تجمع حوامل ليبيا

الهندية · 07-23-2010, 07:23 PM

عيون زوجى والله مازال فى المستشفى اما حماواتى اميسر الله يمسيها بالخير عطتنى خطة او مجموعة افكار نمشى بيهن مع انى نشك انهن ينجحن لكن نول شرف المحاولة بس بنتى تو عمرها 5 شهور ورايحة متسمحة ودير فى حركات يهبلوا معاش ندور فى مشاكلهن التافه اللى يديروا فيه وكلامهم يخش من وذن ويطلع من وذن ...
مشكلتى وزنى زاد عندى زيادة 8 كبلوا وانا مش عارفا ننقص وتعلقياتهم تو كلها على جسمى مع انى والله مش باينة انى سمينة ....لكن شنو بندير مش عارفا ...؟؟
ام روفيدة موبارك البيبى ...والحمل
ساجدة حمدلله عالسلامة
لولى كيف حالك حبيبتى
ميرنا وينك استحاشت خفة دمك ؟؟؟

عيون زوجي · 07-23-2010, 09:07 PM

السلام عليكم
كيف حالكم توا يا عويله
هلا هندية...الله غالب الحموات يبوا جو الرسميات فوق فوق ما تعامليهمش وتقولي زي خواتي تندمي
وبنيتك ربي يحفظها كيف حالها توا وفوتي 4شهور تانيات واحملي تاني خيرلك
وحكاية الوزن ديريلها حل قبل ما تحملي تاني خيرلك انا احملت على طول وما درتش ريجيم وحملت وعمر بنتي 6شهور وتوا بنحصل في تنقيص الوزن مضاعف متاع الحمل الاول والتاني

عيون زوجي · 07-23-2010, 09:10 PM

اقتباس:

المشاركة الأصلية كتبت بواسطة ساجدة

مشكورة ياعيون زوجها علي سؤالك عليا....انا بنتي الاولي عمرها 5سنوات (حشا عيونك)وليا تقريبا شهر والدة..بس انشاء الله المره الجايه نحمل بسرعة عشان مايبقاش فرق في العمربس انكون في بلادي...

ربي يخليهملك الزوز وعقبال اخيهم السنه الجاية يارب

عيون زوجي · 07-23-2010, 09:12 PM

لولي...بنسئلك عندكم عبايات حلوات في قطر زي عبايات دبي ولا لا
وشن الاسعااااااااار عندكم رخيصة ولا غاليه

الهندية · 07-23-2010, 10:22 PM

عيون زوجى حتى انا هكى معاملاتى نحاول حديثى يكون عام لكن هم ميبوش وزى اللى فاطنين انى منبيهمش يدخلوا والله مشكلة بس تعرفى بديت نتأقلم خصوصا تو خشيت فيهم اسلوبهم فى بعضهم مش كويس فمبالك انا ...
نحمل مرة ثانية ..بعيدة شوية نين بنتى تكبر وبعدين انا جايبة بالعملية ومدرسة تو مش عارفا لما تبدأ المدرسة كيف بنوفق بين هكى وهكى قاعدة متأقلمتش مع الجو الجديد ...
مقدرنش ننقص ونحس فى شهيتى مفتوحة مقعمزة غير نفتلك ونكوجن ...هههههههه
مكنتش هكى مش عارفا غير نفطم بنتى نبى ناخذ منتجات زين الاثاث ...لازم
لولى كيفيك ؟

الهندية · 07-23-2010, 10:23 PM

اميسر وينك ....استحاشتك؟

لولى2010 · 07-23-2010, 10:23 PM

كيف حالك هنديه وكيف حال بنوتك السمحه وسعى بالك للحمواتك وماتعدليش عليهن
عيون حبيبيتى والله هنا قطر كل حاجه فيها زى دبي بس الاسعار نار اقل عبايه او جلبيه حلو 1000$ غاليه بكل لان هدا لبسهم وهم ماشاء الله عليهم يشرو

لولى2010 · 07-23-2010, 10:24 PM

عيون اى استفسار تفضلى بس التفصيل اقل شوى

ام روفيدة · 07-23-2010, 10:43 PM

السلام عليكم كيف حالكم توا بارك الله فيك اختي عيون زوجي وربي يتقبل منك ونجيب قبل التلاتاء اللهم امين اختي هندية كيف حالك وسعي بالك مع حماواتك وفوتي كل كلمة تسمعيها وحاولي تكسبي قلب زوجك اكثر واكثر هو اهم شيء في حياتك وربي يحفظك ويرعاك ويحفظ لك زوجك وبنتك ويباعد عنكم كل مكروه اللهم امين
اختي لولي كيف حالك وكيف حال بنتك إن شاء الله بخير

smhaa · 07-24-2010, 12:23 AM

اقتباس:

المشاركة الأصلية كتبت بواسطة ساجدة

كيف حالك ياسموحه شن دايره وشن اخبارك انا ليا فتره غايبه علي التجمع مش عارفه اخباركن والصفحات مشاء الله ماعنديش وقت نقراهن كلهن ...انا ليا شهر جايبه بنيه وعندي من قبل ابنيه وانا ليا سنه عايشه في بريطانيا ..وانتي شن اخبارك

اهلييييين وخيتي حالي كويس اهو نراجي في الدورة باش نبدا في التنشيط

مشاء الله ربي يخليهم ليك

اني عايشة في طرابلس وعندي حوش في القاهرة نمشي نصيف كل سنة غادي بس السنة هادي مش حنمشي علي خاطر العلاج روحت من غادي شهر 3 اللي فات قبل حملي اللي طاح بشهر