااادي حلوووه الحياه خخخ

[Marawy]

المشاركة الأصلية كتبت بواسطة ام اسكندر

بنات
اعوذ بالله من الشيطان الرجيم

دحين جيت انام وجاني الجاثوم او مدري ايش اسمه

اللي ماتعرف عنه تبحث بقوقل

لأول مرة بحياتي يجيني

وبالعافية صحيت بعدما كنت خلاص اصرخ وابكي بالمنام وانادي ومايطلعلي صوت

وقمت تعوذت من الشيطان وقرأت الاذكار
وبثواني نمت مرة ثانية وجاني والعياذ بالله مرة ثانية
وقعدت اصرخ وانادي زوجي والجاثوم كاتم ع نفسي مايطلعلي صوت
لين فرج الله عليا وصحيت

تعتقدو السبب اني منزلة صورة بنتي؟؟؟
لأول مرة يجيني الجاثوم والعياذ بالله
والمشكلة مرتين ورا بعض
رغم اني قارئة الاذكار ومتعوذة من الشيطان


مرعوووووبة ولله

بسم الله عليج الرحمن الرحيم.. اعوذ بالله منه.. ربي يبعد عنج كل شر ان شاء الله انتي والنونو.. ويبعد عنكم العين والحسد.. والعين مذكوره بالقران.. حصني نفسج وبنتج واقري الرقيه الشرعيه وربي يحميكم ان شاء الله..
ومثل ما قالوا البنات شغلي القران وخليه شغال 24 ساعه عشانج وعشان البيبي وحتى لو جاو لج ضيوف خليه شغال لا تسكرينه بتاتا.. وبتشوفين حتى نفسيتج بتتعدل..

ربي يحميج ويحفظ لج البنوته وزين سويتي شلتي صورتها.. امي امس قالت لي اقولج تشيلين الصوره تبع يدها لان فيه ناس ما تسمي.. وخصوصا ان مره من المرات دلع الاحساء نبهتني ان فيه بنات بالتجمع وخصوصا المتأخرات عن الحمل ربي يرزقهم ويهديهم يقولوا انهم لما يشوفوا توقيع الحمل يمشي لاي حامل بالمنتدى يحقدون عليها وودهم يصير عندهم.. فما بالج بصوره.. ربي يبعد عنكم كل شر..

المشاركة الأصلية كتبت بواسطة ام اسكندر

اليوم حيكتبولي خروج من المستشفى واخد بنتي من الحاضنة

والله يعين ع السهر جنب هالفصعونة

وبكرة ح اخد ابني من بيت اخويا ﻷ‌نه صجهم بأذيته وضرب بناتهم :(

والشغالة حتبدأ تجيني من بكرة يوم ويوم ﻷ‌

دعواتكم حبيباتي ح انشغل عنكم اعذروني

ربي يعينج فديتج.. ربي يحفظها ويحفظ اسكندر من كل شر ياارب.. ههههههه اتخيل حالة الاستنفار اللي عملها اسكندر في بيت اخوج ههههههه.. احس بناتهم قاعدين بالزوايا خايفين منه يضربهم ههههههههههه يا قلبي عليه..

[Marawy]

المشاركة الأصلية كتبت بواسطة أم عبد الرحمن2006

بنات مين صاير معها مثل ما صاير معي انا سرتي طالعه لدرجة کل شي البسه تبان و الله ما صايره معي في ولدي و بنتي بس الحمل هذا ،بليز لا تطنشوني

انا نفس الشي طالعه سرتي بس مو كثير كثير.. يعني ممكن ما تبان من فوق الملابس بس لو البس ابيض وخفيف تبان..
اتوقع عادي على حسب ما قريت..

[Marawy]

المشاركة الأصلية كتبت بواسطة مسكّ العطورّ

يمه ي خووف اجاثوم قد جاني وانا عروسسه


وكانت الغرفه ظلمه وكنت مفتحه عيوني بسسس والباقي ماقد اتحرك وماحطيت ببالي انه جاثوم لانوو ماعمره جاني ولااعرفه


تدرون وشش طلع ببالي. اني توفيت وبقبري وكنت احرك بسس عيوني واقول بنفسي يالله متى مت وليه قبري مظلم بسسس كبير


خخخخخخخخ وسوست وبالاخير عرفت انه جاثوووم

ههههههههههههههههههه الله يقطع ابليسج ذبحتيني ضحك والله هههههههههه شكلي بولد الليله من هالضحك.. ربي يكفينا الشر ههههههههه..

[ام سلطان!]

مراااوي ياقلبي

نصيحتي لك اذا الالم الي معك نفس الم الدوره
الي هو طلللق قومي امشييييييي لو بالحوووش
ولاخلصتي تنقعي بماي داااافي ولاخلصتي ادهني
بطنك وظهرك بزيت زيتون داافي فيه حبه سودا

وبعدها لو الالم مستمر معك ماتغير رووووووووحي المستشفى

ترا على مااسمع من اهلنا طلق البنت بااارد يعني تاخذين
راحتك بين طلقه وطلقه ..*

[Marawy]

ام سلطان..
اي فديتج هذي هي العشبه..
ملكتني طريقتها انها تغسلها وتنقعها بماي مغلي ل 12 ساعه.. وبعدين تشرب منها..

انا اوقات اسوي هالطريقه واوقات اغلي الماي وهي فيها اخليها تطبخ بس يتغير لون الماي اصفيه واخليها تبرد بعدين اشرب منها..

ومو شرط اشرب كل يوم كوب.. اشرب كل ما اتذكر.. يعني عادي اشرب باليوم 3 مرات مثل الشاي..


والقرفه والزنجبيل احطهم بكوب واحط عليهم ملعقة عسل او ثنتين وبعدين اصب الماي الحار عليهم واغطيه لحد ما يدفى واشربه..


ليها على ربي يعيننا بس على هالازواج.. الحمل خلانا نصير حساسات بزياده..