دردشة حوامل مصر - دردشة بنات مصر - تجمع حوامل مصر ‏

[gogo]

هههههههههههه بزاكر من الفضى الفاضى يعمل قاضى ويزاكر الى فات ف التجمع
انا تمام الحمد لله
حضرى شنطه البيبى بقى

[malak ahmed]

ههههههههه شوفتي يختي التعليمات وحلاوتها

انا مشيت مشي امبارح وكنت متوقعه انه هيقولي ان الراس نزلت الحوض من المشي ده لقيته بيقولي لسه

وبقوله ان الحركه قلت يقولي لا مقلتش متهيالك ..طب عرف منيييييييييييييييين تكونش البت في بطنه هو ؟؟ هههههههه

[malak ahmed]

ايوة يا جوجو انا حضرتها بس لسه مقفلتهاش عشان لو نسيت حاجه كده او كده

الاسبوع اللي فات كنت بدعي ربنا اني اولد علي النهارده وكنت مهيأه نفسي لكده وفضلت اقول لماما انا هولد بكره ولسه اهو بستني الفرج

والنهارده حلمت اني ولدت وانها طلعت شبه باباها يعني مش هتتجوز ههههههههههههه

ياريت تيجي شبهو ده ابوها زي العسل

[gogo]

هههههههههههه يانهاد الدكتور دايما على حق
بس طبيعى يابنتى ان الحركه تقل البيبى اكتمل جوه الرحم والرحم حجمه صغير يعنى مفيش مساحه يتحرك كتير هو تلاقى الراجل يقصد ان طبيعى الحركه تقل بس رمضان بقى والصيام عمل عمايله هههههههههه

[gogo]

ههههههههههههه ده طبعا من ورا قلبك علشان لما البنت تيجى هتعدوا تتخانقوا طلعه شبه مين وكل واحد يفتى ويقول دى واخده عينى والى واخده مناخيره وتلاقى البونيه ف الاخر مش شبه حد خالص بس كله بيهيص ف الهيصه

[malak ahmed]

ههههههههههه ماحنا بنقول من دلوقتي اننا هنشوف مين بيحب التاني اكتر وياتري هتيجي شبه مين

شكلها ف الاخر هتيجي يا شبه امي يا شبه حماتي والاتنين والله حلوين اوى ما شاءالله بس ماما علي ملون وحماتي علي ابيض واسود هههههههههه

[gogo]

ههههههههههههه صراحه الملون حلو لانه قليل بس الابيض والاسود ليه هيبته بردوا
يعنى البنت كده هتتجوز كده هتتجوز متقلقيش

[gogo]

انا صاحيه انهارده بدرى واليوم لسه طويلللللللل
وانا بدءت احس بالجوع من الوقتى

[malak ahmed]

علي رايك مفيش حد بيبور

انا حماتي بيضا ما شاءالله وجميله اوى بس عاديه .. امي بقي شعرها بني وبيضا وعنيها ملونه يعني حماتي محلي وامي مستورد هههههههه

[malak ahmed]

الله يكون في عونك بجد م الصيام عندك

حاولي تشغلي نفسك بقراءه القران او شغل البيت وهتلاقي اليوم عدي

والله يا هاجر الواحده مقصره اوى في قراءه القرءان السنه دي .ز كل ما امسك المصحف ادوخ وانام القراءه فيه بتنيمني اوى استغفر الله العظيم