تجمع الكروشات اللي موعد ولادتهم شهر * رمضآآن * 1432

وفقني يارب · 05-10-2011, 06:45 PM

والله ياقلبي انا مرره وحده سويته
بس دقيقه انزل لك طريقته من النت
لان ملكه طلعت من المسن مدري بترجع ولالا

rooraa · 05-10-2011, 06:46 PM

لا يا ملكه يا حبيبتي احنا بناتنا ما ينشرو بالفلوس والدهب
احنا نبغا الرجال الي يخاف الله فبناتنا ويهنيها فحياتها ويصونها ويكون ظهر لها وتكون عينو مليانه ماهو بصباااااص ايش عرفنا ولدك بوكرا يطلع بصباص والله يويلو تراني حماه قوييييييييييييييه وبناتي مدلعين اخر دلع

لخاطرعيونك · 05-10-2011, 06:51 PM

اوكي انتظرك

وفقني يارب · 05-10-2011, 06:56 PM

تكفين رورا هذا وللحين ماجا وقت الجد صرتي كذا كيف لو انخطبو بناتك صدق يمممممممممممممممممممممممممممه منك

وفقني يارب · 05-10-2011, 06:57 PM

بسم الله الرحمن الرحيم
اول شي تجيبو الدجاجه زي ماهي تنظفوها من بره وجوه كويس وحطوها في مصفايه عشان تنزل المويه منها
تاني شي جيبو لحم مفروم حطيه على نار وسط وقلبيه وقرب مايستوي حطي عليه بصل مفروم وكزبره مقطعه وحطي البهارات ملح فلفل اسود قرفه قرنفل كزبره ناشفه وكمون وشيليه من على النار
حطي المفروم في زبديه وحطي معاه شويه مره ثوم مطحون وغسلي ملعقة اكل رز مصري وحطيه معاهم واخيرا شوية زعفران وزيتون مقطع
خذي الدجاجه واحشيها بالخلطه وقفلي الدجاجه باعواد الاسنان الخشب واذا فاضيه خيطيها وادهنيها بصلصه وصفار الزعفران
جيبي قدر البخار واذا ماعندك مشي حالك وجيبي قدر حطي في مويه وحطي فوقه مصفايه بس لازم المصفايه تكون داخل نصها في القدر موتحطي المصفايه كلها في القدر ههههههه وبعدين حطي الدجاجه في المصفايه وغطيها بالقصدير عشان لايخرج البخار اظن فاهمه وولعو تحتو على نار وسط وسيبيه لغايه ما تستوي الدجاجه
كدا انتهينا من الدجاجه ايش نسوي بعد كدا
سوي رز ابيض البسمتي اظن عارفين كيف
لما تستوي الدجاجه شيليها من على النار حطيها في صينيه وعلى طول حمريها في الفرن
لا ترمي المويه اللي في القدر لانها حتكون صفره من الزعفران وفيها مسلوقة الدجاج ايش تسوي
جيبي معكرونه وحطيها تنسلق بعد ما تنسلق ممكن ترمي المويه
قطعي بصله وحطيها في القدر على النار وخليها تحمر شويه مع الزيت شويه ممكن ملعقه وبعدين حطي ثوم مطحون ملعقة شاهي لاتكتري ومكعب ماجي وفلفل اسود ونقطة ملح بس عشان لا يصير مالح بعدين حطي الصلصة وشوية مويه حاره وبعدين حطي المعكرونه اللي انسلقت وقلبيها في الخلطه وطفي تحتها
طريقة التقديم
جيبي الرز حطيه في الصحن اللي حتقدميه وحطي فوقه المعكرونه والدجاجه فوق المعكرونه في نص الصحن وزيني الصحن باللوز المقلي والزبيب

لخاطرعيونك · 05-10-2011, 07:01 PM

يمي يمي شكلة لذيذ يسلووو ياعسولتي

*هلا* · 05-10-2011, 07:11 PM

اقتباس:

المشاركة الأصلية كتبت بواسطة šǾśŏ ǻmaѓ

انا لما عملت تصوير في اول السادس

كان البيبي رجوله تحت وراسه فوق
ووصتني اسجد واطول في السجود
عشان يرجع لوضعه الطبيعي
وقالت لو مارجع لوضعه الطبيعي لغاية الولاده

راح تولدني قيصري

صحيح كمان انا قالت اذا ما تعدل راح تولدي قيصري

بنات ردوووووووووو علي

وفقني يارب · 05-10-2011, 07:15 PM

بالعافيه ياقلبي بس انا عجازه ماحطيت مكرونه معها رز حطيت صحن زينته بالخس والطماط وحطيت الدجاج بوسطه وبس

قلبو هلا مابي افتي ولا ابي اخوفك ولا ابي اطمنك علشان كذا ياعمري ماعلقت

rooraa · 05-10-2011, 07:21 PM

باك كروشات جيت بيت اهلي هههههههههههه
شايفه كيف يوفقني

لخاطرعيونك · 05-10-2011, 07:21 PM

كيف لازم يكون راس الطفل بسادس انا الدكتورة قالت راسة فوق ورجولة تحت مدري عادي ولا لا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع ما بعد الولادة	طبيبة القلوب	إستفسارات مرحلة الولادة	13745	06-19-2014 09:03 AM
تجمع الكروشات الينبعاويات حياكم	تاج الحورية	إستفسارات حوامل من الشهر السابع إلى الشهر التاسع	19	04-16-2012 05:03 AM
تجمع الحوامل اللاتي سيلدن بشهر شعبان 1432	ام لبنى 666	إستفسارات مرحلة الولادة	3560	08-02-2011 02:58 PM
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM