دردشة بنات فلسطين , دردشة حوامل فلسطين , تجمع بنات فلسطين

im mohmmed · 03-31-2013, 12:25 AM

بنات الضفة مين بتئدر تجيبلي رقم وزير الصحة يلي بالضفة رقم مكتبوا يلي برام الله ؟؟؟

طول اليوم وانا بلفلف مشان نعمل تحويلة لامي ع اسرائيل بس لا حياة لمن تنادي المشكلة من وزير الصحة يلي بالضفة

ادعولها يابنات ربنا يخفف وجع امي يارب

احساس أنثى · 03-31-2013, 12:37 AM

ام محمد ربي يرفع عنها يارب وتتسهل اموركم

im mohmmed · 03-31-2013, 12:45 AM

الله يسمع منك يا احساس يا زوء
كيفك ؟؟؟

مسك السنين · 03-31-2013, 01:03 AM

ام محمد سلامة امك

احساس هههههه

جارة وحواء ولولو منوووورين

احساس أنثى · 03-31-2013, 01:36 AM

دووووووووم يامسك شو رحتى على أزمير؟؟

انا بخير ياام محمد عصافير بطني بتزقزق وكسلانه تقوم اتعشى

مسك السنين · 03-31-2013, 08:07 AM

رحت وتركتلك كومنت بالصفحة السابقة اقريه
وجدا رااااائع
ومفكرين اللبلة العشا بالطابون يلي بشارع العشاق

اتفضلي هاااا

مسك السنين · 03-31-2013, 08:09 AM

ام محمد ليش ماتروحي لمفيد المخللاتي انسان رايق و محترم بسمعك وبشوفلك طلبك هو وزير الصحة حاليا

ويارب السلامة التامة ﻻمك

حيفا · 03-31-2013, 08:32 AM

صباح الخير ياحلوين ويومکم سعيد باذن الله :)

ام محمد بحاول اسالک عن رقم وزير الصحه هون, ويارب يشفي والدتک ويخفف عنها يالله

~{{ DoDo }}~ · 03-31-2013, 09:18 AM

صباح الخير صبايا
كيفكم ان شاء الله بخير ؟
حاكيين كتير اسم الله قريت الصفحات عالسريع وعرفت اخباركم

جاااااارة تسلميلي سالتي عني انا الحمدلله بخير وهيني جيت
المهم اليومين اللي فاتوا كانوا زحمة كتير وانشغلت كتير مع زوجي كنا بنشوف شو النواقص وبنجيب
بما انه انا شوي نشيطة الفترة هاي وابصر لقدام كيف الوضع يكون
وبنفس الوقت تعب تعب تعب وتقل بجد صرت اتعب من اقل شي الحمدلله وبحس بتقل

ومبارح كان موعدي مع الدكتورة واطمنت على كل الامور الحمدلله
البيبي تمام ووزنه ماشاء الله كيلو و100 جرام وشفت ملامحمه مشاء الله بيشبه ابوه كتير
وراسه هلا لتحت والدكتورة طمنتني ان شاء الله بضل تحت وكنت تعبانة كتير قبلها من النغزات تحت
بس طلعت لانه قلب لتحت وكبر صار يوجع واهم اهم شي انه وزني انا مش زايد ولا جرام من الشهر الماضي
هههههه الدكتورة انبسطت علي انه البيبي اسم الله وزنه تضاعف وانا متل ما انا يعني ممتاز لهلا 9 كيلو بس زدت هههههه

المهم حكيت كتير معلش سامحوني بس حبيت انه خواتي يشاركوني هالشغلات بما اني بغربة ولحالي ومافي حدا اقلله هالقصص
بحبكم كلكم وادعولي يا حلوين

صحيح مين مداوم بالدوام الصباحي اليوووووووم اشتقتلكم

مسك السنين · 03-31-2013, 09:30 AM

دودو مبارك الشغﻻت الي جبتيهم ويابب عمور يجي بالسلامة وتفرحي بشوفتو ياعسل

وعقبال لولو متلك وباقي الصبايا اللي عليهم الدور ههههه

انا هنا بالدوام الصباحي لوووول

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
السياحة في فلسطين قمة من الجمال 2012 , صور من مدينة نابلس في فلسطين الرائعة 2013	خليجية وافتخر	المـنـتـدى الـعـام	0	06-10-2012 07:46 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM