ديوانية البحرين - دردشة حوامل البحرين - البحرينيات

[ام حسين الدار]

صباح الخير امهات اخباركم
ابسرعه اعترفو من حامل فيكم وماقالت؟؟؟ يارب كلكم تحملو على غفله هههههه
امانه ادعو الي اكمل حملي على خير لو دعاء بظهر الغيب
اجيني الم في المبيض واسفل السره بس مو قوي زي النغزات وروح وش تتوقعو؟؟
اشوفكم على خير يارب

[الفتاة الذهبية]

جزينة
عظم الله اجرش
مس توته ما عليش شر يا الحلوة
ام حسين
هلا وغلا شخبارش
ما فهمت حق سؤالش بس ان شاء الله
الباقي يردون عليش

[الفتاة الذهبية]

حنونه
انا بعد مال الاكل دشوو عليي هدية

وع طاري الالبوم انا من زمان سويت لها البوم

[شمس الصباح]

صباح الخير بنااااااااات

للحين ما شفت الصفحات بعدين بمر بس عندي طلب الذاكرة مخي انمسحت ونسيت اشلون اسوي اللقيمات ما اذكر لا المقادير ولا شي اللي تعرف تنقدي رحم الله والديها

والله فشلة حتى ولدي يقول ماما ما تعرفين تسوين قيمات وانتي كل تسوين الينا صرنا مطنزه لليهال

[الفتاة الذهبية]

تحطين طحين قيمات على حسب الي تبون تاكلونه
وشوي خميرة عشان ينتفخ

تعجنينهم مع بعض
احنا نحط شوي شكر في ناس ما يحطون
وانتي كيفش تبين شوي شكر ما تبين ع راحتش
وغطيها وخليها تتخمر اقل شي نص ساعه
وبعدين اقليها

واذا خلصتين حطي الدبس

عطيتش الطريقة بس اذا خربتينها لا تقولين منيي اقول لش عاااد

[شمس الصباح]

ااااااااااااااي الحين ذكرت خخخخخخخخخخخخخخ مشكورة فتووووت وما تقصرين اني احط شكر واحيانا ازيد الجرعة ويصير لونة غامق هههههههههه تشكرين يا عمري

مشكورة ورحم الله ولديش دنيا واخره وربي يطول في عمرهم ويظلون ليش دخر يا رب

[al sayedah]

شمس الصباح..
قيماتي اني غير ودايما يسألوني شلون تسوينه يصير طعمه مثل الخنفروش عجيب، بعطيش الطريقة وجربيها :

2 كوب طحين جميع الاستعمالات
1 ملعقة كبيرة بيكنج باودر
5 ملاعق كبيرة سكر
1 بيض
1 كوب ماء ساااخن
1/4 كوب ماء ورد مع زعفران منقوع لفتره
2 ملعقة كبيرة هيل بودرة

اخلطي المكونات الجافه مع البيضة شوي في البداية "خفقة وحده" وتالي ضيفي السوائل كلها واخلطي وخلي الخليط ربع ساعة وتالي اقليه واستمتعي بالطعم

[أحلام أم]

أم حسين
شكله عندش غازات أو يمكن عندش إلتهاب أبوال خفيف لو قريبة مني عطيتش ماي مرقدوش بس كثري من الماي وماعليش شر
شمس الصباح
ههههههههههههههههههه ضحكتيني أني بعد الذاكرة ممسوحه أشوى نقذتش فتوت الطباخه
السيدة
بجرب لقيماتش اليوم إذا خلاني هنوووي شكلهم يطلعوون عجايب
أشوفكم

[al sayedah]

بالعافيه مقدما احلام ،،

سألت من قبل ومحد رد عليي
اذا كملت الاسبوع الخامس يعني كملت شهر ولا للحين وجم باقي واكمل شهر ؟
اخر دورة لي كانت 1/5/ 2011

[الفتاة الذهبية]

من واحد خمسه الى واحد سته شهر وتمشين في الثاني حبوبه