ديوانية البحرين - دردشة حوامل البحرين - البحرينيات

[نظرتي كلها امل]

ههههههههههههههههه شكلكم كلكم سمعتو كلام ام ملوووووووووك ونمتوووووووووووووون
خووووووووووووووش نسوان يسمعو الحجي

[ام حسين الدار]

اهل البحرين والقطيف
تنوهي من حزينه ام الحسنين
الى الجميع احتمال فترة ماتدخل
لان جد زوجها متوفي وراحت عندهم
عظم الله اجرهم

[نظرتي كلها امل]

احلام امطفلي حياتي شحوالكم
من زمان ماطليتووو علينااااا

[حنين للماضي]

صباح الليل
ناموا الحلوات لو بعدهم؟؟

الله يشافيش مس توته عورتي قلبي والله
باسملة عليش لاتدعين على روحش
عسى ربي يلبسش ملوبس العافية وتقومين بالسلامة
طمنينا عن صحتش الحين

طفطف وفوفو وروز انتو كله عندكم مواعين واللاخير اياكم
يلا قوموا غسلوهم بسرعة
تعالةا صحيح على طاري القشرة الجهال كلهم ييصير لهم جدي
اني علوان بعد صاده اول ماجبته لأن عبارة الطبقة اللي على فروة راسهم تيبس وتتقشر لأنها مالت البطن وقمت دهنته بزيت زيتون وامشطه على وراه لين طاح وافتكيت منه ولله الحمد
هههههههههه طفطف صوبه المشط يشمخ راسهم؟؟؟
صدق انتي وفوفو مافي عليكم بالوسواس

شوشو دبحتينا يا اختي يلا حطي الصور وريحينا بسرعة

ام علي شخبار الجهال مع الاجازة
انتي وام خليل وشموس المفروض تسمتونها نومة للظهر من عقب هالاجازة

ام حسن و ام فتوم وام السادة وحزون اليوم مابينوا ان شاءالله يكونون بخير


فتوت شخبارش رفيقة دربي
اليوم تخيلي عطيت علوان آلو وعصير برتقال وحليب لاعت جبده مسكين ههههههه
شسوي مو راضي ياكل آلو بجرب باجر اعطي عيش وكوسه
اله ابي يمتن


ام بنين جوفي متى الحلوة تنام وروحي تسبحي
لوخليها عند ابوالشباب رغم ان اشك فيهم يقدرون يتحملون صياحهم

الليلة تخيلوا الحجي يقول اني اجي من الشغل عشان ارتاح وولدش كله يصرخ
هو بيني وبينكم علوان مادري شنو في يازعم يسولف بس بصريخ كله بصوت عالي حتى ساعات يقعد يكح من قوة صوته ههههههه
الليلة مبي نسمع شنو يقولون في المسلسل محنه قادرين بوالشباب مزلزل البيت بصريخة يازعم يسولف فديته اني والله

ام حسين الف مبروك حبيبتي
صبري بعد جايتنش الرفسات والتزقز
عسى ربي يسهل عليش وتقومين بالسلامة
اني من رايي تصبغين عقب احسن
هالايام هالصبغات ماتدرين شنو فيهم من مواد
نطري احسن وعقب يصير خير

اروى انتي اله كله متنسيه على العيش لو وحدة ثانية؟؟؟
وينه وين البرج الحين ان شاءالله تتعدل الامور ونجتمع على خير ان شاءالله

السيدة وروعة حياكم الله بينه
وعسى ربي يثبت حملكم وتقومون بالسلامة ويلا واصلوا معانه وخلونه نتعرف عليكم اكثر

ام موسى وفرح عمري واااجد يغطون
ان شاءالله يكونون بخير

صعوب شكلها سوتها وولدت ان شاءالله

[حنين للماضي]

نظرتي شخبارش؟؟
لحين ماعرفتي شنو اللي يدور داخلش؟؟؟
عسى ربي يسر ليش وتقومين بالسلامة
يقولون احساس الام اغلب الاوقات يطلع صح
اني كنت اقول لزوجي احتمال 90% ولد وهو كان يقول لي احتمال 99% بنت ههههه
وآخر شيء يوم رحنا سونار تفشل مسكين هههههه

[نظرتي كلها امل]

حنين الماضي اي والله للحين ماااعرفت وش اسوووووووي في حالي اسبوع الجاي موعدي وانشاالله هالمره مجهول الهويه والمتغلي ينعرف عدددل وششش نوووعه هههههه

حزينه الله يعظم لش الاجر ويجعل قبره روضه من رياض الجنه

[al sayedah]

شكرا كل اللي رحب فيني حبيباتي..
ألم ظهري دابحني ! حتى كلا أقول يمكن فيني شي ما يصير يكون جذي شديد .. الله كريم
بسأل اذا كنت كملت خمس اسابيع من حملي فشلون حسبتي بالشهور كملت الاول ولا لا وباقي جم واكمله ؟

[حنين للماضي]

فوفو تذكرت الالبومات تحصلينهم في االانوار وفخر المملكة وهالاماكن يعني
وعلى طاري الطاسة والكمجة مرة سألتيني الكمجة جابوها هدية لعلوان كانت مع ثياب يازعم
والطاسة اخذتها من فخر المملكة عجيبة فيها راس ويده وعليها صور كتاكيت صفران بثلاث ربيات
اني بعد ابي اسوي له البوم بس يومي عن سنة
الحين حصلت برنامج عجججججججججججيب في الآي فون كله في فريمات يهبلون
وكله اقول بقعد اسوي صوره لكن اتعاير

وبالنسبة لفحص بعد الولادة ضروري تروحون يعني حتى لو ماتحسون بشيء على الاقل تريحون ضميركم اللي اكيد من داخل يأنبكم
اني تخيوا سويته وطلع عندي افرازات وسوو لي تحاليل زراعة شيء جدي
وعقب يوم رحت راجعتهم قالوا مافي شيء ماسويتي تحاليل
قلت لهم اذكر خذيتوا مني عينات
قالوا لا مافي شيء
عقب شهر اتصلوا لي قالوا عيناتش ضاعت في السلمانية لازم مرة ثانية تسوين بنتصل ليش وبنقول ليش متى اجين
ولحد يومكم ماتصلوا يبي لي اروح اجوف قصتهم لأن كله عندي حكة وافرزات خفيفة

المهم حبايبي اخليكم يلا تحلفوا زين وتحملوا في الجهال
مع الف سلامة

[ام حسين الدار]

حنونه وش صاير ناطه اهنا واني ابروحي اهناك خلاص ازعلات لااتكلميني

[أحلام أم]

شحوالكم
مس توتة
ماعليش شر خيو لا تفاولين على روحش تحملي علشان الجنين ،تذكريني بصديقتي لين يزيد عليها مرض السكلر شرعنش ،ربي يشافيش من كل ألم ووجع بحق محمد وآل محمد
روز
أني بعد نفسي أتسبح سبوحة مطولة وأسوي جو في الحمام خخخخخخ أحط شموع وأشغل شريط فية صوت الطبيعه والعصافير والشلالات <<ماني صاحية علشان ماأشوف إلا الباب يتكسر
روعة مشاعر
لاتخافين الحمل خارج الرحم أني بعد قالوا إحتمال جدية بس ألام الحمل خارج الرحم فضيعه وتنفجر قناة فالوب من فضاعته ماعليش منها ،شكله حملش صار متأخر إنتظري مادام في عوارض حمل لاتخافين الهرمون بيرتفع وببين الحمل بس واصلي مواعيدش ولاتخلينهم يسوون فيش شي بس سونار وشربي فولك أسد والمثبت وحاضرين
حنون
أي نوم يأم علاوي أولادي يقعدون من الساعه 7 الصبح حتى في الإجازات طالعين على أبوهم ههههههههه وحمود زين بس زايدة مشاكساته وسجلته للروضة قريب من البيت ويبى من ألحين يداااوم متحمس وكل مانمر عليها يقول هذي مدرستي هههههه
نظرتي كلها أمل
جنينش من ألحين يلعب وياش الغميضة ههههه وبنمر عليكم
أم حسين الدار
لا تصبغين شعرش إلا بعد الولادة
حزينه
عظم الله أجركم والبقى في راسكم
شمس
ويش برنامجش مع أولادش في العطلة ،تصدقين نفسي أتصل لش وأسولف وياش بس كله وقتي ضيق باحاول أمرش البيت لين الله كتب نزوركم
طفطف
عمتش بيودونها تتعالج في الأردن ماعليها شر وياارب يرجعون بالسلامة