.·¤ تجمع الحوامل اللي ولادتهم في محرم¤·.

[هدوء الماضي]

كيفكم حوامل عساكم طيبين طمنوني في احد فقس ولا باقي

[Marawy]

شلونكم بنات.. شخباركم..

الالام اللي تجيني من امس للحين مستمره.. لكن ما زادت للحين اقدر استحملها..
بس خايفه من شغله.. انا اشرب كف مريم.. وقريت ان ممكن تجيني الام خفيفه ومحتمله لكن الرحم فاتح لخد 4 او 6 سم!! وخايفه ان هالالام تكون معاي الحين..

امي تقول تو الناس عليج.. وهالالام عاديه بس انا خايفه من هالشي.. وشرايكم! ؟

[غايتي الجنة]

ام سلطان انا اخذت مابعد الولاده لان حجمها كبير واخاف نفس ماقلت ملكتني يطلع الدم عشان اخذت مابعد الولاده

[Mishael]

ملكتني خالاتي كلهم مو بكريات ،، يتوضون بالبيت ويكثرون من الوضو يعني مو ترشه شوي وخلاص ويتبخرون بكمون وعلى طول للمستشفى
وامي تحطها بعلبة المويه وتاخذها معها واذا وصلت المستشفى تشم ريحتههها وتتوضى فيها وانا كم مره دهنت بطني بمويتها عشان الحساسيه وعادي مالاحظة الدكتوره او قالت ان الجنين متضرر من حاجه ،، وفيه حريم خاصه البكر يصبون المويه بالفوطه ويلبسونه وينامون اربع او خمس ساعات الا ينفتح الرحم ،،

،،
ملكتني ابي اولد بس زي غايتي اعطس يرحمك الله هههههه ،،
،،

ودي اسألك ابرة الظهر عادي لو اخذتها وانا رحمي مفتوح مثلن اربعه سانتي لاني سمعت بالمنتدى اذا كان الرحم مفتوح ماتعطي مفعول ،،

،،

ام سلطااااان عليييك بالف عافيه التوزيعات مابغيتي تخلصيينها احس شكلها كيووت عقبال ماتوزعينها بالسلامه يارب،،

،،
ايه بعد ملكتني بقى سؤال اللحين لو نزلت علي موية الجنين عادي لو اتروش ماابي اروح وريحتي كمون وبصل

[غايتي الجنة]

هلا مرواي يالله شدي حيلك وامشي واذا عندك زيت خروخ اشربي خليك باذن الله اخر الليل يجيك فرج ربي وتولدين باذن الله

الله يسهل عليك وعلينا يارب

اللهم امين

[Mishael]

مراوي الافضل تروحين المستشفى دام معاك الالم وزي ماقالت ملكتني خلني عندهم يبلشوني ويلعوزوني بس اهم شي ادري وش فيني ،،

،،
هدوؤ اعزز فقسة مشاءالله وانتي وش صار معك

[Marawy]

هدوء الماضي.. بخير ربي يسلمج.. طمنينا عنج.. ؟ للحين الافرازات مستمره والا وقفت؟؟ ربي يبعد عنج كل شر..

[Marawy]

المشاركة الأصلية كتبت بواسطة ملكتني بهمسك

يااا قلبي.. صاار خاطري اولد الحين الحين وبهاللحظه.. ودي اشم ريحة بنتي واشوفها جي..

[Marawy]

غايتي الجنه.. ربي يسهل عليج ان شاء الله.. ههههههه انا نفسج كل ما يجي الم اقول لا مو وقته ههههه زوجي يقول لي عيل متى وقته! خلاص خليها تطلع وحشتني هههههههه..
امس جاني الالم وانا افكر في عبايتي اعطيتها الشغاله تغسلها هههههههههه وغير هذا اني ما حلقت وشلت الشعر طالع خفيف.. ههههههه والله احس بتختار وقت غلط بنتي تطلع فيه..

ربي يسمع منج يالغاليه.. والله افكر اشرب الخروع لكن فيني تردد مو طبيعي وخايفه منه مدري ليش.. وخايفه اجازف..
افكر اقنع زوجي يوديني لدكتوره في الخاص تكشف علي وتقول لي كم مفتوح الرحم واسألها عن الخروع مره وحده.. لانها مصريه اتوقع بتفيدني..

[Marawy]

المشاركة الأصلية كتبت بواسطة ام سلطان!

مخييي تنننح وش استخدم الحين ووش اخليييي

انا دخلت التاسع لي كم يوم تقريباً<~~والله لخبطوني هالمستشفيات
يوم الثلاثا الي راح رحت الاهلي تقول ماشيه مع السونار لك35اسبوع

وش اشرب وش اخذ واذا جا الطلق وش اشرب

الي اعرفه ابد بالتمر والمشي الحين بس لسى مابديت
ووقت الطلق اتنقع بمويه دافيه وادهن بزيت زيتون فيه حبو البركه
واشرب زمزم هذا الي بمخي الحين
<~~تناااحه ههههه*

ههههههههه.. حاسه فيج.. جاني نفس الشعور..
انا سويت نفس ملكتني ربي يحفظها.. شربت كف مريم يوميا.. وكل كم يوم اسوي لي دارسين مع زنجبيل وعسل واشربه.. ولما يجيني الم اشرب ماي ورد مع زعفران دافي امي تسويه لي..

ويوميا ادخل اخذ دش ماي دافي مايل للحراره واقعد قعدة القرفصاء بالحمام واهلي الماي يمشي على جسمي..
واعمل تمرين القرفصاء اني اوقف وقدامي كرسي واحاول انزل اقعد وارجع اقوم 10 الى 20 مره باليوم.. غير المشي بس للامانه المشي مو كل يوم..

ويوميا احط قبل لا انام مطارة ماي حار على ظهري وانام.. تريحني وتودي الام ظهري..

وافكر من اليوم ابتدي اشرب حليب ابيض مطبوخ بزنجبيل مع سكر.. لانه داخل بخاطري..

وبس..

المشاركة الأصلية كتبت بواسطة ام سلطان!

ميشووو ابشرك خلصت توزيعاتي
<~بدري ههههه

رحت لمحل يسوي توزيعات سوا لي حصن المسلم
مرررره شكله حلووو وفخم مغلف بمخمل وردي وعليه
قطع الحديد الي يكتبون عليها وحطيت عباره وتحت اسمها (ديم)
عشان كذا قررنا الاسم بالمحل ههههههه
وملفوف بشرايط فضي ووردي ومثبت عليه كيسة اورقنزا فضي صغيييره
داخلها تولة عطر فرنسي..
سويت 50حبه ب700
وبستلمها الاحد ان شاالله هذي بخليها للحريم الكبار
وتوزيعات النوووووت:
وشريت دفاتر عاديه الي تجي لونها ازرق زي روكو كبر الكف
وغلفتها بمخمل ابيض على رمادي وزينته بشرايط وفراشات
سويت 36حبه هذي توزيعات البنات الي كبرنا..
خلصتهم خلاص طلعت كيووووت..

وبشتري رضعات صغييييره بعبيها حلاو ام اند امز للاطفال
والماي بزينه بنفسي بقى عندي شرايط ومجسمات خشبيه..

وبثثث الشوكولاته مدري متى اشتريها اخاف تخرب او تذوب*

عليج بالف عافيه التوزيعات الافكار حلوه وروووعه.. تتهني بيهم.. ننتظرج تحطين صورهم نشوفهم.. ربي يجيب * ديم *. بالسلامه ياارب.. وتفرحين فيها..