دردشة حوامل أهل جدة - دردشة بنات جدة - تجمع حوامل مدينة جدة

[dndosha]

صباااااااح الخيييييييييير

انا من جده وحاااابه انضم معاكم بس حاليا فلندن واخر الشهر ان شاءالله حنزل جده

:)

[dndosha]

نكهة قهوه

هههههههههههههههههههه

هلاااااااااااااا والله ببنت قروووووبي

كيفك يا عسل يلا حلوه الصدفه دي كمان من جده ونتقابل هنا برا القروب

ههههههههههههه

كييييييفك

:)

[نكهة القهوة]

يا صـــــباااااااااح النــــــوووووور
يسعدلي هالصباح وهالطلة الحلوة يا دندوشة
ههههههههههههههههههه
يا محــــــــلى الصدف
يا هلا ببنت قروووووبي الحمد لله انا بخير
كيفك أنتي بشريني عنك
وان شاء الله توصلي جدة بالسلامة .

[ورد الجبل]

كشه ناعمه تسلمين ياقلبي طمنينيني عليك ان شاء الله احسن
نكهة القهوه مشكوره ياعسل على النصيحه وعلى المعلومه ربي يحفظكم
على فكره انا من القنفذه بس حبيت انظم لكم يا أهل جده
تحيااااااااتي للكروشات

[كشه ناعمه]

الحمدلله وووووقف النزف بس انتضر موعدي مع الدكتوره واشوف وش صار
انتو كيفكم نكهة قهوة وياورده ان شاءلله تيبيييين

[alas]

بنات السلام عليكم ممكن تكتبون اسعار الولادات الطبيعيه بمستشفيات جده الله يوفقكم لو يصير ملف مرجع لنا مستشفى السعودي الالماني الولاده ب 5000نفسي اعرف باقي المستشفيات

[المخملية]

alas...
الولادة عند دلال بوقس بسليمان فقيه توصل لـ 8000 -9000 ريال
أما أسماء شحرور مابين 6500-7500
وهذا للطبيعي أما أسعار القيصري فماادري
وكلهم بمستشفى سليمان فقيه يولدوو
المستشفى على مااعتقد لها 5000 أو 4500 والباقي من السعر يكون للدكتورة
هذا الي اعرفهم ...~

بنااات جدة .... أبغى أعرف أفضل صالون بجدة للصبغه
ههههه أدري مو وقته ولا هذا مكانه بس ايش اسوي دامه دردشه لبنات وكروشات جدة خليني استفيد منكم

[كشه ناعمه]

ولله ما أعرف ان شاءلله البنات يفيدونك
...
..

[المخملية]

يااريت والله
الي تعرف وجربت صالونات بالصبغة تقوولي
لاني ماعمري صبغت الا مرة وحدة وصبغت بالبيت وكم خصلة عند وحدة تسوي ببيتها جنب خالتي وماكانت مرة حلوة
فنفسي بلوك جديد هالمرة وابغى صالون فنان بالصبغه
بس لاتقولو لي جمالك ,,,ابغى غيرو

وطمنينا عليك ياكشة ناعمه اذا رحتي لدكتورتك

[نكهة القهوة]

صباح الخير كروشات
كيفكم عساكم بخير وكيف النونوات <<< تيبين
كشكوشه / أيش رأيك بالدلع بس خخخخخخ الله يسلمك انا الحمد لله بخير بس حايسة ماني لاقيه خدامة ما أعرف أحد لا جيران ولا قرايب يساعدوني وتعبت من شغل البيت ظهري يوجعني ويدي ماني قادرة أرفعها الله يعين الجميع .
ياليت يابنات اللي عندها أرقام شغالات أي جنسية ترسلهم لي عالخاص ولها دعوة بظهر الغيب .
مخملية / فيه عندك مشغل دار الجمال حي الفيحاء بالمطار القديم شارع عبدالله سليمان عندهم وحدة أسمها أمل للصبغات يمدحونها بس للأمانة انا ماجربتها .
واللي جربتها للهاي لايت وحدة أسمها كوثر بمشغل الأزياء الحديثة إذا تبغي رقم المشغل أرسلوا لك على الخاص بصراحة روووووعــــــة وثلاث مرات صبغة عندها والكل يسألني عن الصبغة فين سويتها وبعد الولادة ان شاء الله بأروح لمشغل نواره لأنه قريب مني بأجربهم >>>> الله يستر من التجربة .