تجمع مواليد من عمر شهر الى سنة

[أم ح ــنونـہ]

تصدقوا للآن ما سوينا شهادة ميلاد لحنونتي
بس بكره زوجي راح يشوف الموضوع
وان شاء الله خير

[أم ح ــنونـہ]

تصدقون اشتقت لايام الحمل ♥

[متغليه لعيوني]

سلام كيفكم وكيف الكتاكيت انا الحمدالله طيبه ومعوذي طيب صااااااااار اخر دلع لارضاع عدله ولانوم زي الناس بس زن يبغى شيل وانا مو ملحقه حتى انام عدل ولاملاحقه على شغل البيت الله يهديه بسالكم بنات عند ولدي في عيبه من الجنب حبه من جو الجلد صغيره لها كم شهر وانا اقول امكن تروح امكن تروح بس ماراحت امس وديته عند دكتوره بس ماعجبني كلامها حسيته ماتفهم تقولي من الطهاره امكن غرزه قلتلها احنا ماسوينا له غرز قالت امكن انظغط عليه فصار لها حبه زي لما تتعوري ماتروح التعويره مدري مو مقتنعه وناويه اوديه دكتور ثانيه بس قلت امكن احد يعرف طمنوني يابنات ربي يسعدكم وممكن كل واحده تقول نونتها ايش صار يعمل في الاربع شهور من حركات ومتى نبداء نجلسه شفت واحده في المستشفى مجلسه ولدها والد ماشاء الله عليه جالس تمام وعمره اربعه شهور وانا الى الان مابديت اعكسه لاني خايفه عليه وهو كمان اربع ايام يخلص الاربع شهور وسلامتك هداره وسلامي للجميع ما احفظ اسماء معليش سامحوني

[مرهفة الإحساس]

ليه الزعل يا بنات والله انا بحمد ربنا ان في تجمع جمعنا بعد الولادة في الاخر نروح ونسيب بعض ليه الشيطان يدخل ما بينا اكيد كل وحدة ليها عذرها والله اني حبيتكم وصرتوا كلكم متل خواتي والله انا ان شاء الله ما يفرقني عنكم غير قدر الله فيا وان شاء الله نفضل مع بعض لين تاني وتالت بيبي
يالا 4يو انتي ونيو مام استعيذوا من الشيطان وارجعوا

[مرهفة الإحساس]

يا بنات انا اليوم نظفت البيت عشان هيك ما فتحت الصبح والحمدلله طول ماانا اسوي حاملة ريماس ولو حطتها شوي تصرخ جامد وطبعا الحين انا خلصت بس مهدودة الله المستعان

[مرهفة الإحساس]

حبيبيتي متغلية انا بنتي ريماس عمرها اربع شهور و5 ايام واقعدها بس اسندها بشي او بيدي واحط امامها لعبها بس هيا لسا ما تعرف تمسك عدل تمسك الشي شوية صغيرين بعدين تسيب

[مرهفة الإحساس]

سوسو حرام عليكي اشتقت لايام الكرشة ؟؟؟

[أم ح ــنونـہ]

هههههههههه والله لها ذكريات حلوه وبالذات في آخر الشهور ^^
كانوا اخواتي موجوديين ورمضان وعيد وحفلات
الله ياريت اخواتي يرجعوا تاني ونتجمع مثل قبل :(
الله يعين

[أم ح ــنونـہ]

حنونه جننتني تنام شويه
بس احطها على السرير تقوم وتزززززززن
ودحين قاعده تبكي
يلا لازم اروح
سلام

[زهرة الموسم]

مامات..
بنتي بس تبكي مو عارفه ايش اعملها قلت يمكن اتمشعت فدهنت صدرها بلزيت وكوفلتها بس تبكي حبيبتي قطعت قلبي ودحين سكتت بس مهي قادرة تنام:((*