تجمع الحوامل اللي ولادتهن في شوال1433

[ليلى الجميلة]

أنا مااحب أطقم في الاسماء بس ذي المره تحدي أنا وزوجي أنا ابغا اسمي هو سما الولد على أبوه والبنت على امه ناصر وليلى بس ذي المره اذا ربي كتب أنا راح اسمي

[ليلى الجميلة]

أنا عند أهلي وكل ما اقول لهم اسم عقدوني والله محتاره انتي أيش رأيك ياقمر

[beshooo.ali]

هههههههههههههههه
يلا الحمدلله انو اسم امو وابوه حلويين :)
امم انا يعجبني اسم يزن وكنت اتمنى لو ولد اكون ام يزن
خاصة عجبني اكثر بعد ماتعرفت ع صاحب اخويا في التمهيدي
وكان ولد مرررة خطير ماشاء الله تبارك الله حليوة وذكي
بس يلا ان شاء الله لمن احمل المرة الجاية بسمي يزن :)
كماان معناه مراا حلوو يحكم ويعدل بين الناس
امم وممكن فيصل طلال نايف ونواف ويعجبني كمان اسم بندر وبدر
اممم احس الاسامي الجديدة للاولاد اغلبها مو قد كذا نادرا اذا لقيتي اسامي حلوة
اشرايك بالاسامي ؟؟

[ليلى الجميلة]

تدرين اسم يزن مره عاجبني حلو مره واسم طلال ونواف ونايف اولاد اخواتي أنا كان نفسي الياس بس اخواتي حطموني طيب أيش رأيك في اسم أياد

[beshooo.ali]

اياد حلوو بس الياس يعني
ونواية تنفسين عند اهلك ولا في بيتك ؟؟

[ليلى الجميلة]

اذا ربي كتب وجاتني الولاده في الاجازه بكون عند أهلي واذا ربي كتب لي الولاده في العيد بكون في بيتي لان ولدي وبنتي في المدرسه وفيه مسافه أهلي في الطايف وانا بيتي في اخر الدنيا في الجبيل الصناعيه تخيلي

[beshooo.ali]

لا ان شاء تولدي في الاجازة وتكوني انتي والبيبي بخيير
اسمع انو الجبيل الصناعية مراا حلوا ماكانك في السعودية >> سمعتوا من برنامج الثامنه :)

[ليلى الجميلة]

صراحه هي حلوووه مررررررره وانا وزوجي ارتحنا فيها مره بس في الصيف الحر مره مزعج اكثر من جده بكثير بس الحمد لله زوجي مدرس يعني نتركها في الصيف ان شاء الله ربي يكتب لك زياره لها ونتشرف بمعرفتك

[beshooo.ali]

اممم حمستيني لهااا ان شاء الله بعد سنتين لمن نرجع لسعودية :)
لانو بعد مااولد بروح عند زوجي في امريكا ..
وانتي كل صيف تنزلي للطايف عند اهلك ؟؟

[ليلى الجميلة]

ترجعين بالسلامه ان شاء الله

أنا انزل لأهلي مرتين في السنه لان أمي وابوي لازم اشوفهم والصيف اذا مارحنا وسافرنا مكان اروح لأهلي


زي دحين لي شهر عندهم مع ضروف الحمل مافي روحه ولا مكان