تجمع حوامل ليبيا

[ميمونة]

عيون وينك

شن حالك وحال صغارك خشي طمنيني

[عيون زوجي]

كيف حالك يا ميمونه وشنو حال اماليك
انا حالي باهي والصغار كويسين بس نفسيتي تعبانه شوي حتى طلعت ومشيت للمحلات ما تغيرتش الحاله
شكلي هرموناتي ملخبطات لان الدورة متأخرة ليها 21 يوم عن موعدها وكملت حبوب التنزيل وما نزلتش وحمل مافيش
وانا من كنت بنت عمرها الدورة ما تلخبطت زي هكي الله المستعان
تصوري حتى انا وراجلي حاله اي كلمه نزعل منها وصغاري مساكين هاليومين كلوا مني ضرب عمرهم ما تخيلوه
وكلامي اخيييييييييييييه جارح زي وجهي وانعشش بلعاني في اي شي اتعمدت ما نمشيش لامي اليوم خفت نزعلها والا اندير مشكله تافهه بالدوه مع نساوين خوتي
لتوا وانا امسكته ومقعمزة بعيد شاده خيري شري

[عيون زوجي]

هادي هديه لمتفائله بقداش في ليبيا من المانيا هالست كامل ب60 ليبيات

[المتفاااائلــــه]

السلام عليكم .... ميمونة ميركل فور ايفر رائحتها مش قوية هلبة وفي نفس الوقت مش خفيفة في الوسط لكن رائحتها تجنن ... بوجهة نظري انها ماتمشيش عراس يعني طلعات في الحياش تمشي قنينة ....


عيون حبيبتي ... ان شااء الله لا باس عليك وبالله حاولي تكوني كويسة وبإذن الله الا ماتنحل المشكلة هادي بإذن الله ... وانتي شني قالك الدكتور بالضبط ... يعني مشيتي لدكتورة ودارتلك جهاز .... وبالشوية عليكم صغيويرتك ... راهوا والله مانتحمل في الصغار ... يالله جيبيهم عندي كنهادا اليومين هادوا لييين تولي كويسة....

وحتى آني اليوم متنكدة شوية سمعت خبر ضايقني .... عندي بنت خالتي قريبة مني هلبة ونحبها وكانت مخطوبة لواحد ولد عيلة وناس وماشا ءالله عليه وفرحانة بيه هيا واماليها وتقول ماشاء الله عليه والعرس ماعادش مازال عليه هلبة يعني شهير شهير وشوية .... فجأة اليوم قالتلي ان الموضوع ماصارش منه والمشكلة ان مش عارفة السبب هيا من قبل نوعها مادس عليا شيء وكل شيء تقولهولي .... لكن في الموضوع هذا انحس فيها في حاجة ومش قادرة تقولها تقولي مافيش نصيب وماتفاهمناش وخلاص وآني مانحبش نسئل هلبة يعني كيف لقيتها هكي مابيتش نسئلا هلبة صبرتها وقلتلها فيها خيرة وخلاص..... والله ان شااء الله خير ومشغولة عليها آني ... ربي يردهولها كان فيه خيرتها والا يرزقها باللي احسن منه .... قلتلها يالله ماداما مافيشي نصيب توا خير من بعدين ... الحمد لله

[ميمونة]

لاحول ولاقوة الا بالله العلي العظيم

هذا ياعيون بجد من تاثير الحبوب التنزيل انا مجربتهم يديرو الاعصاب ردي بالك انت شدي اعصابك شن دخلهم مساكيين تفشي غلك فيهم ديري ريلكس وارتاحي اكثر
انت قداش ليك مكمله الحبوب هيا تنزل من تاني يوم لخامس يوم من ترك الحبوب صبري بالك انشاءالله خير

[يقين]

السلالالالالام عليكم كيف حالكم
عيوني وميموني ومتفائلتي شن اخبااااااركم

[يقين]

عيوني اسهي بالله حبيبتي الحمد لله حالك باهي وزوجك واماليك وصغارك حالهم باهي وعليش بتتعقدي هادو فعلا الحبوب لخبطولك اعصابك
ريحي روحك ومعاش تتعفلقي مش باهي لصغارك راهومعليشي هادي فتره وتمر

[المتفاااائلــــه]

المشاركة الأصلية كتبت بواسطة عيون زوجي

هادي هديه لمتفائله بقداش في ليبيا من المانيا هالست كامل ب60 ليبيات

صحيتي عيون حبيبتي أحلى هدية وآني اللي عندي بنفس حجم اللي حطيتها آني يعني 125 مل ... ومعاها بودي لوشن لكن مش زي هذا لونه داكن شوية والعطر بروحه بحجم اللي عندي تقريبا بــ 125 دينار او 95 متلخبطة بينها وبين وحدة ثانية
وفي هذا الرابط صورة البودي لوشن امتاعي
http://www.polyvore.com/lancome_mira...ing?id=8702842

[عيون زوجي]

متفائله وميمونه.......بارك الله فيكم انتم اوخياتي واحنينات وتهبلوا
اميره التجمع...ربي يرزق ابنيه خالتك وليد حلال واكيد السبب مازال واجعها ماتقدرش اتقول في حرارتها خليها ايام وتو تتصل وتفضفض والا بريلها بعد مده واسيها واسمعي منها قدر الله وماشاءالله فعل
يقين,,كيف حالك وكولي كويس ردي بالك على فيصل تبيه ايجيك ناقص ولا شنووووووو وكيف حال فروتي لانها الاصل

[يقين]

ام وسونه اخخخخخخخخخخخخ كان انشدك انتي ودجاجتك نكلكم الاتنين معقوله معقوله اليوم نراجي فيها 6 ساعات وماجت هادا شني يا وخيتي تعرفي عقابك غدوه ليا عندك مش دجاجه لالا صردوك كاااامل بحاله ومحشي ايي وه ومعاه سليطه اقنينه من سليطاتك وكان ما وصلنيش اول طياره وبنجيك غادي بنوحلك في حووووووووووولي مححححححححححشي